San Mateo 10:7 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁷ Allchaꞌ soñemyespaꞌ seserrpareꞌtatyesnomanetchaꞌ atethchaꞌ sotyesnomanet: “Theꞌpaꞌ oꞌ xherr allempoch ayochreshatthena Yompor ñeñth poeꞌntañoꞌtsen.”

San Mateo 10:7 Iomraidhean Croise

San Mateo 10:8

Ñamha alla oterranerr poeyochreshaꞌ: —Ñeñth atsnaꞌtyetspaꞌ saꞌkrratyesnomanetchaꞌ, ñeñth rromayetspaꞌ setantatyesnomhchaꞌ, ñeñth osyen poetsarñatspaꞌ saꞌkrratyesnomhchaꞌ atthoch eꞌñe kowen entwerranet acheñeneshaꞌ, sekexhpatatyeschaꞌ ñamha oneñethexhno ñeñth chorraꞌyenaya acheñeneshaꞌ. Sapaꞌ eꞌñe attha aparethes womenkñats attho es kowen sorrtatyen Yomporekop, ñeñthoꞌmarña sapaꞌxhoꞌña eꞌñech attha sapaꞌyesanet samha, amach secobratstaneto ñeñth ateth oꞌ sephaꞌyesanet.

San Mateo 11:1

Yexhatwawan Jesús poeyochreshaꞌ ñeñth xharrasheña ñeñth poechetsa epsheña atethchaꞌ phaꞌyeset, allempoñapaꞌ awoꞌ ñamha Jesús alloth yexhatyesets; serrpareꞌtatyesan acheñeneshaꞌ all paꞌnetsreto.

San Mateo 21:43

Ñeñthoꞌmarña sa ñeñthes judioneshaspaꞌ theꞌña Yomporpaꞌ poerratamperreschaꞌ poꞌkowenña ñeñth attho ayochreshathtena ña. Añchaꞌña apoerr elloneth poꞌpotantañ acheñeneshaꞌ ñeñth ama judioneshayaye ñeñthchaꞌ poꞌñoxh orrtaterreꞌ eꞌñe ña poꞌkowenña attho atarr ayochreshathtena ña.

San Mateo 23:13

‘Atarr nanak llekëñtsoꞌtsenes fariseoneshachaꞌ ñamha samha ñeñthes eꞌñe etsotayenayeñ ñoñets ñeñth ateth anareth judioneshakop tharroꞌmar sapaꞌ sommoꞌcheñotheꞌna atarr seshkareꞌtyen. Tharroꞌmar amaꞌt sapaꞌ amakaꞌye senteññañeña Yompor poꞌkowenña, ellonethpaꞌxhoꞌña xhokma sepatareꞌteñña poꞌpotantañ ñeñth eꞌneneꞌ Yompor poꞌkowenña. Xha saꞌnpampeñña acheñeneshaꞌ atthoch ñetpaꞌxhoꞌña amach enterrñañeto Yompor poꞌkowenña ñeñth attho atarr ayochreshathtena ña poeꞌntañoth.

San Mateo 3:2

Allñapaꞌ ateth otosanet: —Theꞌpaꞌ oꞌch sokthapeꞌcherr ello kowen Yomporekop tharroꞌmar oꞌ xhapmoch allempoch ayochreshathterra Yompor ñeñth poeꞌntañoꞌtsen.

San Mateo 4:17

Allempo xherr Jesús Galileo allempoña eꞌñe ñenmath serrpareꞌtatwerranet all. Ñeñthpaꞌ ateth otwerranet: —Theꞌpaꞌ oꞌch sokthapeꞌcherr ello kowen Yomporekop tharroꞌmar theꞌpaꞌ oꞌ xherrmoch allempoch ayochreshathterra Yompor ñeñth poeꞌntañoꞌtsen.

