San Mateo 11:7 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁷ Allempoña Juan poeyochreshaꞌpaꞌ oꞌ awanerret. Jesúsñapaꞌ alla serrpareꞌtaterranerr acheñeneshaꞌ ñeñth ateth peꞌth awaña Juan, ñeñthpaꞌ ateth otanet: —Awaña allempo seteꞌth amayo all serrpareꞌten Juan, sapaꞌ amakaꞌ añekpayeꞌ seteꞌtheña all oꞌch sentenaꞌ amoesmaꞌ ateth aꞌymaꞌtateñ mhorr.

San Mateo 11:7 Iomraidhean Croise

San Mateo 11:8

Ñamha amakaꞌ añekpayeꞌ seteꞌtheña all oꞌch senteñaꞌ ñeñth atarr koxhneshaꞌtetsa paꞌshtam all, tharroꞌmar yeñoteñ amayopaꞌ amakaꞌye eñalleña all ñeñth atarr koxhneshaꞌtetsa paꞌshtam. Yapaꞌ yeñoteñ arrña yentenña ñeñth atarr koxhneshaꞌ chorraꞌyenaya shetamoets amhchaꞌtarethepawo.

San Mateo 12:20

Amaꞌt ñeñth moeroxhetyetsapaꞌ ñapaꞌ eꞌñech moererranet. Ñeñthpaꞌ atethchaꞌ netmaꞌntacha ñerraꞌmrratheꞌ amaꞌt poecharra choꞌneꞌch tsopaꞌneꞌpaꞌ ñañapaꞌ amach xha aꞌmeyatere. Ñamha ñerraꞌm lampareñ xha moeneꞌ mayen ñeñthpaꞌxhoꞌña amach emayatere. Ñapaꞌ amach xha es amhchaꞌnoxhtanaꞌtyerro, tharraña esempowañenpaꞌ eꞌñech attha aꞌmchechatwerran ora allowen ñeñth ama pokteyeꞌ enteno Yompor.

San Mateo 21:25

Sapaꞌxhoꞌña oꞌch sotosen, awañmoꞌcha allempo apateꞌth Juanañ Yomporekop, ñapaꞌ ¿eseshaꞌtña llesenseꞌ ñatoꞌ Yompor amapaꞌ acheñatheꞌ apoeꞌña llesens? Nemnen oꞌch sotosen ñeñth ateth sokthapeꞌchen sa. Ñetñapaꞌ eꞌñe aꞌnawa otannaꞌtyeset: —Taꞌm errothchaꞌkaꞌye yochtheꞌ. Ñerraꞌm xha yoch Yomporeshothkaꞌye apetña llesens, ñapaꞌ xhatheꞌkaꞌye otey: “Ñewa, sañapaꞌ esoꞌmareꞌtña ama seꞌmhñocheña awaña allempo serrpareꞌtatosan acheñeneshaꞌ.”

San Mateo 3:5

Allempoña jerusaléñoꞌmarneshaꞌpaꞌ xhokma waxhaꞌtyenet ñesho ñamha allowen judeoꞌmarneshaꞌ. Waxhaꞌtyeññaña ñamha allowen jordanasoꞌmarneshaꞌ.

San Lucas 8:18

‘Ñeñthoꞌmarña sapaꞌ señotenatheꞌ eꞌñetheꞌ poꞌñoxh kowen seꞌmhñoteññañ Yompor poꞌñoñ ñatoꞌpaꞌ amatheꞌ. Eseshaꞌtheꞌ xhena poeyoxhro amaꞌt eꞌñe allpona Yompor poꞌñoñ, elloña Yomporpaꞌ alloꞌnach eñotatnenanet nanak shonteꞌ. Tharraña eseshaꞌña ñerraꞌm ama xhenaneto poeyoxhro tharroꞌmar ñetpaꞌ ama poꞌñoxhayeꞌ agëññañeto Yompor poꞌñoñ amaꞌt allpon eñotenetañ poeyoxhro ñeñthñapaꞌ xhach poerratamperranet Yompor.

San Juan 1:38

Poetallesnomtsaña Jesúspaꞌ entapanet kothaꞌneñet chentaꞌ ñañapaꞌ ateth otapanet: —¿Esoꞌtña semnen? Ñetñapaꞌ ateth ochet: —Maestro, ¿erraꞌtña pexhap?

San Juan 5:35

Juanpaꞌ eꞌñe ateth peꞌth ñerraꞌmrratheꞌ lampareñ korretsa, atthoña xhoyoꞌteꞌth. Sañapaꞌ sa moenatseꞌth oꞌch sokshameꞌta mameꞌ all aꞌpoetarsamphsas.

Efesios 4:14

Ya theꞌpaꞌ ama attheye ñerraꞌm cheshaneshaꞌ ñeñth ama es eñotetso ñeñth epwoyeꞌ kothapeꞌcheneꞌ kowen. Ñewa, ateth ñerraꞌm cheshaneshaꞌ theꞌpaꞌ ñatoꞌ poꞌpoñchaꞌ kothapeꞌchyenet, ñatoꞌ tsapathñapaꞌ oꞌchxhoꞌ kothapeꞌchyeneterr poꞌpoñ. Yapaꞌxhoꞌña ateth yepena yamha allempo ama yepoꞌnenaꞌ Cristokop. Yaña ñeñthey ama epwoyeꞌ yoktheñe Cristopaꞌ amach errothenoth yeꞌmhñocheña ya ashkañ atthoch ameꞌñatya ña pokthaphña, aththoch oꞌch pantatey.

Santiago 1:6

Tharraña ñerraꞌm esempo es senamoeñ Yomporpaꞌ eꞌñech seyemteñoth es sanamh. Amach xha seꞌcharrtatsto seyoxhro amaꞌt mamesha. Tharroꞌmar ñeñth xhokma echarrtetsa poeyoxhropaꞌ amach eꞌñeyeꞌ yemtenano Yompor ñeñthoꞌmarña ñeñth ateth petsapaꞌxhach ottena ñerraꞌmrratheꞌ oñ poeꞌmoꞌyer ñeñth allemhatheñ anen mhorr.