San Mateo 10:4 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴ Allothñapaꞌ ñamha Simón ñeñth cananistaneshaꞌ ñeñth nanak thorratseꞌth paꞌnetsrekop, allothpaꞌ ñamha Judas Iscariote ñeñthchaꞌ pomoerreꞌ tsapathoneth Jesús.

San Mateo 10:4 Iomraidhean Croise

San Mateo 26:14

Allempoña poeyochreshaꞌ ñeñth xharraꞌ poechetsa epsheña, poesheñarrña ñeñth paꞌsoꞌcheñ Judas Iscariote, ñañapaꞌ allentha awoꞌ alloꞌtsaꞌyen ñeñth paꞌmhchaꞌtaretherneshaꞌ phaꞌyen allowen judioneshaꞌ poꞌkornaneshar.

San Mateo 26:15

Xhap allpaꞌ ñañapaꞌ ateth otosanet: —Ñerraꞌm oꞌch negatas Jesús atthoch serrmoeꞌpaꞌ ¿errponaꞌtchaꞌña setsaꞌtna? Ñetñapaꞌ ateth ochet: —Oꞌchkaꞌye yapaph maꞌpoch xharratlla kelle.

San Mateo 26:2

—Sapaꞌ señoteñ oꞌkaꞌye epomtamhapaꞌ oꞌch xhapaꞌmoen pascuapo. Allempoña na Ñeñthen Acheñetosetspaꞌ allempochña pomoerrnet atthothchaꞌña korsoꞌtamperrnet.

San Mateo 26:47

All ateth eñorena Jesúspaꞌ xha wapatsa poesheñarr ñeñth poeyochreshaꞌ peneñ ñeñth aꞌpchenawet epsheña, ñeñthñapaꞌ añ Judas. Ñañapaꞌ waxhaꞌtatan shonteꞌ acheñeneshaꞌ okchellethareret ñamha etsachperethareret. Ñewa, añ ñeñth waxhaꞌttsapaꞌ añ moeñenawet ñeñth paꞌmhchaꞌtaretherneshaꞌ pen allowen judioneshaꞌ poꞌkornaneshar ñamha ñeñth pomporneshaꞌ pen allowen judioneshaꞌ. Ñetkaꞌyeña moeñeneꞌña ñeñthchaꞌ rremoenayaꞌ Jesús.

San Mateo 27:3

Judasña ñeñth pomoeꞌ Jesúspaꞌ allempoña ñapaꞌ eñoch Jesúspaꞌ xhochkaꞌye moetseret. Allempoña poellkëñothpaꞌ ello alla kothapeꞌcherran kowen. Allempo ateth kothapeꞌcherrpaꞌ ñañapaꞌ alla pomoerran kelle maꞌpoch xharratlla. Alla apoerranaꞌ kornaneshaꞌ paꞌmhchaꞌtaretherneshaꞌ ñamha ñeñth pomporneshaꞌ pen allowen judioneshaꞌ.

San Marcos 14:10

Allempoña poeyochreshaꞌ ñeñth xharraꞌ poechetsa epsheña, poesheñarrña ñeñth paꞌsoꞌcheñ Judas Iscariote, ñañapaꞌ allentha awoꞌ alloꞌtsaꞌyen ñeñth paꞌmhchaꞌtaretherneshaꞌ phaꞌyen allowen judioneshaꞌ poꞌkornaneshar. Ñañapaꞌ añekpa sen atthoch pomataterran Jesús.

San Marcos 14:43

All ateth eñorena Jesúspaꞌ xha wapatsa poesheñarr ñeñth poeyochreshaꞌ peneñ ñeñth aꞌpchenawet epsheña, ñeñthñapaꞌ añ Judas. Ñañapaꞌ waxhaꞌtatan shonteꞌ acheñeneshaꞌ okchellethareret ñamha etsachperethareret. Ñewa, añ ñeñth waxhaꞌttsapaꞌ añ moeñenawet ñeñth paꞌmhchaꞌtaretherneshaꞌ pen allowen judioneshaꞌ poꞌkornaneshar ñamha ñeñth etsotayenayeñ ñoñets ñeñth ateth anareth ñamha ñeñth pomporneshaꞌ pen allowen judioneshaꞌ. Ñetkaꞌyeña moeñeneꞌña ñeñthchaꞌ rromoenayaꞌ Jesús.

