San Marcos 4:4 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴ All aꞌparreꞌtyeñ patantaꞌtetsñapaꞌ alla xhapyes thoñoꞌmar. Allñapaꞌ waxhaꞌtyesa oth eꞌñe añyallmeꞌchwenanaꞌ poerets.

San Marcos 4:4 Iomraidhean Croise

San Mateo 13:19

Ñewa, añ poerets ñeñth xhapyesets thoñoꞌmar, ñeñthpaꞌ añ notenes acheñeneshaꞌ ñeñth eꞌmhñotenayeñ Yompor poꞌñoñ ñeñth attho ayochreshathtena ña. Amaꞌt eꞌmhñotenetañ tharraña ama xhenaneto poeyoxhreto ñeñth poꞌñoxh ateth oteney Yompor. Ñeñthoꞌmar allorokmach wapa oneñethpaꞌ oꞌch alla poerratamperranet Yompor poꞌñoñ eꞌñe poeyoxhretoth.

San Mateo 13:4

All aꞌparreꞌtyeñ patantaꞌtetsñapaꞌ alla xhapyes thoñoꞌmar. Allñapaꞌ waxhaꞌtyesa oth eꞌñe añyallmechwenanaꞌ poerets.

San Marcos 4:15

Añ poerets ñeñth xhapyets thoñoꞌmar ñeñthpaꞌ añ notenes acheñeneshaꞌ ñeñth eꞌmhñotenayeñ Yompor poꞌñoñ. Allempo eꞌmhñotwetpaꞌ allorokmach wapa oneñeth oꞌch alla poerratamperranet Yompor poꞌñoñ amaꞌt allpon ñeñth eñotetañ poeyoxhreto.

San Marcos 4:3

—Seꞌmhñoton añ ñeñth ateth notenes: Ñeñthña aꞌparreneꞌ poerets ñañapaꞌ awoꞌ allchaꞌ aꞌparreꞌtyenanaꞌ poepoer.

San Marcos 4:5

Poꞌpoñexhnoñapaꞌ alla xhapyes mapoetroꞌmesoꞌmar all ama tama eñalle pats. Ama nanak oꞌponoꞌtseno patso ñeñthoꞌmarña mamethollapaꞌ chepareswañ.

San Lucas 8:12

Añ poerets ñeñth xhapyesets thoñoꞌmar ñeñthpaꞌ añ notenes acheñeneshaꞌ ñeñth eꞌmhñotenayeñ Yompor poꞌñoñ. Allempo eꞌmhñotwetpaꞌ allorokmach wapa oneñeth oꞌch alla poerratamperranet Yompor poꞌñoñ poeyoxhretoth. Atthoña amach moeneñeto oꞌch ameꞌñenet, atthochña ñetpaꞌ amach aꞌkeshphatarethterreto.

San Lucas 8:5

—Ñeñthña aꞌparreneꞌ poerets ñañapaꞌ awoꞌ allchaꞌ aꞌparreꞌtyenanaꞌ poepoer. All aꞌparreꞌtyeñ patantaꞌtetsñapaꞌ alla xhapyes thoñoꞌmar, ñeñthñapaꞌ attha athmamaꞌtyes acheñeneshaꞌ. Allñapaꞌ waxhaꞌtyesa ñamha oth eꞌñe añyallmeꞌchwenanaꞌ poerets.