San Mateo 11:21 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²¹ —Nanakchaꞌ llekëñtsoꞌtsaꞌyenes coraziñoꞌmarneshachaꞌ, nanakchaꞌ llekëñtsoꞌtsaꞌyenes samha betsaidoꞌmarneshachaꞌ. Tharroꞌmar amaꞌt atarr norrtatyennaseñ nepartsoña sesho, sañapaꞌ amaña sokthapeꞌcherroña ello kowen Yomporekop. Ñerraꞌm arrchaꞌña norrtatañ nepartsoña tiroꞌmarneshesho ñamha sidónoꞌmarneshesho, ñetñapaꞌ awathotheñtheꞌ kothapeꞌcherretañ eꞌñe kowen Yomporekop. Ñetpaꞌ atthoch eꞌñe orrtetañ xha llekatenanet poꞌchñaret, kotnasheꞌmach chorraꞌyesetañ, tsapñach epachshemaꞌtyenetañ all anorrxhaꞌtyenet poellkëñothet.

San Mateo 11:21 Iomraidhean Croise

San Mateo 11:22

Ñeñthoꞌmarña theꞌpaꞌ notenes: Esempowañen allempoch akrarethetwerra allowen acheñeneshaꞌpaꞌ tiroꞌmarneshaꞌ ñamha sidónoꞌmarneshaꞌ ñetñapaꞌ amach tama aꞌkoñchatarethterretoña allempo. Coraziñoꞌmarneshachaꞌ ñamha betsaidoꞌmarneshachaꞌ saña allempopaꞌ atarrchaꞌ aꞌkoñchatarethes.

San Mateo 15:21

Awerrerr Jesús allothpaꞌ alla xhap allampaño anets Tiro ñamha Sidón.

San Mateo 18:7

Atarr llekëñets acheñeneshakop arr patsro ñerraꞌm esempo eseshaꞌpaꞌ oꞌch ateth phatyenanet ñeñth ama pokteyeꞌ enteno Yompor. Tharroꞌmar xhokmach waponaya ñeñthchaꞌ yetpatyeneꞌ oꞌch ateth phatey ñeñth ama pokteyeꞌ enteno Yompor. Tharraña napaꞌ oꞌch notas, atarrchaꞌ yoroxhenoꞌtsen amaꞌt erraꞌtsena acheñer ñeñth orrtateneꞌ ñeñthchaꞌ topatyeneꞌ poꞌpsheñeñ ñeñth nameꞌñenaya oꞌch ateth phatyenanet ñamet ñeñth amaꞌt mameshapaꞌ ama pokteyeꞌ enteno Yompor.

San Mateo 26:24

Poꞌñoxhkaꞌye theꞌpaꞌ alloꞌna sen etsotnomtsa ñeñth ateth anwareth Yompor poꞌñoño nokop Ñeñthen Acheñetosets; atthothchaꞌ moetsaterrnet. Tharraña nokoppaꞌ eꞌñe pokteꞌ; añña poꞌñoxh acheñer ñeñthchaꞌ nepomoerreꞌ ñokopñapaꞌ atarr llekëñets. Añ acheñerpaꞌ eꞌñekaꞌye pokteñ ñokop amachñaxhoꞌ eñalletatstañe.

San Marcos 6:45

Allempoña Jesúspaꞌ otan poeyochreshaꞌ: —Theꞌpaꞌ oꞌch saꞌtaxhaꞌt noñtho oꞌch sota sanom oꞌch sephchaterra yoth oꞌch sexherr anetso ñeñth paꞌsoꞌcheñ Betsaida. Allempoña Jesúspaꞌ oꞌ soꞌtnoman acheñeneshaꞌ.

San Marcos 7:24

Allempoñapaꞌ awerrerr Jesús allothpaꞌ alla xhap allampaño anets Tiro ñamha Sidón. Allempo xhap all pokollopaꞌ ñapaꞌ moeneñeñ eꞌñoꞌch aꞌnawa xhapañ. Tharraña ama errothenoth xhapo aꞌnawa,

San Marcos 7:31

Allempo poerrerra alloth ñeñth allampañoth Tiroth, arr oñemwanom anetso Sidón alloth ñamha poꞌpoñ anetso Decapolisoꞌmar. Atthoña oꞌ alla awerr saꞌponeth all Galileyaso.

San Marcos 8:22

Allempoña xhaxhaꞌtet anetso Betsaido, allñapaꞌ wapaterrñañeterr aporoꞌyeth, ñeñthpaꞌ ateth otoset Jesús: —Añekopkaꞌye yewapateñña oꞌch phaꞌphllaklleꞌchaph atthoch pekwater.

