San Marcos 5:2 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

² Jesúsñapaꞌ sewosa all noñthoth, allñapaꞌ wapoña poesheñarr yakma tharraña ñapaꞌ añ chorrenaya oneñeth. Ñeñthpaꞌ arroth wapa allekma pampaꞌyeñet arromñathexhno.

San Marcos 5:2 Iomraidhean Croise

San Marcos 1:23

Poesheñarrña yakma ñeñth alloꞌtsen poerawo, ñeñthñapaꞌ añ chorrenaya oneñeth. Ñaña rranareꞌtapaꞌ ateth otapan Jesús:

San Marcos 1:26

Oneñethñapaꞌ xha atanman yakmapaꞌ alla oꞌshsheꞌma. Oneñethñapaꞌ xha rranareꞌtnoma allempo kexhpaꞌnerran acheñ.

San Marcos 3:30

Ñewa, ñeñthpaꞌ ateth otanet Jesús tharroꞌmar ñetpaꞌ ateth otyeñet Jesús, ñapaꞌ añoꞌ chorrenaya oneñeth ñeñthoꞌña awamenkath peneꞌ.

San Marcos 3:9

Shonteꞌ nanak acheñeneshaꞌ. Atthoch ama atarr kexhkareꞌteñe Jesús acheñeneshaꞌ ñeñth shontetsa, ñañapaꞌ otan poeyochreshaꞌ: —Xhokmach sewapaton noñth.

San Marcos 4:1

Jesúsñapaꞌ alla yexhaterranerr acheñeneshaꞌ eꞌñe alla saꞌpatophño. Allña emchorraꞌwererr shonteꞌ acheñeneshaꞌ. Ñeñthoꞌmarña Jesúspaꞌ aꞌtap noñthopaꞌ awampes mameꞌ allpononeth allñapaꞌ anorros noñtho eꞌñe all saꞌpo. Acheñeneshaꞌña allowenetpaꞌ eꞌñe saꞌpatophñoꞌtsaꞌyenet all mastho.

San Marcos 4:36

Poeyochreshaꞌna sowanmet acheñeneshaꞌ. Ñeñthara noñtho alloꞌtsen Jesúspaꞌ alloña anmampeñet Jesús oꞌch awamphset yomhtaꞌn. Allñapaꞌ kothaꞌwanmanet poꞌpnañexhno noñthexhno.

San Marcos 5:21

Allempoñapaꞌ awamperrerr Jesús noñtho, oꞌ alla xherrerr añemhtaꞌn alloth ta awaña. Allñapaꞌ oꞌ alla emchorraꞌwererr shonteꞌ acheñeneshaꞌ eꞌñe all saꞌpatophño.

San Marcos 5:3

Ñewa, ñapaꞌ alla yexhena all pampoeñet arromñathexhno. Amaꞌt poesheñarrapaꞌ ama eseshayeꞌ erroth penaye atthoch aꞌmchecheret. Amaꞌt xhokma wankëñetañ asrerexho paꞌtkoth ñamha pototh, ñañapaꞌ xhach tsepeꞌtwerranña asrerexh allo wankëñet pototh ñamha paꞌtkoth xhach rrollapecheñ oꞌch eꞌñe tsepeꞌtatwe. Ñeñthoꞌmarña amaꞌt eꞌñe eseshapaꞌ ama eshkayeꞌ aꞌmchecheñeto.

San Marcos 7:25

tharroꞌmar eꞌñe allempo xhap xha eꞌmareꞌteꞌ poesheñarr koyaneshaꞌ ñeñth achoyoreth. Poechoyorñapaꞌ penochor ñeñthñapaꞌ xha chorreña oneñeth. Ñeñthña koyaneshaꞌ wapapaꞌ rromosa Jesús paꞌrrphoth.

San Lucas 8:27

Allña sowosa Jesús noñthothpaꞌ allñapaꞌ wapoña poesheñarr yakma ñeñth alloꞌmarneshaꞌ, tharraña ñapaꞌ añ chorrenaya oneñeth patoner. Ñeñthñapaꞌ awathotheñ attha chopeñeꞌchyen moelleꞌmkoth, ama shetamteno. Ñapaꞌ alla yexhena all pampoeñet arromñathexhno ama pokolloyeꞌ yexheno. Ñewa, oneñethpaꞌ allempo rromoenan yakmapaꞌ epayeꞌ ottatseꞌtacheꞌth allempotheñ. Pamoꞌtseshaꞌñapaꞌ awoꞌch rromoetpaꞌ oꞌch wankëtañ atthoch kowampeñet. Ñañapaꞌ xhach tsepeꞌtwanman allo wankëññañet pot ñamha paꞌtak oneñethñapaꞌ awoꞌchxhoꞌ matach aꞌyo amayo. Allempoña entapan Jesúspaꞌ rranaꞌnma womenk, mata Jesúsesho, rromosñaña allameꞌtets. Allempoña Jesúspaꞌ otosan oneñeth ñeñth chorrenaya yakma: —Theꞌpaꞌ oꞌch pekaxhpaꞌner añ acheñer. Ñeñthña chorrena oneñethpaꞌ ñañapaꞌ ateth otapan Jesús: —Esoꞌmarwachkaꞌye Jesúso phaꞌtsrreꞌmoxhtanaꞌtosen, phapaꞌ ñeñtheph Ñeñth Nanak Parets Poechemereph. Theꞌpaꞌ notapaphchaꞌ amach pekoñchatatstosno.

San Lucas 9:42

Allempo anemh Jesúseshopaꞌ oneñethñapaꞌ alla rromoerranerr cheshachor oꞌ alla othatererr alla ataꞌtatererr patso. Jesúsñapaꞌ ateth otapan oneñeth: —Theꞌpaꞌ poꞌñoxh oꞌch notaph, pekaxhpaꞌnerñakaꞌyeña añ cheshachor. Allempo aꞌkrrater Jesús oꞌ alla apoerrñañ pompor.