San Mateo 15:4 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴ Ñewa, poꞌñoxhkaꞌye yeñoteñ Yomporpaꞌ ateth oteney: “Semorrenteñothpaꞌ semhchaꞌnaꞌchchaꞌ sompor ñamha sachor.” Elloña ñamha poꞌpoñoneth ateth oteney: “Ñerraꞌm eseshaꞌ sasareꞌteneꞌ pompor ñamha pachor ñeñthpaꞌ moetsetepaꞌ.”

San Mateo 15:4 Iomraidhean Croise

San Mateo 15:3

Ñañapaꞌ ateth otanet: —Sapaꞌxhoꞌña ñeñthoꞌmareꞌtrraña sathpareꞌteññañña samha Yompor poꞌñoñ ñeñth ateth anareth allochñapaꞌ eꞌñech sañeña seyxheña eꞌñe setsotayen.

San Mateo 15:5

Tharraña sañapaꞌ amaña attheyeꞌ sepeno tharroꞌmar sapaꞌ xhaña ateth sotyen: —Ñerraꞌm eseshaꞌ ateth oteneꞌ pompor ñamha pachor: “Ñeñth nechen oꞌch napapeñpaꞌ tharraña amach napape theꞌpaꞌ oꞌch neneꞌ Yomporekop”

San Mateo 19:19

Ñamha eꞌñe pemorrenteñothpaꞌ pemhchaꞌnaꞌchchaꞌ phompor ñamha phachor. Ñamha añchaꞌ atarr kowen pemorrenta phamoꞌts eꞌñe ateth atarr pemorrentena eꞌñe phañeña.

San Mateo 4:10

Jesúsñapaꞌ alla otererr: —Theꞌpaꞌ oꞌch orrerreph oneñethe. Napaꞌ ama nemno oꞌch ateth nepha tharroꞌmar Yompor poꞌñoñ ñeñth anwareth ñeñthpaꞌ ateth oteney: “Añach ñapoeth yemaꞌyochena Yompor ñeñth Yepartseshar yepen, eꞌñech ñaptha yesherbeꞌ.”

Romanos 3:31

Ñatoꞌ sa theꞌpaꞌ xhatheꞌ sotenapañ yeyemteñoth Cristo, theꞌpaꞌ Yompor poꞌñoñ ñeñth ateth anareth awathotheñpaꞌ oꞌch yewaporeꞌch, oꞌwañchaꞌ sherbhaꞌy. Tharraña oꞌch notas, elloña atthoña eꞌñe yeñoten, ñeñthoꞌmarña Yompor poꞌñoñpaꞌ atarr sherbeney.

Efesios 6:1

Theꞌ cheshaneshachaꞌ oꞌch notas ñeñth poktetsa sokop ñeñthchaꞌ ateth sepha. Eꞌñe sameꞌñeñoth Yepartseshar Cristo xhokmoepaꞌch eꞌñe kowen sameꞌñeña sompor ñamha sachor, tharroꞌmar ñeñth poktetsa sokop.