San Lucas 6:17

Allempoña werra Jesús aspenthoth epoet poeyochreshaꞌ, thomxhaꞌtwerret all aspeneth pakñeꞌthpener poño poꞌmopñero. Allñapaꞌ oꞌ xhaxhaꞌt shonteꞌ poꞌpotantañ acheñeneshaꞌ ñeñth poeyochreshaꞌ pen. Ñamha alloꞌtsaꞌyen shonteꞌ acheñeneshaꞌ ñeñth waxhetsa allemeñ anetsoth —Judeoth ñamha Jerusaléñoth, ñamha saꞌpatophñoꞌmarneshaꞌ ñeñth wetsa Tiroth ñamha Sidónoth. Ñetpaꞌ añekopña waxhenet oꞌch eꞌmhñoteret ñamet Jesús ñeñth ateth serrpareꞌten ñamha añekpaꞌnaña waxhenet atthoch aꞌkrratyesapanet Jesús patsnañetheret.

San Lucas 9:10

Allempo waxherra Jesús poeyochreshaꞌ ñeñth llesensaꞌyes awaña. Ñetñapaꞌ oꞌ xhaxherret Jesúsesho, serrpareꞌtatyesweret Jesús allowen allpon ateth phaꞌyeset allemeñ anetsoꞌmar. Allempoña Jesúspaꞌ awanman poeyochreshaꞌ eꞌñe ñapthochayet, xhapoet all ama acheñempañoyaye all allameꞌtets anetso, ñeñth anetspaꞌ añ paꞌsoꞌcheñ Betsaida.

San Juan 1:44

Ñewa, Felipepaꞌxhoꞌña galileoꞌmarneshaꞌ, ña paꞌnetserpaꞌ añ paꞌsoꞌcheñ Betsaida ñeñthara ñamha Andrés paꞌnetser ñamha Pedro.

San Juan 12:21

Ñetñapaꞌ ponmosyet Felipe ñeñth betsaidoꞌmarneshaꞌ ñeñthara galileoꞌmarneshaꞌ. Ñeñthñapaꞌ ateth otoset: —Nomporchaꞌ yapaꞌ añkaꞌye yemnen oꞌch yeserrpareꞌtos epay Jesús.

Los Hechos 12:20

Allempoña Herodesñapaꞌ nanak eꞌmoñeꞌtenan tiroꞌmarneshaꞌ ñamha sidónoꞌmarneshaꞌ. Ñeñthoꞌmarña oꞌwañ apanet rreñets ñeñth nanak palltenet paꞌnyeto. Ñeñthoꞌmarña ñetpaꞌ moeneñet oꞌch alla amoꞌtsteret Herodes atthoch oꞌch alla apoerranet ñeñth palltenet. Ñeñthoꞌmarña waxhaꞌta shonteꞌ tiroꞌmarneshaꞌ ñamha sidónoꞌmarneshaꞌ oꞌch enteñetaꞌ Herodes. Añña Herodes paꞌtarwasañer añ paꞌsoꞌcheñ Blastopaꞌ eꞌñe kowen entapanet. Ñañapaꞌ oꞌ aꞌpoktatanet atthoch ñetpaꞌ serrpareꞌtet epoet amhchaꞌtareth.

Los Hechos 27:3

Tsapathñapaꞌ arr yetsotosa all oteñet Sidóno. Allña capitán Juliopaꞌ morrentnomana Pablo ñeñthoꞌmar oꞌ moenach oꞌch emoꞌtnoman pamoꞌtseshaꞌ, ñeñth yexhaꞌyetsa all Sidóno, atthoch ñetpaꞌ oꞌch apapet Pablo ñeñth palltena.

San Judas 1:11

Atarr yoroxhenoꞌtsaꞌyenet tharroꞌmar ñetpaꞌ ama morrenteñeto pamoꞌts, eꞌñe ateth penet ñerraꞌmrratheꞌ ateth peꞌth Caín allempo moetsan paꞌmoꞌnasheñ Abel. Atthoch aparethtet kelle, ñetpaꞌ añach kothapeꞌchenet oꞌch shekareꞌteñet acheñeneshaꞌ ateth peꞌth Balaam. Ñeñthoꞌmarña ñetpaꞌ chenkërretchaꞌ tharroꞌmar eꞌñe ateth penet ñeñth ateth peꞌth Coré ñeñth amtsarethtatsa awath eꞌñe ña pathpareꞌteñoth.

El Apocalipsis 11:3

Ñamha allempopaꞌ oꞌch nemñe epsheña ñeñth neyochreshaꞌ nepen. Nach awamenkath phawet atthoch aꞌpothet ñeñthchaꞌ ateth perra esempowañen. Mil doscientos sesenta yeth allponmatchaꞌ serrpareꞌtennanet neñoñ. Poellkëñothet chorretchaꞌ paꞌshtamasheꞌm. Arrpaꞌ allowa ñeñth ateth otnet all Yompor poeꞌntaño.

El Apocalipsis 6:12

Allempo torerranerr ñeñth poꞌpechapoeñ allo ayomrrareth Yompor poꞌlibro naña oꞌ alla nekwererrpaꞌ nent ñamha xha poetalleꞌchena pats womenk. Atsneꞌñapaꞌ oꞌ chekmet ateth ñerraꞌmrratheꞌ shetamoets ñeñth atarr kellwe ñeñth chorrena ñeñth atarr llekëtsa. Arrorrñapaꞌ oꞌ xha tsamaꞌthta ateth ñerraꞌmrratheꞌ errasats.