San Mateo 11:6 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁶ Jesúsñapaꞌ alla oterranerr Juan poeyochreshaꞌ: —Ñamha ellonethpaꞌ oꞌch sotwer Juan ñeñth ateth notenes, atarr kosheñtsoꞌtsen amaꞌt allowen ñeñth atarr neyemtenaya na, ñeñth ama eꞌnenaye poꞌpsheñeñ ñeñthchaꞌ koshaterrawet.

San Mateo 11:6 Iomraidhean Croise

San Mateo 18:7

Atarr llekëñets acheñeneshakop arr patsro ñerraꞌm esempo eseshaꞌpaꞌ oꞌch ateth phatyenanet ñeñth ama pokteyeꞌ enteno Yompor. Tharroꞌmar xhokmach waponaya ñeñthchaꞌ yetpatyeneꞌ oꞌch ateth phatey ñeñth ama pokteyeꞌ enteno Yompor. Tharraña napaꞌ oꞌch notas, atarrchaꞌ yoroxhenoꞌtsen amaꞌt erraꞌtsena acheñer ñeñth orrtateneꞌ ñeñthchaꞌ topatyeneꞌ poꞌpsheñeñ ñeñth nameꞌñenaya oꞌch ateth phatyenanet ñamet ñeñth amaꞌt mameshapaꞌ ama pokteyeꞌ enteno Yompor.

San Mateo 24:10

Ñamha shonteꞌch acheñ allempo ñeñthchaꞌ kexhpoerreꞌ Yompor. Eꞌñe ñagattsetapaꞌ eꞌmoñeꞌtannaꞌterretchaꞌ atthothchaꞌ pomatatannaꞌtyerret.

San Mateo 26:31

Allñapaꞌ ateth otosanet Jesús: —Añ tsaprokmach sa allowenespaꞌ saꞌypoꞌñaꞌwanmoenchaꞌ tharroꞌmar Yompor poꞌñoñopaꞌ atethkaꞌye anwareth, ñeñthpaꞌ ateth oteꞌth Yompor nokop: “Oꞌch nemtsater ñeñth kowampeneꞌ carnero, poꞌcarnerorñapaꞌ xhach matrraꞌtyesa allemeñ.”

San Mateo 5:29

‘Ñeñthoꞌmarña notenes: Ñerraꞌm seklleꞌ phatyenes ñeñth ama pokteyeꞌ enteno Yompor, añ poktetsa oꞌch sekexhpoerr ñeñth seyeꞌchena seklloyoth. Ñeñthpaꞌ eꞌñe ateth ñerraꞌmrratheꞌ xho serrothen seklleꞌ oꞌch sewaporeꞌch, amaꞌt ñeñth seklleꞌ sekowenrotheꞌtsen ñeñth atarr sesherbeneꞌ. Añña ama tama yoroxhenayaye sokop oꞌch saꞌypoꞌñer eꞌne thayekma ñeñth sokthapeꞌchateneꞌ sosyaꞌtsañ. Añchaꞌña atarr yoroxhen sokop ñerraꞌm ama thayekma saꞌypoꞌñerepaꞌ esempowañenpaꞌ orach waporeꞌterrset koñchaꞌpoetso all parraren tsoꞌ. Ñeñthpaꞌ añ tomaꞌntena ateth ñerraꞌmrratheꞌ oꞌ yaꞌchenkaterr patherr yechets amaꞌt yeklleꞌ amaꞌt yot, theꞌt esempowañen ora yechtsowenpaꞌ waporeꞌterryet koñchaꞌpoetso.

San Marcos 6:3

Ñapaꞌ añakaꞌye ñeñth poꞌtarwas peneꞌ oꞌch thorrenana tsach atthoch es yexhkatyen paꞌnamen. Ñapaꞌ añakaꞌye María poechoyor. Paꞌmoꞌnasheñpaꞌxhoꞌña añakaꞌye Jacobo, José, Judas, ñamha Simón. Ñamha poꞌxhaneshaꞌpaꞌ eꞌñekaꞌye yechmeꞌtenanet, parroꞌmarneshayarramcheꞌ. Ñeñthoꞌmarña all eꞌñe ña paꞌnyopaꞌ ama eseshayeꞌ akwaꞌpenaye entenaye.

