San Mateo 11:10 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁰ Tharroꞌmar Juanpaꞌ ñokop eñoseꞌth Yompor awath. Ñewa, allempopaꞌ ateth otneꞌth na ñeñth atethchaꞌ phosa Juan nokop esempoch wapa, ñeñthpaꞌ ateth anareth ñoñets awathotheñ: Phapaꞌ peñochepaꞌch napaꞌ oꞌch nemñonaph poesheñarr ñeñthchaꞌ ñanom otatsa ñeñthchaꞌ phaꞌkowentatyeseꞌ phokop allchaꞌ phoñmos.

San Mateo 11:10 Iomraidhean Croise

San Mateo 11:11

Ñeñthoꞌmarña na theꞌpaꞌ eꞌñe poꞌñoxh ateth notenes: Allowen allpon acheñeneshaꞌ ñeñth eñalletetsa arr patsro amaꞌt poesheñarra ama eñalleña ñeñth atarr sherbets ateth ñerraꞌmrratheꞌ Juan ñeñth apatyesayeꞌth awaña acheñeneshaꞌ Yomporekop. Tharraña ñeñth ama esosheꞌmayeꞌ enteneto amaꞌt mamesha, tharraña ñerraꞌm poeyochreshaꞌ peñ Yompor ñeñth poeꞌntañoꞌtsen attho theꞌpaꞌ ayochreshathtena ña, ñeñthña acheñerpaꞌ atarrkaꞌye sherben, ello metanenan attho atarr sherben Juan.

San Mateo 11:3

Ñetña oꞌ xhapoet allpaꞌ ateth otoset: —Ñatoꞌ phatheꞌña ñeñtheph eꞌñe poꞌñoxh Cristotets ñeñth atarr yekwen awathotheñ oꞌch wapa. Ñerraꞌm amatheꞌ ñeñtheyaypepaꞌ oꞌch eꞌñe photey allochñapaꞌ añchaꞌ yekwaꞌ poꞌpsheñeñ ñeñthchaꞌ wapatsa ñeñth eꞌñe Cristo.

San Mateo 3:3

Ñewa, añmapaꞌ ñokopkaꞌye eñoseꞌthña Isaías ñeñth aꞌmhtayeꞌth awath Yompor poꞌñoñ. Allempopaꞌ ateth oteꞌth: Eꞌmorrterrach poesheñarr poꞌñoñ all amayo allchaꞌña serrpareꞌtaterranña acheñeneshaꞌ. Poerranarothpaꞌ añchaꞌ tomaꞌntaterranet thoñ, ñeñthpaꞌ atethchaꞌ oterranet: “Theꞌpaꞌ oꞌch saꞌkowenetyes thoñ allchaꞌ oñmos Partseshaꞌ, oꞌch eꞌñe saꞌpaxharretyesoñ paꞌtheph.” Arrpaꞌ allowa ñeñth ateth akellkareth awathotheñ Cristokop.

San Lucas 1:76

Theꞌpaꞌ oꞌch nechemeretholle notaph: Phapaꞌ oterrpetchaꞌ ñeñthephoꞌ ñeñthchaꞌ eñoranaꞌtena ñeñth nanak Parets. Tharroꞌmar phapaꞌ phanomchaꞌ orrtatsa atthoch phaꞌkowentatyesoñ allchaꞌ oñmos Partseshaꞌ.

San Juan 1:23

Ñañapaꞌ ateth oterraneterr: —Napaꞌ nokopkaꞌye eñoseꞌthña Isaías ñeñth aꞌmhtayeꞌth Yompor poꞌñoñ awath. Allempopaꞌ atethkaꞌ oteꞌth: Eꞌmorrterrach poesheñarr poꞌñoñ all amayo allchaꞌ serrpareꞌtaterranña acheñeneshaꞌ. Poerranarothpaꞌ añchaꞌ tomaꞌntaterranet thoñ ñapaꞌ atethchaꞌkaꞌye oterranet: “Saꞌkowenetyes thoñ allchaꞌ oñmos Partseshaꞌ oꞌch eꞌñe saꞌpaxharretyesoñ paꞌtheph.”