San Mateo 13:43 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴³ Allempoña allowen ñeñth eꞌñe pokteꞌ es phaꞌyets ñetñapaꞌ poptetsetach eꞌñech atthet ñerraꞌm atsrreth. Eꞌñech kowen popoetyenet all amhchaꞌtarethtena ñeñth pompor penet. Allowenes ñeñthes neꞌmhñoteneꞌ neñoñ xhaponasepaꞌchña seyoxhro ñeñth ateth notenes.

San Mateo 13:43 Iomraidhean Croise

San Mateo 11:15

Allowenes ñeñthes neꞌmhñoteneꞌ neñoñ, xhaponasepaꞌchña seyoxhro ñeñth ateth notenes.

San Mateo 25:34

Naña allempoch atarr naꞌmhchaꞌtarethterrapaꞌ, atethchaꞌ noter ñeñth nekowenrontheꞌtsaꞌyen: “Sapaꞌ sonaxhaꞌt allowenes tharroꞌmar Nompor oꞌkaꞌye atarr bensareꞌtamperres. Theꞌña sapaꞌ oꞌch sagërr ñeñth oꞌpatatensa awathotheñ. Amaꞌt allempotheñ Nomporpaꞌ errteꞌ yexhkateneꞌ pats sañapaꞌ allempotheñ oꞌpatatasa atthoch saꞌmhchaꞌtarethtapretera.

San Mateo 25:36

Allempo nemoelleꞌthpaꞌ sakaꞌyeña nepashtayeꞌth. Allempo natsnaꞌteꞌthpaꞌ sañapaꞌ xhokma sekwampesneꞌth. Allempo yottampesneteꞌthpaꞌ sakaꞌyeña eꞌñe kowen nemoꞌtayeꞌth.”

San Mateo 26:29

Napaꞌ oꞌch notas: Theꞌpaꞌ amach alla norrerreꞌthe añ narmetsos thayotheñ tharrempowach allempoch alla ello yorrerrerr parro allempoch amhchaꞌtarethetwerra Apa.

San Marcos 4:23

Ñeñthes poꞌñoxh neꞌmhñoteneꞌ xhaponasepaꞌch seyoxhro ñeñth ateth netmaꞌntatensa añ ñoñets.

San Lucas 12:32

‘Amach neyochreneshaxhnochaꞌ es sellkatsto amaꞌt ama atarr shonteyayso, Yomporña atarr kowen sekwampeneꞌ ateth ñerraꞌmrratheꞌ eꞌñe poꞌcarneror penes. Eꞌñe poksheñeshothpaꞌ apaschaꞌ atthoch eꞌñe kowen sokshapreterrñaña poꞌkowenña atthoch atarr ayochreshathterra.

San Lucas 22:29

Ñeñthoꞌmarña theꞌpaꞌ oꞌch nenaꞌnerres sa ñeñtheschaꞌña napoerr atthoch saꞌmhchaꞌtarethtapreterrna eꞌñe ateth pena Nompor oꞌ naꞌn namha ñeñthenchaꞌ amhchaꞌtarethtapreterraya.

1 Corintios 15:58

Ñeñthoꞌmar eꞌñe nemorrenteñothpaꞌ oꞌch, masheñneshachaꞌ ñamha noxhaneshachaꞌ, noterrserr: Theꞌpaꞌ womenkëpaꞌch sephaꞌ seyoxher, amach sekexhpatstere. Ñamha xhokmoepaꞌch sethorrena Yomporekop. Ñamha sapaꞌ señochepaꞌch ñeñth attho yethorrena Yomporekoppaꞌ ama orrena yethorreno.

Santiago 2:5

Masheñneshachaꞌ ñamha noxhaneshachaꞌ, eꞌñe nemorrenteñothes theꞌpaꞌ nemneñ oꞌch seꞌmhñoten ñeñthchaꞌ ateth notas. Elloña Yomporpaꞌ añña nanak moenen oꞌch akrerran allowen ñeñth nanak wokchañetets añ patsro, atthoch eꞌñe pameꞌñeñothet ñetpaꞌ echerretchaꞌ esokmañen Yomporeshoth. Esempowañenñapaꞌ oꞌch agërret ñamha ñeñth oꞌpatatenanet Yompor all amhchaꞌtarethtena poeꞌntaño. Ñamha ñeñth oꞌpatatenya alloweney ñeñthey morrentenaya ña.