San Mateo 12:10 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁰ Allñapaꞌ alloꞌtsen poesheñarr yakma ñeñth xha chellena pot. Fariseoneshaꞌñapaꞌ allentha aꞌphthoꞌchet: —Añe yethro allempokma yamesenpaꞌ taꞌm ¿pokteꞌtheꞌ penteñ oꞌch phaꞌkrrateñerr acheñ? Tharroꞌmar ateth aꞌphthoꞌteñet allochñapaꞌ eshekchaꞌ otteñeꞌchet.

San Mateo 12:10 Iomraidhean Croise

San Mateo 12:2

Fariseoneshaꞌña ñeñth entawet ateth phaꞌnmoetpaꞌ ñetñapaꞌ allentha otyeset Jesús: —Pekweꞌñakaꞌyeña añ peyochreshaꞌ tasoꞌtampesyesnomoet trigo; ateth penet ñeñth ama pokteyaye oꞌch ateth yepha tarwasats añe yethro tharroꞌmar theꞌpaꞌ añe yethro ñeñth ateth anareth awathotheñ allempokmach yamesen.

San Mateo 19:3

Allñapaꞌ oꞌ alla waxherrñañerr ñamha fariseoneshaꞌ. Ñetpaꞌ añ moenenet eꞌñe poeshkëñothetpaꞌ oꞌch eñorachet ñeñth ama kowenayaye. Atthoña ñetpaꞌ ateth otoset: —Taꞌm ¿pokteꞌtheꞌ oꞌch yeser yethapor ñerraꞌm esempo errothenoth?

San Marcos 3:2

Fariseoneshaꞌña allpaꞌ Jesúsa atarr kowanaꞌtyenet atthoch eñchet ñatoꞌrraña aꞌkrratenanerrchaꞌ acheñ añe yethro allempokma amesenet. Ñerraꞌm oꞌch aꞌkrratenanerr amaꞌt poesheñarra añe yethro allempo amesenet, allempoñapaꞌ eshekchaꞌ aꞌmethampeñetaꞌ amhchaꞌtarethesho.

San Lucas 11:54

Ñetpaꞌ añ atarr eꞌnenet atthoch otatseꞌtachet allochñapaꞌ ñatoꞌ poꞌtatseꞌtateñothetpaꞌ atthoch otteñeꞌcheñet.

San Lucas 13:14

Allempoña ñeñth amhchaꞌtarethtetsa all judioneshaꞌ poꞌprawo, ñapaꞌ allempo entan ateth oꞌ aꞌkrratan Jesús atsnañeth, ñañapaꞌ ñeñtha atarr atsrreꞌmateꞌ. Amaꞌt mameshapaꞌ ama pokteyeꞌ eñche oꞌch aꞌkrratan acheñ ñeñthe yethro allempo amesenet. Ñeñthoꞌmarña ñapaꞌ ateth otan acheñeneshaꞌ: —Eñall pechapmat yeth allempo pokteꞌ oꞌch yetarwasen. Ñeñthpaꞌ pokteꞌ oꞌch sewapa allempo atthoch saꞌkrrater atsnañeth. Tharraña añ yethro allempo yamesen amach sewapatsto aꞌkrrateꞌ atsnañeth.

San Lucas 20:22

Ñeñthoꞌmarña theꞌpaꞌ yemneñ oꞌch peñotatapoey erraꞌtsentheꞌña eꞌñe poꞌñoxh kowentetsa. ¿Pokteꞌtheꞌ oꞌch yetsaꞌta impuestos añekop ñeñth amhchaꞌtarethtetsa Romo, ñeñth ama judioneshayaye? Ñatoꞌ amatheꞌ pokteyaye yokop ñeñthey judioneshay oꞌch yetsaꞌta amhchaꞌtareth romoꞌmarneshaꞌ ñeñth ama judioneshayaye.

San Lucas 23:14

Pilatoñapaꞌ alla otapoerraneterr: —Añ acheñer ñeñth sewapatennan ñeñth soten sa awoꞌ yexhatyesan acheñeneshaꞌ ñeñth ama kowenayeꞌ senteno sa, theꞌña napaꞌ oꞌ naꞌphthoꞌtareꞌtwe amaꞌt allempo alloꞌtsaꞌyenes tharraña nañapaꞌ amaꞌt parrochapaꞌ ama nentoñeña ñeñth ateth sotyen atthoꞌ pena ñeñth ama kowenayaye.

San Lucas 23:2

Allñapaꞌ atarr otteñeꞌchoset, tomaꞌtampesyesoset, ñeñthpaꞌ ateth otyesoset: —Ya añ acheñer xhokma yenteñ yexhatyenan yamoꞌtseshaxhno judioneshaꞌ ñeñth amaꞌt mameshapaꞌ ama kowenayaye, ñamha ateth oteney añoꞌch yetsaꞌtatsto impuesto ñeñth romoꞌmarneshakop ñeñth nen amhchaꞌtareth Romoth. Amaꞌt ñapaꞌ ateth otena ñapaꞌ ñoꞌ Cristotets ñoꞌ atarr amhchaꞌtarethtetsa arr.

San Juan 5:10

Ñeñthoꞌmarña judioneshaꞌpaꞌ ateth ochet ñeñth oꞌ korrerra: —Theꞌ añe yethro allempokma yamesen. Amakaꞌye pokteyaye oꞌch phanen pemoeꞌ.

San Juan 5:3

Allña poechaꞌpetarothpaꞌ shonteꞌ atsnañethneshaꞌ ñeñth penaꞌrrartetsa all —ñeñth aporoꞌyethexhno ñamha ñeñth cheꞌkaꞌrepaxhno ñamha ñeñth echarretyetsa. Ñetñapaꞌ añ kowenet ñerraꞌm esempoch pelleꞌllchena oñ.

San Juan 7:23

Attho sapaꞌ setsorrateñ asheñorrotholl amaꞌt añ yethro allempokma yamesen atthoch amach sathpoeno ñoñets ñeñth ateth anareth Moisésoth, ñeñthepñapaꞌ esoꞌmarwañakaꞌyeña seꞌmoñeꞌtenenña na allempo eꞌñe naꞌkrraten poesheñarr acheñ añ yethro allempokma yamesen.

San Juan 8:6

Ñeñthpaꞌ tharroꞌmara ateth otoset ñatoꞌrraña eñorachet ñeñth ama pokteyaye allochñapaꞌ atthoch aꞌmethampeñetaꞌ. Jesúsñapaꞌ allentha moꞌkapaꞌ oꞌ kellkan pats potapho.

San Juan 9:16

Patantarrña fariseoneshaꞌpaꞌ ateth otyeset: —Ñeñth yakmarpaꞌ amatheꞌkaꞌye Partseshotheyeꞌ wapo ñeñthoꞌmar ama esoyeꞌ entenanoña ñeñth anareth patherr yeth allempokma yamesen. Poꞌpotantaññapaꞌ ateth otyeset: —Taꞌ, elloña ñerraꞌm ochñath acheñ amatheꞌ errothenoth orrtatonayeña partsoteñets. Atthoña eꞌñe all ellopaꞌtetstatet pokthaphña ñokop.