San Mateo 12:3 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³ Jesúsñapaꞌ ateth otanet: —Sapaꞌ amaꞌtrra selleyareña ñeñth ateth pha awath David allempo cheporraꞌnma epoet ñamha allowen ñeñth kotheneꞌ.

San Mateo 12:3 Iomraidhean Croise

San Mateo 12:2

Fariseoneshaꞌña ñeñth entawet ateth phaꞌnmoetpaꞌ ñetñapaꞌ allentha otyeset Jesús: —Pekweꞌñakaꞌyeña añ peyochreshaꞌ tasoꞌtampesyesnomoet trigo; ateth penet ñeñth ama pokteyaye oꞌch ateth yepha tarwasats añe yethro tharroꞌmar theꞌpaꞌ añe yethro ñeñth ateth anareth awathotheñ allempokmach yamesen.

San Mateo 12:4

Ña allempopaꞌ beꞌthosos Yompor paꞌpakllo allñapaꞌ rrosan pan ñeñth atmaꞌntatareth ateth ñerraꞌmrratheꞌ ñeñth nenet all Partsokop. Ñewa, ñeñth panpaꞌ ama pokteyayñe oꞌch rros David ñamha ñeñth epoet. Ñeñthpaꞌ añach ñapoeth rreneꞌ kornaneshaxhno; ñeñthpaꞌ ateth anwareth judioneshakop.

San Mateo 12:5

Ñamha amaꞌt selleyareña ñoñets ñeñth ateth anareth ñeñth Moisés poꞌñoñ all oten ateth pena ñamha kornaneshaꞌ Parets paꞌpakllo. Ñewa, ñet poesherbeñothetpaꞌ ama ameseneto añe yethro allempokma yamesen. Ñetpaꞌ amaꞌt ateth penetpaꞌ Yomporñapaꞌ eꞌñe pokteꞌ entenanet.

San Mateo 19:4

Jesúspaꞌ ateth otapanet: —Amaꞌt selleyareña ateth oten Yompor poꞌñoñ ñeñth akellkareth awathotheñ. Ñewa, allpaꞌ ateth oten, Yomporpaꞌ eꞌñe awathothen allempotheñ es yexhkatyes allempo yexhkatan ñamha asheñorr, yexhkatan ñamha peno.

San Mateo 21:16

Allempoñapaꞌ ateth ochet Jesús: —¿Amaꞌt peꞌmoenoña ateth otaxhreꞌtapaph cheshaneshaꞌ? Jesúsñapaꞌ otanet: —Neꞌmoeñkaꞌye. Sañapaꞌ amaꞌt selleyareña Yompor poꞌñoñ. All anareth ñoñetspaꞌ ñeñthña ateth oten: Amaꞌt cheshatholleshaꞌ eꞌñe poenamothet eꞌñech kowen peꞌñoratos axhotaxhreꞌteñtso. Amaꞌt ñeñth ora momoenmeñ peꞌmorrtatoschaꞌ eꞌñe kowen phokop.

San Mateo 22:31

Sapaꞌ amaꞌtña selleyare ñeñth ateth oteꞌth awath Yompor eꞌñe sokop atthoch señoch poꞌñoxhpaꞌ amaꞌt ñeñth oꞌ kollaꞌwapaꞌ ñetñapaꞌ korretseta.

San Marcos 12:10

Allempoña Jesúspaꞌ ateth oterraneterr: —Sapaꞌ amaꞌt awathapaꞌ amaꞌtña selleyareña ñeñth ateth anwareth Yompor poꞌñoñ awathotheñ. Tharroꞌmar ñeñthpaꞌ ateth oten nokop, all atmaꞌntatarethen mapoeꞌ. Ñeñthpaꞌ ateth oten: Añ mapoeꞌ ñeñth ama pokteyeꞌ entyeno ñeñth thomatyeneꞌ pokoll, ñeñthña theꞌpaꞌ oꞌ anarethterra ñeñthchaꞌ ello atarr kowen sherberrets eꞌñe ateth ñerraꞌm kellpach allo eꞌñe kowen echarr orratenet pokoll.

San Marcos 12:26

Sapaꞌ amaꞌtña selleyareña ñeñth ateth kellkëꞌth awath Moisés atthoch señoch amaꞌt ñeñth oꞌ kollaꞌwapaꞌ ñetñapaꞌ korretseta. Ñewa, all akellkareth tsachmoꞌr ñeñth eꞌñe ñotha wortets. Allothñakaꞌyeña Yomporpaꞌ eñoranaꞌtanaña Moisés; ñeñthpaꞌ atethkaꞌ otña Yompor allempo: “Napaꞌ ñeñthen Poꞌyomporer pen Abraham ñamha Isaac, ñamha Jacob.”

San Lucas 10:26

Jesúsña anaphpaꞌ ateth och: —¿Errothenaꞌt otenña ñoñets ñeñth ateth anareth awathotheñ? ¿Esoꞌtña ñoñtsor pelleyenña pha ñeñth anareth all?

San Lucas 6:3

Jesúsñapaꞌ otanet: —Sapaꞌ amaꞌtrra selleyareña añ ñoñets all oten ñeñth ateth pha awath David allempo cheporraꞌnma epoet ñamha allowen ñeñth kotheneꞌ.