San Mateo 14:8 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁸ Pachorñapaꞌ allentha otareꞌch eꞌñe aꞌnawa: —Oꞌwa phochtheꞌ amhchaꞌtareth: “Añchaꞌ phapoen Juan poñ.” Allempoña shopsheshaꞌpaꞌ ateth otan Herodes: —Napaꞌ añ nemnen oꞌch pepechennanaꞌ Juan poñ ñeñth apatayeꞌth acheñeneshaꞌ, oꞌch penon platopaꞌ oꞌch phapwerren eꞌñe arrma.

San Mateo 14:8 Iomraidhean Croise

San Mateo 14:11

Allempoña oꞌ wapaterrñañet poñ platopaꞌ apweret shopsheshaꞌ. Ñañapaꞌ anemh pachoresho oꞌch apoeñaꞌ.

San Mateo 14:7

Herodesñapaꞌ ñeñtha atarr kowen ent. Ñeñthoꞌmarña och: —Na poꞌñoxhpaꞌ oꞌch nenaꞌ neñoñ eꞌñe Parets paꞌsoꞌchño, amaꞌt es penamoenpaꞌ napaꞌ napaphchaꞌ.

San Mateo 14:9

Oꞌña enamwepaꞌ amhchaꞌtarethñapaꞌ xha lleka. Tharraña amaꞌt llekañpaꞌ oꞌ nowanña poꞌñoñ womenk eꞌñe Yompor paꞌsoꞌchño ñamha alloꞌtsaꞌyen ñeñth waꞌñen ñeñth eꞌmoeneꞌ ateth oten ñeñthoꞌmarña otanet: —Theꞌpaꞌ oꞌch saph Juan poñ.

San Marcos 6:24

Allempoña shopsheshaꞌpaꞌ xhaꞌnerr awerr pachoresho, ateth otosan pachor: —Taꞌm ¿eschaꞌ nenamhña amhchaꞌtareth? Pachorñapaꞌ ateth och: —Añchaꞌ penamh Juan poñ ñeñth apatayeꞌth awaña acheñ.

San Marcos 6:25

Allempoña shopsheshaꞌpaꞌ materra alla amhchaꞌtareth Herodesesho ateth otwerran amhchaꞌtareth: —Napaꞌ añ nemnen oꞌch pepechennanaꞌ Juan poñ ñeñth apatayeꞌth acheñeneshaꞌ oꞌch penon platopaꞌ oꞌch phapwerren eꞌñe arrma.

San Marcos 6:28

Solltarñapaꞌ allentha awoꞌ pechenanaꞌ Juan poñ, oꞌ wapater plato, apwerran shopsheshaꞌ. Shopsheshaꞌñapaꞌ apoenanaꞌ ñamha pachor.