San Mateo 12:2 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

² Fariseoneshaꞌña ñeñth entawet ateth phaꞌnmoetpaꞌ ñetñapaꞌ allentha otyeset Jesús: —Pekweꞌñakaꞌyeña añ peyochreshaꞌ tasoꞌtampesyesnomoet trigo; ateth penet ñeñth ama pokteyaye oꞌch ateth yepha tarwasats añe yethro tharroꞌmar theꞌpaꞌ añe yethro ñeñth ateth anareth awathotheñ allempokmach yamesen.

San Mateo 12:2 Iomraidhean Croise

San Mateo 12:10

Allñapaꞌ alloꞌtsen poesheñarr yakma ñeñth xha chellena pot. Fariseoneshaꞌñapaꞌ allentha aꞌphthoꞌchet: —Añe yethro allempokma yamesenpaꞌ taꞌm ¿pokteꞌtheꞌ penteñ oꞌch phaꞌkrrateñerr acheñ? Tharroꞌmar ateth aꞌphthoꞌteñet allochñapaꞌ eshekchaꞌ otteñeꞌchet.

San Mateo 12:3

Jesúsñapaꞌ ateth otanet: —Sapaꞌ amaꞌtrra selleyareña ñeñth ateth pha awath David allempo cheporraꞌnma epoet ñamha allowen ñeñth kotheneꞌ.

San Marcos 2:24

Fariseoneshaꞌñapaꞌ ñeñth entawet ñetñapaꞌ allentha otyeset Jesús: —Pekweꞌ esoꞌmareꞌtña peyochreshaꞌñapaꞌ ateth penet ñeñth ama pokteyaye oꞌch ateth yepha tharroꞌmar theꞌpaꞌ añe yethropaꞌ ñeñth ateth anareth awathotheñ allempokmach yamesen.

San Lucas 14:3

Jesúsñapaꞌ all serrpareꞌtos epoet fariseoneshaꞌ ñamha ñeñth alloꞌtsaꞌyen ñeñth atarr etsoteneꞌ ñoñets ñeñth ateth anareth judioneshakop. Ñañapaꞌ attha aꞌphthoꞌtosanet eꞌñe poꞌtomña, allochñapaꞌ oꞌch eñoch ñatoꞌ errothenchaꞌ anapet. Ñeñthpaꞌ ateth otosanet: —¿Errothenaꞌtña sotenña sa, taꞌm pokteꞌtheꞌ oꞌch naꞌkrratos atsnañeth añe yethro allempo yamesen? ¿Attheꞌt otenña ñoñets ñeñth ateth anareth, ñatoꞌ amatheꞌ?

San Lucas 23:56

Allempoña ñet onaxherret allothpaꞌ oꞌ xhaxherret pokollo, ñetñapaꞌ allowenetpaꞌ yorayeswerret ñeñth atarr eñmosathexhno alloch aꞌyanaꞌteretaꞌ Jesús ora poꞌchtsowen atthoch eꞌñe kowen eñmosathtateretaꞌ. Ñeñthpaꞌ eꞌñekaꞌye ateth yexhenaña judioneshaꞌ. Ñetpaꞌ alla aññoꞌtwaneñetña eñmosathexhno tharroꞌmar tsapathpaꞌ amach serreto poepampro tharroꞌmar tsapathchaꞌ xhapaꞌmoen ñeñthe yethro allempo xhokma amesen judioneshaꞌ ñeñth ateth anarethtenet ñokpoet.

San Lucas 6:2

Ñeñthña patantaꞌtets fariseoneshaꞌpaꞌ cheꞌptareꞌtanet, ateth otarethtet: —Esoꞌmareꞌtña ateth sepena ñeñth ama pokteyaye oꞌch ateth yepha tharroꞌmar theꞌpaꞌ añe yethro ñeñth ateth anareth awathotheñ allempokmach yamesen.