San Marcos 6:12

Eꞌñe ñeñtha otarethetwetpaꞌ ñetñapaꞌ allentha awanmoet oꞌch chopeñeꞌchyeset errakmañen anetsoꞌmar. Allñapaꞌ serrpareꞌtyesnomoet ñeñth poktetsa allowenakop oꞌch kothapeꞌcherret ello kowen Yomporekop.

San Lucas 16:16

Allempoña Jesúspaꞌ ateth serrpareꞌtaterranerr acheñeneshaꞌ poꞌpoñoneth: —Añña ñoñets Moisés poꞌñoñ ñeñth ateth anareth ñamha añ ñoñets ñeñth kellkaꞌyeseꞌth ñeñth aꞌmhtaꞌyesayeꞌth Yompor poꞌñoñ, ñetpaꞌ ñeñtha eꞌñe serrpareꞌteteꞌth tharrempowa allempo orrtosa Juan. Allempoteñ serrpareꞌtatosanet Juanpaꞌ ñapaꞌ añ serrpareꞌtatosanet ateth penaña Yompor poꞌkowenña attho atarr ayochreshathtena ña, ñeñthara kowen ñoñets alloch sekeshperra. Ñamha allowen acheñeneshaꞌ eꞌñe poeyoxhrokmañenet ñeñtha atarr moenenet.

San Lucas 9:2

Atthoña llesensanet atthoch awanemyeset paꞌnamen anetsoꞌmar serrpareꞌtyesnomoet Yompor poꞌkowenña attho atarr ayochreshathtena ña. Ñamha añekpaꞌnaña llesensenanet atthoch aꞌkrratyesoset acheñeneshaꞌ.

San Lucas 9:6

Eꞌñe ñeñtha otarethetwetpaꞌ ñetñapaꞌ allentha awanmoet oꞌch chopeñeꞌchyeset errakmañen anetsoꞌmar. Allñapaꞌ añ serrpareꞌtyesnomoet kowen ñoñets alloch yekeshperra. Ñamha all chopeñeꞌchyeset errakmañenpaꞌ allña aꞌkrratyesnomet ñeñth atsnaꞌtyets.

San Lucas 9:60

Tharraña Jesúspaꞌ ateth och: —Acheñeneshaꞌ ñeñth ama yerpaꞌpenaye Yompor, ñetñapaꞌ pampannaꞌtetepaꞌ parro arromñathekmoet. Tharraña phokoppaꞌ ñeñtheph oꞌ peyerpoera Yompor añ poktetsa oꞌch awyeseph serrpareꞌtyeseꞌ Yompor poꞌkowenña ñeñth attho atarr ayochreshathtena ña.

San Juan 3:2

Ñañapaꞌ wapa Jesúsesho tsapopaꞌ ateth otos: —Maestrochaꞌ yeñoteneph phapaꞌ añ pellsenseneꞌ Yompor atthoch peyxhatosey kowen tharroꞌmar yapaꞌ yeñoteñ añach orrtatyeneꞌ partsoteñets ñeñth awamenkath pen Yompor.

Los Hechos 10:25

Oꞌ wapa Pedro. Oꞌ wapapaꞌ Cornelioñapaꞌ oꞌ tantnoma atthoch oꞌch poktaph. Oꞌ konkorposñaña oꞌch maꞌyochaphya.

Los Hechos 28:31

Ñamha eꞌñe kowen serrpareꞌtataneteꞌth ateth pena Yompor poꞌkowenña attho ayochreshathtena ña, ñamha yexhataneteꞌth ateth pena Yepartseshar Jesucristo. Tharroꞌmar allpaꞌ ama eseshaꞌ epatareꞌtayeꞌthe. Allowa.

Los Hechos 4:2

Oꞌ waxhaꞌtetpaꞌ xha eꞌmoñeꞌtoset, tharroꞌmar Pedro ñamha Juanpaꞌ añ serrpareꞌtatenan acheñeneshaꞌ attho ñerraꞌm eꞌñe yameꞌñera Cristo amaꞌt yerroma, yameꞌñeñothpaꞌ yetanterrach.