San Mateo 10:25 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁵ Ñeñth yochreshatsoxhnopaꞌ eꞌñepaꞌchña pokteꞌ entyeñet oꞌch ateth apharethterret ateth ñerraꞌm poꞌmaestroret. Ñamha ñeñth ñañretsoxhnopaꞌ eꞌñepaꞌchña pokteꞌ entyeñet ñamha oꞌch ateth apharethterret ateth ñerraꞌm pamoꞌmteꞌ. Ñamha señochepaꞌch ñerraꞌm na poesochatseꞌteñothetan otennet napaꞌ oneñethoꞌ pomporen ñeñth otenet Beelzebú, sapaꞌxhoꞌña ellochña atarr sochatseꞌterrset. Amaꞌt na ñeñthen eꞌñe samoꞌmteꞌ sepenen attho atarr sochatseꞌtennet na, sapaꞌxhoꞌña ñeñthes nechemereshaxhno nepen, elloña sapaꞌ atarrchaꞌ nanak sochatseꞌterrset samha.

San Mateo 10:25 Iomraidhean Croise

San Mateo 12:24

Fariseoneshaꞌña allempo eꞌmareꞌchetpaꞌ ñetñapaꞌ ateth otyeset: —Attho kexhpatatyenan oneñethexhno acheñeneshaꞌ añakaꞌye awamenkath peneꞌ Beelzebú ñeñth pompor pen allowen oneñethexhno.

San Mateo 12:27

Sapaꞌ ateth sotenen napaꞌ Beelzeboꞌ poꞌwamenkoth nekexhpateññañ eꞌñe ña poeyochreshaꞌ, ñewa, theꞌpaꞌ oꞌch notas: Ñeñth seyochreshaꞌ sepen sa ñeñth eñoteneꞌ ñamet oꞌch kexhpatachet oneñethexhno acheñeneshaꞌ, ñetpaꞌxhoꞌña amaña Beelzebú poꞌwamenkotheyeꞌ kexhpateñetoña oneñethexhno acheñeneshaꞌ. Ñetpaꞌxhoꞌña Yomporoña poꞌwamenkoth kexhpateñetña oneñeth. Ñeñthña oꞌ eñotatas ñeñth ateth sotennoñ ñeñthpaꞌ amakaꞌye poꞌñoxh attheyaye.

San Mateo 9:34

Fariseoneshaꞌñapaꞌ poesasareꞌteñothetpaꞌ ateth otyeset: —Oneñeththeꞌ pompor awamenkath peneꞌ atthoth kexhpatenan oneñethexhno acheñeneshaꞌ.

San Marcos 10:39

Ñetñapaꞌ ateth ochet: —Yapaꞌxhoꞌña atethchaꞌkaꞌye yepha. Ñañapaꞌ alla oterraneterr: —Ñewa, poꞌñoxhpaꞌ saꞌmoeroxhtatarethterrach samha attheschaꞌ ñerraꞌm na, saꞌmtsarethterrach samha.

San Marcos 3:22

Poesheñaꞌtetsña ñeñth atarr etsotayenayeñ ñoñets ñeñth ateth anareth ñetpaꞌ Jerusaléñoth waxhaꞌtet. Ñetñapaꞌ ateth otyesoset Jesúsokop: —Añ yakmarpaꞌ añakaꞌye chorrenaya Beelzebú ñeñth pompor pen allowen oneñethexhno; ñeñthkaꞌyeña awamenkath peneꞌ atthoth kexhpatenanña oneñethexhno acheñeneshaꞌ.

San Lucas 11:15

Tharraña poꞌpotantañexhnoña acheñeneshaꞌpaꞌ amaꞌt mameshapaꞌ ama pokteyeꞌ eñcheto. Ñetñapaꞌ ateth otyeñet: —Attho kaxhpatatenan oneñeth acheñpaꞌ añakaꞌye awamenkath peneꞌ Beelzebú ñeñth pompor pen allowen oneñethexhno.

San Lucas 11:18

Atthekmach phannerra ñamha oneñeth poeyochreshaxhno ñerraꞌm oneñethexhno eꞌmoñeꞌtannenet eꞌñe ñagattseta, ñetña attho womenkatenetpaꞌ xhach wañerrets amach alloꞌna womenkatneneto. Ñeñthpaꞌ ateth oꞌ notwas tharroꞌmar sapaꞌ xha sotenen napaꞌ Beelzeboꞌ poꞌwamenkoth nekaxhpatateññañ eꞌñe ña poeyochreshaꞌ ñeñth pompor pen allowen oneñethexhno. Poꞌñoxh oneñethpaꞌ amakaꞌye waporeꞌtanneno.

San Lucas 11:19

Sapaꞌ ateth sotenen napaꞌ Beelzeboꞌ poꞌwamenkoth nekaxhpatateññañ eꞌñe ña poeyochreshaꞌ, ñewa, theꞌpaꞌ oꞌch notas: Ñeñth seyochreshaꞌ sepen sa ñeñth eñoteneꞌ ñamet oꞌch kaxhpatachet oneñeth acheñeneshaꞌ ñetpaꞌxhoꞌña amaña Beezebú poꞌwamenkotheyeꞌ kaxhpatateñetoña oneñeth acheñeneshaꞌ. Ñetpaꞌxhoꞌña Yomporoña poꞌwamenkoth kaxhpatatenetña oneñeth. Ñeñthña oꞌ eñotatas ñeñth ateth sotennoñ ñeñthpaꞌ amakaꞌye poꞌñoxh attheyaye.

San Juan 10:20

Shonteꞌ acheñeneshaꞌ ñeñth ateth otyesets: —Añmapaꞌ xhakaꞌye chorreña oneñeth, xhakaꞌye mospoena. Esoꞌmareꞌtña seꞌmhñoteñ.

San Juan 7:20

Acheñeneshaꞌñapaꞌ ateth otereterr: —Phapaꞌ xhatheꞌ chorrenpha oneñeth. Amarramcheꞌ eseshaꞌ phoꞌpatenayeña oꞌch moetsapet.

San Juan 8:48

Judioneshaꞌñapaꞌ ateth otereterr: —Eꞌñe poꞌñoxh ateth yoteneph, phapaꞌ samarioꞌmarneshaph, oneñetha pechorrenaya.

San Juan 8:52

Judioneshaꞌñapaꞌ alla otereterr: —Theꞌña poꞌñoxh yapaꞌ oꞌ yeñotaph phapaꞌ xha chorrenpha oneñeth. Amaꞌt Abrahampaꞌ oꞌ rromoen ñamha ñeñth aꞌmhtaꞌyesayeꞌth Yompor poꞌñoñ ñeñthpaꞌxhoꞌña oꞌ kollaꞌwenet. Theꞌña phapaꞌ ateth photeney eseshoꞌch kothapeꞌcherreꞌ peñoñpaꞌ amaꞌt awathapaꞌ añoꞌch rromoerreto.