San Mateo 1:18 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁸ Theꞌpaꞌ oꞌch neserrpareꞌtatas attho allempo eñalleta Jesús. Allempoña María ñeñthchaꞌ pachor phaꞌ Jesúspaꞌ añkaꞌye oꞌpatenaya José ñoꞌch yoreꞌ. Ama yoreñaꞌpaꞌ Maríañapaꞌ awepaꞌt axhomenta Parets Poekamkëñoth.

San Mateo 1:18 Iomraidhean Croise

San Mateo 1:1

Arrpaꞌ all akellkareth Jesucristo paꞌtañneshañ eꞌñe paꞌsoꞌchñexhnowenet. Jesucristopaꞌ David poꞌmhreneñ, eꞌñe Abrahamotheñ. Allowen añ soꞌchñetspaꞌ ñeñthara mereñtsorekmoet.

San Mateo 12:46

Allempo ateth eñoranaꞌtenana acheñeneshaꞌpaꞌ oꞌ wapa Jesús pachor epoet ñamha paꞌmoꞌnasheñneshaꞌ. Oꞌ xhapoet allpaꞌ ñetñapaꞌ alla thomxhenet aꞌyoth. Añ moenenet awoꞌch serrpareꞌtatoset.

San Mateo 2:11

Allempoñapaꞌ oꞌ beꞌthososet pokollo, allña entoset cheshatholl epoet pachor María. Konkorpanaꞌtosyetpaꞌ maꞌyochosyet. Torampesyesoset poꞌtsapotpaꞌ aposet eꞌñe attha oro, aposet tsach poeseꞌ ñeñth atarr eñmosath. Aposet ñamha eñmosath poerets.

San Lucas 1:25

—Theꞌñapaꞌ atarr kowen moeraꞌna Yepapar, allochñapaꞌ oꞌwañchaꞌ alloꞌna penknaꞌntatnennet tharroꞌmar napaꞌ otyennet moexhopenoꞌ.

San Lucas 2:5

Allempoña Josépaꞌ awoꞌ epoet María oꞌch kellkatenetaꞌ paꞌsoꞌcheñ. Maríapaꞌ José oꞌpatenaya ñoꞌch yoreꞌ. Allempoña Maríapaꞌ axhomenepaꞌtoꞌ.

Hebreos 10:5

Ñeñthoꞌmarña Cristopaꞌ ateth otosan pompor allempo acheñetos arr patsro ñeñthpaꞌ ateth ot: Pha theꞌpaꞌ ama añeyeꞌ pemneno eyarra ñeñth amtsarethtetsa phokop ñeñthchaꞌ atarr phokshateneꞌ. Amaꞌt ñamha ñeñth es apaꞌyenet phokop. Ñeñthoꞌmarña nokop theꞌpaꞌ oꞌ peyexhkatwerrnan nechets añ patsrekop ñeñth eꞌñe ateth pemnen pha, eꞌñech nechtsoth nesherbhoseph atthoch eꞌñe kowen nokshateneph.

Hebreos 7:26

Ñeñthpaꞌ eꞌñekaꞌye pokteꞌña yokop oꞌch yechen Yekorneshar ñeñth Cristo tharroꞌmar ñapaꞌ eꞌñe kowen Parets, ama eñalle poꞌchñar amaꞌt mamesha ñeñthchaꞌ aꞌsosyateneꞌ. Ñapaꞌ oꞌ sowanerran allowen ñeñth kotheneꞌ sosyaꞌtsañ oꞌ alla xherr allowanen Yompor poeꞌntaño allña partsotapretenan Pompor.