San Lucas 22:3

Allempoña oneñethpaꞌ chorrenana Judas ñeñthara ñeñth sochetsa Iscariote. Ñewa, añ ñeñth Judaspaꞌ Jesús poeyochreshaꞌ ñeñth parro yemtena poꞌpotantañ ñeñth llesensen Jesús ñeñth allowenet xharrasheñet poechenet epsheña.

San Lucas 22:47

All ateth otyenan poeyochreshaꞌpaꞌ allempoñapaꞌ waxhaꞌtoña shonteꞌ acheñeneshaꞌ. Ñeñth waxhaꞌtatawet ñeñthpaꞌ ñeñth sochetsa Judas ñeñthara ñeñth poeyochreshaꞌ peneñ ñeñth xharrasheña ñeñth aꞌpchenawet epsheña. Ñañapaꞌ xha ponmosaya Jesús, poetsoꞌtstsapaꞌteñoth womhchaꞌtos.

San Juan 13:2

Ñewa, Judas Iscariote ñeñth Simón poechemer, oneñethñapaꞌ awepaꞌt kothapeꞌchach poeyoxhro oꞌch pomoerran Jesús. Jesúsñapaꞌ eꞌñe eñoteñ ñapaꞌ tharroꞌmar llesenserña Pompor allowenakop. Tharroꞌmar ñapaꞌ eꞌñe eñoteñ Yomporeshothkaꞌye wapa, elloñapaꞌ oꞌch alla awerr ñesho. Ñeñthoꞌmarña allempo rrallmeꞌchnenet Jesúsña oꞌ thompaꞌ rrotana patherr paꞌshtam ñeñth nen enoth oꞌ chetan patherr eꞌshmokoꞌtametspaꞌ oꞌ chana allo.

San Juan 6:64

Tharraña pantantaꞌttsospaꞌ amaña sameꞌñenno. Ñewa, Jesúspaꞌ eꞌñe allempotheñ eñotenan ñeñthchaꞌ ama ameꞌñerrtso. Eꞌñe eñotenan ñamha ñeñthchaꞌ pomoerreꞌ.

San Juan 6:71

Ñewa, Judasokop ateth eñora. Ñeñth Judaspaꞌ ñeñth Simón Iscariote poechemer. Amaꞌt ñeñth aꞌpchenawetañ epa poeyochreshaꞌ, poesheñarrpaꞌ ñeñthchaꞌ pomoerreꞌ.

Los Hechos 1:13

Oꞌña xhaxherret anetso Jerusaléño all pokollo allekma aꞌpoenetpaꞌ oꞌ beꞌthosxhaꞌtwerret, aꞌtapoet eno all tama aꞌyowen bhath. Allñapaꞌ apxhet allowenet. Ñeñth apxhatsa ñeñthpaꞌ añexhno: Pedro, ñamha Jacobo, ñamha Juan, ñamha Andrés, ñamha Felipe, ñamha Tomás, ñamha Bartolomé, ñamha Mateo, ñamha Jacobo ñeñth Alfeo poechemer, ñamha Simón ñeñth cananistaneshaꞌ ñeñth atarr thorratseꞌth paꞌnetsrekop, ñamha alloꞌtsen Judas ñeñth Jacobo paꞌmoꞌnasheñ.

Los Hechos 1:25

Judasoñpaꞌ oꞌ saꞌnmoey oꞌ awoꞌ all ñeñth oꞌpatatarethtena ña eꞌñe ña poꞌchñaroth.