San Mateo 10:23 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²³ Ñerraꞌm esempo eꞌmoñeꞌterrset ñeñth anetsro alloꞌtsenes oꞌch seyetamphsanetpaꞌ oꞌch sawanma poꞌpoñ anetso. Allpaꞌxhoꞌña ñerraꞌm atthekma eꞌmoñeꞌterrseterrpaꞌ oꞌch seyetamperraneterr oꞌch sawanerrerr ñamha poꞌpoñ anetso. Eꞌñe poꞌñoxh notenes: Amach eꞌñe sepaꞌwenaꞌ ora allowen israelneshaꞌ paꞌnetsropaꞌ na Ñeñthen Acheñetosets oꞌch alla norrterra.

San Mateo 10:23 Iomraidhean Croise

San Mateo 16:27

Poꞌñoxh napaꞌ Ñeñthen Acheñetosets oꞌch nowerra epan ñamha nemhllañotheñnaneshar. Eꞌñech Nompor poꞌkowenñoth nowerra. Allempochña netsaꞌterranet eꞌñe poesheñaꞌttsokmoet errothentheꞌ phaꞌyeseteꞌth.

San Mateo 16:28

Poꞌñoxhkaꞌ theꞌpaꞌ oꞌch notas, patantaꞌttsos ñeñthes arroꞌtsaꞌyenes amaꞌt ama serromwenaꞌpaꞌ oꞌ senterrñañ Yompor poꞌkowenña attho napaꞌ Ñeñthen Acheñetosetspaꞌ atarrchaꞌ naꞌyochreshathterra.

San Mateo 2:13

Poerraxherrtsetpaꞌ Yomporña poꞌmhllañotheñerpaꞌ alla orrterranerr José poexhopoñoth. Ñeñthpaꞌ ateth otererr: —Petantayeꞌcha oꞌch phaꞌyech cheshatholl pachoreꞌna, orrayeꞌchaph all anetso Egipto allchaꞌ seyxhosa. Esempowañenñapaꞌ oꞌch alla noterrperr atethchaꞌ pepha. Herodes poꞌñoxhpaꞌ eꞌnatanchaꞌ añ cheshatholl atthoch moetsatach.

San Mateo 23:34

Ñeñthoꞌmarña theꞌ napaꞌ oꞌch nemñerrnas ñeñthchaꞌ aꞌmhtaꞌyerreꞌ neñoñ, ñamha ñeñth atarr eñotañ nephaꞌyen, ñamha ñeñth atarr etsotayeneꞌ neñoñ ñeñth ateth anareth awathotheñ. Tharraña saña ñeñthpaꞌ xhachkaꞌyeña semtsanatwerrnan ñeñth patantaꞌtets, poꞌpotantaññapaꞌ eꞌñech sekorsoꞌtampeswerrnan. Poꞌpotantañña sapaꞌ xhach senalleꞌtyeswerrnan eꞌñe all sa seprawoꞌmar. Atarr seꞌmoñeꞌtenanet ñeñthoꞌmarña xhokma sokthareꞌtenanet anetsoth oꞌch saꞌyetatwanet ñetñapaꞌ oꞌch awanemyeset poꞌpoñ anetsoꞌmar.

San Mateo 23:36

Poꞌñoxhkaꞌye notenes, acheñeneshaꞌ ñeñth korretsa theꞌ ñetñapaꞌ atsaꞌtatarethterretchaꞌ eꞌñe ora allpon atserrphatseꞌtyesoneteꞌth ñeñth eꞌñe pokteꞌ es phaꞌyestseꞌth Yomporekop.

San Mateo 24:27

Tharroꞌmar ñerraꞌm esempo xherr allempoch nowerra na Ñeñthen Acheñetosets eꞌñe allowen acheñeneshaꞌpaꞌ entapoerrnetchaꞌ tharroꞌmar allempopaꞌ atethchaꞌ nephater ñerraꞌmrratheꞌ meratsteꞌ, oꞌch meratsta womenkpaꞌ eꞌñech aꞌpoetareswan ora enet errapharen, amaꞌt alloth wena atsneꞌ amaꞌt eꞌñe allowanen emoena.

San Mateo 24:30

Allempoñapaꞌ orrterrach ento ñeñthchaꞌ señotaterreꞌ nakaꞌyeña oꞌ nowerra Ñeñthen eꞌñe Acheñetosets. Allempochña nanak llekanrrorterra allowen paꞌnamen acheñeneshaxhno ñeñth añe patsroꞌtsen. Entapoerrnetchaꞌ na Ñeñthen Acheñetosets oꞌch neswamperra osoth eꞌñe entoth. Eꞌñe nepartsoteñowen eꞌñech nekowenteñeshaꞌ nowerra.

San Mateo 24:34

Napaꞌ poꞌñoxh oꞌch notas, acheñeneshaꞌ ñeñth eꞌñe korretsa theꞌ ñetña amach eꞌñe rromwenetaꞌpaꞌ allempokmach eꞌñech etsoterra allowen añexhno.

