San Mateo 13:51 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵¹ Allempoñapaꞌ allentha aꞌphthoꞌtanet: —¿Eñotoxhenaꞌt sentenña allowen ñeñth ateth notyenes? Ñetñapaꞌ ateth ochet: —Eñotoxhenkaꞌye yenteñ.

San Mateo 13:51 Iomraidhean Croise

San Mateo 13:11

Jesúsñapaꞌ ateth oterraneterr: —Sa theꞌpaꞌ Yomporña oꞌ moenaterres atthoch señoterr ñeñth ama eñotpawoyaye amaꞌt awathotheñ ñeñth ateth penaña Yompor poꞌkowenña attho ayochreshathtena ña poeꞌntañoth. Tharraña poꞌpotantañexhnoñapaꞌ ñeñth attha es poexhaꞌyetsa, ñokpoetñapaꞌ amach errothenoth eñoterrñañeto Yompor poꞌkowenña.

San Mateo 13:19

Ñewa, añ poerets ñeñth xhapyesets thoñoꞌmar, ñeñthpaꞌ añ notenes acheñeneshaꞌ ñeñth eꞌmhñotenayeñ Yompor poꞌñoñ ñeñth attho ayochreshathtena ña. Amaꞌt eꞌmhñotenetañ tharraña ama xhenaneto poeyoxhreto ñeñth poꞌñoxh ateth oteney Yompor. Ñeñthoꞌmar allorokmach wapa oneñethpaꞌ oꞌch alla poerratamperranet Yompor poꞌñoñ eꞌñe poeyoxhretoth.

San Mateo 13:50

Ñeñthña atsrreꞌmñathneshaꞌpaꞌ waporeꞌteretchaꞌ oꞌpono all worten tsoꞌ. Allñapaꞌ allchaꞌ yawanrrorterret, panmoeñothet atserrpaꞌ rrasoꞌtyerretchaꞌ paꞌs.

San Mateo 13:52

Allempoñapaꞌ ateth otanet: —Ñeñthoꞌmarña amaꞌt allowen erraꞌtsen ñeñth atarr etsoteneꞌ ñoñets ñeñth ateth anareth awathotheñ, ñerraꞌm elloña ayxhatarethtet ñamet ñeñth ateth pena Yompor poꞌkowenña attho atarr ayochreshathtena ña, ñeñthña acheñer atarrchaꞌ kowen orrtatenan kothaphñats ñeñth awathotheñ, elloña kowenchaꞌ orrtaterran ñamha ñeñth eꞌñe etserra kothaphñats. Eꞌñech ateth pena ñerraꞌmrratheꞌ ñeñth apakllatheshaꞌ. All aññoꞌtyenan ñeñth atarr morrentena errothenopaꞌ oꞌch orrtatenan ñeñth errteꞌ aññoꞌten all; errothenoñapaꞌ oꞌch orrtatyenan ñamha ñeñth aññoꞌten awathotheñ all paꞌpakllo.

San Mateo 15:17

Sapaꞌ amaꞌt xhennasoña seyoxhro ñeñth yerraꞌyen yenamothpaꞌ alla sen yatho ñeñthpaꞌ xhokmach yener aꞌyo.

San Mateo 16:11

Errothenothwañakaꞌyeña ama señotenoña ñeñth ateth notas ñorraꞌ atthoch ama semeñeꞌtatsche fariseoneshaꞌ amaꞌt ñamha saduceoneshaꞌ poꞌchaser ñeñthpaꞌ ama rreñtsoyeꞌ notenso.

San Mateo 24:15

‘Ñewa, awath Daniel ñeñth aꞌmhtayeꞌth Yompor poꞌñoñ, ña poꞌkellkopaꞌ ateth oteꞌth: “Xherrchaꞌ allempo amaꞌt ñeñth ama masosyayeꞌ enteno Yomporpaꞌ ñeñthñapaꞌ xherrchaꞌ all amaꞌt ñeñth eꞌñe Partsokpa anaretheñ. Ñeñthpaꞌ ñeñthachkaꞌyeña eꞌñe aꞌchenkatwerrawet.” Ñewa, ñeñthchaꞌ lleyerreꞌ añ ñoñetspaꞌ ñetñapaꞌ eñoteretepaꞌch. Ñeñthoꞌmarña ñerraꞌm esempoch senter oꞌ xhap all ñeñth eꞌñe Partsokpa anarethpaꞌ

San Marcos 4:34

Ama serrpareꞌtatenaneto attha, añña xhokma serrpareꞌtatenanet tomaꞌnteñtso. Ellonethpaꞌ xhokma eꞌñe eñotoxhen serrpareꞌtatenan poeyochreshaꞌ.

San Marcos 7:18

Jesúsñapaꞌ ateth otanet: —Sapaꞌxhoꞌña eꞌñeꞌtña atthekmas samha, ama es sexhenoyo seyoxhro. Sapaꞌ amaꞌt señotenoña ñeñth yerraꞌyen yenamoth ñeñthpaꞌ amatheꞌ errothenoth aꞌsosyatyeña Partsokop.

1 San Juan 5:20

Yañapaꞌ yeñoteñ ñeñth Poechemer pen Yomporpaꞌ ñañapaꞌ oꞌ wapa. Ñaña yexhapaterreꞌña yeyoxhro atthochña yapaꞌ oꞌch yeñoter Yompor ñeñth eꞌñe poꞌñoxh Parets. Ñeñthoꞌmarña yeñoteñ oꞌ yeparrokmaterr epay ñeñth eꞌñe poꞌñoxh Yompor Poechemer ñeñthpaꞌ Jesucristo. Atthoña yapaꞌ oꞌ eꞌñe yeñoter Yompor ñeñth eꞌñe poꞌñoxh Parets, ñeñthña yapaꞌ allochña eꞌñe korretsayach yoksheñeshokmañen thayotheñ eꞌñe errponañowen.