San Lucas 2:34

Oꞌ eñoranaꞌtwanet poeꞌmaretholletpaꞌ allempoñapaꞌ enamatanet ñamet ñokpoet Yompor paꞌnateña. Allempoñapaꞌ otoñ pachor María, ñeñthpaꞌ ateth och: —Peñochepaꞌch añ cheshatholl ñeñthpaꞌ ñeñthña onañcheꞌth awath Yompor. Ñokoppaꞌ shonteꞌch israelenaꞌtarneshaꞌ ñeñthchaꞌ ama ameꞌñerrayo ñeñthchaꞌ chenkërrtsa. Tharraña eñall ñamha shonteꞌ poꞌpotantañ ñeñthchaꞌ ameꞌñerraya ñeñthchaꞌ kowenoꞌtsenterrtsa. Tharroꞌmar Pomporpaꞌ añekopña moeñer allochñapaꞌ ñach eñotaterrawet ñapaꞌ Pomporeshoth wapa. Tharraña shonteꞌch acheñ ñeñthchaꞌ achmhareꞌterreꞌ.

San Lucas 7:23

Jesúsñapaꞌ alla oterranerr Juan poeyochreshaꞌ: —Ñamha ellonethpaꞌ oꞌch sotwer Juan ñeñth ateth notenes: Atarr kosheñtsoꞌtsen amaꞌt allowen ñeñth atarr neyemtenaya na, ñeñth ama eꞌnenaye poꞌpsheñeñ ñeñthchaꞌ koshaterrawet.

San Juan 16:1

‘Ñeñthpaꞌ tharroꞌmarña oꞌ ateth notwas allochñapaꞌ amach alla ello sepoerrerro.

San Juan 6:66

Allempotheñña shonteꞌ Jesús poeyochreshaxhno poerraxherret ñeshothpaꞌ oꞌwañ chopeñeꞌchenet parro.

1 Corintios 2:14

Tharraña acheñeneshaꞌ ñeñth ama chorreñaꞌ Yompor Poekamkëñpaꞌ amach errothenoth xhapaneto Yompor pokthaphña ñamha amach errothenoth agapoñeto ñeñthchaꞌ apanetañ Yompor Poekamkëñoth. Ñerraꞌm yeserrpareꞌtatanet attho es apoeney Yompor Poekamkëñothpaꞌ ñetpaꞌ xhach otyeset atthoꞌ yotatseꞌtyen. Tharroꞌmar ñaptha xhenana poeyoxhro ñeñth chorrena Yompor Poekamkëñ.

Gálatas 5:11

Ñatoꞌ napaꞌxhoꞌña xhatheꞌ otyennet añoꞌ neserrpareꞌtaten oꞌch yetsorrannaꞌta atthoch yekeshperra. Ñewa, masheñneshachaꞌ ñamha noxhaneshachaꞌ ñerraꞌm poꞌñoxh ñeñthara neserrpareꞌtateneñ atethpaꞌ amatheꞌ errothenoth eꞌmoñeꞌtennoñeña judioneshaꞌ ñeñth serrpareꞌteneꞌ oꞌch yetsorrannaꞌta. Tharraña poꞌñoxhpaꞌ ama attheyeꞌ neserrpareꞌtateno. Añña neserrpareꞌtaten attho Cristopaꞌ rroma korsocho yokop attho tsaꞌtwerrnaya yoꞌchñar, allochñapaꞌ eꞌñe yameꞌñeñotha ñapaꞌ oꞌch yekeshperra. Ñeñthña ateth neserrpareꞌteñoth añña ñeñth serrpareꞌteneꞌ oꞌch yetsorrannaꞌtapaꞌ ñetñapaꞌ ñeñthña nanak atsrreꞌmatenawet. Ñerraꞌm oꞌwañchaꞌ ateth neserrpareꞌtañpaꞌ oꞌwañtheꞌ eꞌmoñeꞌtnetañ.

1 San Pedro 2:8

Añ ñeñthara Cristo ñeñth tomaꞌntenaya Mapoeꞌ allchaꞌ epothoꞌtena ñeñth ama ameꞌñetso ñeñthchaꞌña aꞌshoratawet chenkëñtso. Añ epothoꞌteñetspaꞌ añ tomaꞌntena attho athpareꞌteññañet Cristo poꞌñoñ. Ñeñthoꞌmarña ateth anareth, ñerraꞌm ama yameꞌñyopaꞌ eꞌñech yechenkaꞌwerra.