San Mateo 24:48

Tharraña ñeñthña atarwasañer allempo ama werraꞌ pamoꞌmteꞌ ñerraꞌm ñapaꞌ attha oten poeyoxhro, namoꞌmteꞌpaꞌ amach awen werro, allempoña ñapaꞌ xhach ashtapechyenan atarwasañexhno ñeñthchaꞌ rratañ. Ñañapaꞌ ñerraꞌm atthach allemeñ rrapretyen ñamha atthach orrareꞌtapretyen allchaꞌ atarr posaꞌtareꞌtyen, ñeñthña atarwasañ atethpaꞌ amaꞌt mameshapaꞌ ama kowenayaye.

San Mateo 25:13

Jesúsñapaꞌ alla oterranerr ñeñth eꞌmhñoteneꞌ: —Ñeñthoꞌmarña na theꞌpaꞌ oꞌch notas: Sapaꞌ xhokmoepaꞌchña eꞌñe kowen señoseꞌrtena, tharroꞌmar sapaꞌ amakaꞌye señoteñe erraꞌtsenchaꞌ yethñatsro allempoch nowerra na Ñeñthen Acheñetosets, ñamha erroꞌtsenchaꞌ yethro amaꞌt ñeñthpaꞌ ama señoteñe.

San Mateo 26:64

Jesúsñapaꞌ ateth och: —Napaꞌ poꞌñoxhkaꞌye ñeñthen eꞌñe ateth photen. Elloña napaꞌ oꞌchkaꞌye notas, oꞌkaꞌye eꞌñe xhapmoch allempoch eꞌñe senterren na Ñeñthen Acheñetosets oꞌchkaꞌye alla nanorrwerr Parets poꞌkowenroth allchaꞌ nepartsotapretera. Ñamha poꞌpocheño oꞌch sentapoerren oꞌch neswamperra oso Yompor poeꞌntañoth.

San Mateo 4:12

Allempoña Jesús eꞌmareꞌtan Juan oꞌ yottamphset, ñañapaꞌ allentha awerr Galileo.

San Marcos 13:26

Allempoñapaꞌ entapoerrnetchaꞌ na Ñeñthen Acheñetosets oꞌch neswamperra osoth eꞌñe nepartsoteñowen eꞌñe nekowenteñeshaꞌ.

San Lucas 21:27

Allempoñapaꞌ entapoerrnetchaꞌ na Ñeñthen Acheñetosets oꞌch neswamperra oso eꞌñe nepartsoteñowen eꞌñe nekowenteñeshaꞌ.

San Juan 7:1

Allempoña Jesúspaꞌ alla chopeñeꞌchyen eꞌñe alla Galileoꞌmar. Ama moeno oꞌch chopeñeꞌchen ñamha all Judeoꞌmar tharroꞌmar judioneshaꞌpaꞌ xha oꞌpateñet oꞌch moetset.

Los Hechos 17:10

Allempoña acheñeneshaꞌ ñeñth ameꞌñetsapaꞌ oꞌ moeñeret Pablo ñamha Silas Bereo. Tsapokma amñarethtenet aꞌnawa. Oꞌ xhapoet Bereopaꞌ beꞌthosxhaꞌtoset judioneshaꞌ poꞌprawo.

Los Hechos 17:14

Añña acheñeneshaꞌ ñeñth oꞌ ameꞌñapaꞌ oꞌ moeñet Pablo tepaꞌtoꞌ ontapo alloꞌtsen saꞌp atarr. Añña Silas ñamha Timoteopaꞌ alla aꞌpa Bereo.

Los Hechos 20:1

Allempoña oꞌ moetsoñeñtwerret Pabloñapaꞌ agotatwan ñeñth ameꞌñetsa. Oꞌ kothapeꞌchatnenanet eꞌñe kowen. Allempoña eꞌñe poemorrenteñothanet eꞌñe kowen soꞌtwanenanetpaꞌ oꞌ awen, oꞌch awerr Macedonio.

Los Hechos 8:1

Allempopaꞌ añña Saulopaꞌ eꞌñe pokteꞌ eñch moetsetepaꞌ Esteban. Añña poesheñaꞌtets ñeñth nanak ameꞌñenaya Yomporpaꞌ poellkëñeshetpaꞌ oꞌ wapoet, oꞌch eñetaꞌ arromñath atthoch pampoeñetaꞌ. Nanak yaꞌnaꞌteñet Estebanañ. Allempotheñ nanak moeroxhtacheteꞌth ñeñth pameꞌñeñothet Cristopaꞌ apxheteꞌth Jerusaléño. Ñeñthoꞌmarña shonteꞌ acheñeneshaꞌ ñeñth yetrraꞌtatsa poꞌpoñ añetsoꞌmar. Oꞌ parratseꞌtwet allemeña —Judeoꞌmar ñamha Samarioꞌmar. Tharraña añña Jesús poellsensarneshaꞌpaꞌ ama eseshaꞌ yetatso amaꞌt poesheñarra.