San Mateo 13:57 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵⁷ Ñeñthoꞌmarña all eꞌñe ña paꞌnyo ama eseshayeꞌ akwaꞌpenaye entenaye. Allempoña Jesúspaꞌ ateth otanet: —Ñeñth aꞌmhteneꞌ Yompor poꞌñoñpaꞌ xhokmakaꞌye amhchaꞌnaꞌtpoꞌ entyeñña allowen acheñeneshaꞌ, arrña paꞌnyo alloꞌtsen eꞌñe ña pamoꞌtsnaꞌtarneshaꞌ ñetñapaꞌ ama akwaꞌpenayeꞌ enteñeto. Amaꞌt ñamha ñeñth parro yexhenet paꞌpaklleto, ñetpaꞌxhoꞌña ama akwaꞌpenayeꞌ enteñeto.

San Mateo 13:57 Iomraidhean Croise

San Mateo 11:6

Jesúsñapaꞌ alla oterranerr Juan poeyochreshaꞌ: —Ñamha ellonethpaꞌ oꞌch sotwer Juan ñeñth ateth notenes, atarr kosheñtsoꞌtsen amaꞌt allowen ñeñth atarr neyemtenaya na, ñeñth ama eꞌnenaye poꞌpsheñeñ ñeñthchaꞌ koshaterrawet.

San Mateo 13:58

Ama ameꞌñeñeto ñeñthoꞌmarña allpaꞌ ama atonocheyeꞌ orrtataneto poꞌpartsoña.

San Marcos 6:1

Jesúsña awerrerr allothpaꞌ oꞌ alla xherrerr paꞌnyo all Nazareto. Poeyochreshaꞌñapaꞌ alla kothaꞌwanererr.

San Marcos 6:14

Allempoña amhchaꞌtareth Herodes ñañapaꞌ ateth eꞌmareꞌtenan Jesús ñeñth ateth phaꞌyena, tharroꞌmar Jesús allowen acheñeneshaꞌpaꞌ eꞌñe eꞌmareꞌtweñet ñeñth ateth phaꞌyena. Ñañapaꞌ ateth ot: —Añepaꞌtkaꞌyeña Juanañ ñeñth apatayeꞌth acheñ Partsokop. Taꞌmkaꞌye xhatheꞌ tanterraña rromoth. Ñeñthoꞌmarepaꞌtkaꞌyeña theꞌpaꞌ orrtaterranña partsoteñets.

San Marcos 6:3

Ñapaꞌ añakaꞌye ñeñth poꞌtarwas peneꞌ oꞌch thorrenana tsach atthoch es yexhkatyen paꞌnamen. Ñapaꞌ añakaꞌye María poechoyor. Paꞌmoꞌnasheñpaꞌxhoꞌña añakaꞌye Jacobo, José, Judas, ñamha Simón. Ñamha poꞌxhaneshaꞌpaꞌ eꞌñekaꞌye yechmeꞌtenanet, parroꞌmarneshayarramcheꞌ. Ñeñthoꞌmarña all eꞌñe ña paꞌnyopaꞌ ama eseshayeꞌ akwaꞌpenaye entenaye.

San Marcos 6:4

Allempoña Jesúspaꞌ ateth otanet: —Ñeñth aꞌmhteneꞌ Yompor poꞌñoñpaꞌ xhokmakaꞌye amhchaꞌnaꞌtpoꞌ entyeñña allowen acheñeneshaꞌ; arrña paꞌnyo alloꞌtsen eꞌñe ña pamoꞌtsnaꞌtarneshaꞌ ñeñth eꞌñe pamoꞌtsnaꞌtar penpaꞌ ñetñapaꞌ ama akwaꞌpenayeꞌ enteñeto. Amaꞌt ñamha ñeñth parro yexhenet paꞌpaklleto, ñetpaꞌxhoꞌña ama akwaꞌpenayeꞌ enteñeto.

San Lucas 4:24

Tharraña napaꞌ poꞌñoxh oꞌch notas: —Ñeñth aꞌmhteneꞌ Yompor poꞌñoñ amaꞌt poesheñarra ama eñalleña ñeñth eꞌñe kowen enten allowen pamoꞌtseshaꞌ ñeñth parro yexhenet all eꞌñe ñet paꞌnetsreto.

San Lucas 7:23

Jesúsñapaꞌ alla oterranerr Juan poeyochreshaꞌ: —Ñamha ellonethpaꞌ oꞌch sotwer Juan ñeñth ateth notenes: Atarr kosheñtsoꞌtsen amaꞌt allowen ñeñth atarr neyemtenaya na, ñeñth ama eꞌnenaye poꞌpsheñeñ ñeñthchaꞌ koshaterrawet.

San Juan 4:44

Tharroꞌmar eꞌñe poꞌñoxh ateth eñorena Jesús ñokop, ñeñthpaꞌ ateth ot: Ñeñthña aꞌmhteneꞌ Yompor poꞌñoñ paꞌnyoꞌmarneshaꞌñapaꞌ amaꞌt mameshapaꞌ ama mechaꞌnaꞌteñeto.

San Juan 6:42

Ñeñthpaꞌ ateth otyeset: —Añmapaꞌ añakaꞌye Jesús, José poechemer, ñeñth pompor ñamha pachor eꞌñekaꞌye yechmeꞌteñ. Theꞌñapaꞌ esoꞌmareꞌtña oten ñapaꞌ entothoꞌ wapa.

San Juan 6:61

Jesúspaꞌ eꞌñe poeyoxhro eñotanet xha otatseꞌtyen poeyochreshaxhno, ñeñthoꞌmarña ateth oterraneterr: —Ñeñth ateth notenespaꞌ areꞌt pokteyeꞌ senteñe.