San Mateo 11:4 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴ Jesúsñapaꞌ anapanetpaꞌ ateth otapanet: —Theꞌpaꞌ oꞌch awerres seserrpareꞌtatwerchaꞌ Juan ora allpon ñeñth ateth sentyeswennanaꞌ arr ñamha ora allpon ñeñth ateth seꞌmyeswennanaꞌ arr.

San Mateo 11:4 Iomraidhean Croise

San Mateo 11:3

Ñetña oꞌ xhapoet allpaꞌ ateth otoset: —Ñatoꞌ phatheꞌña ñeñtheph eꞌñe poꞌñoxh Cristotets ñeñth atarr yekwen awathotheñ oꞌch wapa. Ñerraꞌm amatheꞌ ñeñtheyaypepaꞌ oꞌch eꞌñe photey allochñapaꞌ añchaꞌ yekwaꞌ poꞌpsheñeñ ñeñthchaꞌ wapatsa ñeñth eꞌñe Cristo.

San Mateo 11:5

Oꞌch eꞌñe seserrpareꞌtatwer ora amaꞌt attho aporoꞌyethexhnopaꞌ theꞌñapaꞌ oꞌ eꞌñe nekwatyeswerranet ñamha ñeñth chekaꞌrepayetspaꞌ theꞌpaꞌ oꞌ eꞌñe chopeꞌchyeswerret kowen, ñamha ñeñth aꞌptsaresyen leprapaꞌ theꞌñapaꞌ oꞌ eꞌñe aꞌkowentatarethetwerret ñamet, ñamha ñeñth paketneshaxhnopaꞌ amaꞌt ñetpaꞌ theꞌñapaꞌ oꞌ eꞌñe eꞌmyeswerret kowen, amaꞌt ñamha ñeñth rromayets theꞌñapaꞌ oꞌ alla atantatarethetwerret, ñamha amaꞌt ñeñth wokchañneshaxhno theꞌñapaꞌ oꞌ eꞌñe neserrpareꞌtatwerranet añ kowen ñoñets alloch keshperret ñamet.

San Mateo 15:30

Allñapaꞌ alla waxherrñañerr shonteꞌ acheñeneshaꞌ. Wapatyerrñañeterr chekaꞌrepaxhno, mankoxhno, aporoꞌyethexhno, opananeshaxhno ñamha wapatoñet shonteꞌ poꞌpotantañexhno. Ñeñthñapaꞌ alla nanatyesosñañet paꞌrrphoth. Ñañapaꞌ eꞌñe aꞌkrratyeswerranet.

San Mateo 21:14

Allña Parets paꞌpakllopaꞌ waxhaꞌtoña aporoꞌyethexhno ñamha ñeñth chekaꞌrepayets. Ñañapaꞌ eꞌñe aꞌkrratyesapanet.

San Mateo 8:3

Jesúsña anretapaꞌ allentha aꞌphlleꞌ, ateth och: —Napaꞌ nemneñkaꞌye, metwerrepaꞌña peptsarña allochñapaꞌ atthoch eꞌñe kowen entwerreph allowen acheñeneshaꞌ. Yakmañapaꞌ allorokmoepaꞌtchaꞌ metwerña poeptsarñapaꞌ xha kowenterrtsa.

San Juan 14:11

Sameꞌñaꞌna ñeñth notenes, napaꞌ eꞌñe neparrokmaten epan Apa, Apapaꞌxhoꞌña eꞌñe parrokmatenna. Amaꞌt napaꞌ ama ameꞌñaꞌpoyeꞌ sentenno tharraña attho poꞌñoxh norrtatyeññañ Nompor poꞌpartsoña amaꞌt ñeñthapaꞌ sameꞌñyañakaꞌye.

San Juan 5:36

Tharraña ateth naꞌpothen napaꞌ ñeñthña nanak sherbets. Ello metanenan ñeñth ateth aꞌpothan na Juan. Allowen es nephaꞌyen ñeñth ateth yechenna Apa oꞌch eꞌñe netsotoñ, añ netsotateñpaꞌ ñeñthña oꞌ eñotatanet napaꞌ Apa nellsenseneꞌ.