San Mateo 15:10 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁰ Allempoña Jesúspaꞌ xhoreꞌtan acheñeneshaꞌ ñeñth shontetsa, ñetñapaꞌ ateth otanet: —Sañapaꞌ eꞌñepaꞌchña kowen seꞌmhñoten allochñapaꞌ atthoch eꞌñe kowen xhaponasa seyoxhro.

San Mateo 15:10 Iomraidhean Croise

San Mateo 13:19

Ñewa, añ poerets ñeñth xhapyesets thoñoꞌmar, ñeñthpaꞌ añ notenes acheñeneshaꞌ ñeñth eꞌmhñotenayeñ Yompor poꞌñoñ ñeñth attho ayochreshathtena ña. Amaꞌt eꞌmhñotenetañ tharraña ama xhenaneto poeyoxhreto ñeñth poꞌñoxh ateth oteney Yompor. Ñeñthoꞌmar allorokmach wapa oneñethpaꞌ oꞌch alla poerratamperranet Yompor poꞌñoñ eꞌñe poeyoxhretoth.

San Mateo 15:11

Ama añeyeꞌ yaꞌsosyatenaye Partsokop ñeñth yerraꞌyen yenamoth. Añkaꞌyeña yaꞌsosyateneꞌ yeñoñ ñeñth xhaꞌnets yenamoth ñeñth ateth yeñosatseꞌtyen.

San Mateo 15:9

Eꞌñe orrena maꞌyochennet, ñeñth ateth yexhatannenetpaꞌ ñeñthpaꞌ eꞌñe acheña nayeꞌth awath pokthaphña.

San Mateo 24:15

‘Ñewa, awath Daniel ñeñth aꞌmhtayeꞌth Yompor poꞌñoñ, ña poꞌkellkopaꞌ ateth oteꞌth: “Xherrchaꞌ allempo amaꞌt ñeñth ama masosyayeꞌ enteno Yomporpaꞌ ñeñthñapaꞌ xherrchaꞌ all amaꞌt ñeñth eꞌñe Partsokpa anaretheñ. Ñeñthpaꞌ ñeñthachkaꞌyeña eꞌñe aꞌchenkatwerrawet.” Ñewa, ñeñthchaꞌ lleyerreꞌ añ ñoñetspaꞌ ñetñapaꞌ eñoteretepaꞌch. Ñeñthoꞌmarña ñerraꞌm esempoch senter oꞌ xhap all ñeñth eꞌñe Partsokpa anarethpaꞌ

San Lucas 24:45

Allempoñapaꞌ oꞌ xhapatanet poeyoxhreto allowen ñoñtsoxhno ñeñth akellkaꞌyesareth ñokop.

Efesios 1:17

Ñamha nenamoennas Yompor ñeñth Pompor pen Jesucristo, ñeñthara Yompor ñeñth atarr kowen Partsotets. Añ nenamoennas, Yompor Poekamkëñothpaꞌ eñotatasepaꞌch ñeñth eꞌñe ateth pena ña pokthaphña. Atthochña sapaꞌ eshekchaꞌ señoterrña ñeñth atarr kowen sherbets ñokop ñeñth amaꞌt awatha sapaꞌ ama señoteñe.

Colosenses 1:9

Ñeñthoꞌmarña allempo yeꞌmareꞌtas allempotheñ yapaꞌ ama yekexhpoeno semaꞌyochamphsaya Yompor. Yapaꞌ añ yenamoennas Yompor: Sapaꞌ xhokmoepaꞌchña eñotatenes ñeñth ateth moenen ña ñeñthchaꞌ ateth sephaꞌyes eꞌñe kowen ñokop. Ñamha xhaponasepaꞌch seyoxhro ora allowen ñeñth atarr kowentetsa yekamkëñekop.

Santiago 1:5

Ñerraꞌm eseshastheꞌ ama eꞌñeyeꞌ eñotenaye ñeñth kowen enten Yomporpaꞌ sapaꞌ añchaꞌña senam Yompor, ñapaꞌ xhokmach es eñotatey, tharroꞌmar ñapaꞌ eꞌñech poksheñeshaꞌ es apoeney alloweney, amachña ñeñthapaꞌ xha cheꞌptareꞌtye.