San Marcos 4:3 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³ —Seꞌmhñoton añ ñeñth ateth notenes: Ñeñthña aꞌparreneꞌ poerets ñañapaꞌ awoꞌ allchaꞌ aꞌparreꞌtyenanaꞌ poepoer.

San Marcos 4:3 Iomraidhean Croise

San Mateo 13:24

Allempoña Jesúspaꞌ alla tomaꞌntaterraneterr, ñeñthpaꞌ ateth oterraneterr: —Yompor poꞌkowenña ñeñth attho theꞌ ayochreshathtena ña poeꞌntañoth, ñeñthpaꞌ ateth pena ñerraꞌmrratheꞌ poesheñarr yakma ñeñth aꞌparreneꞌ kowen poerets paꞌmro.

San Mateo 13:26

Narmetsñapaꞌ oꞌ chepareswa oꞌ meꞌtyeswapaꞌ allempoñapaꞌ entet ñamha taꞌteꞌ oꞌ chepares epoet trigo.

San Mateo 13:3

Allñapaꞌ esokmañen yexhatyenan acheñeneshaꞌ paꞌnamen tomaꞌnteñtsoxhno. Ñeñth ñanompaꞌ ateth otanet: —Ñeñthña aꞌparreneꞌ poerets ñañapaꞌ awoꞌ allchaꞌ aꞌparreꞌtyenanaꞌ poepoer.

San Marcos 4:14

Allempoña Jesúspaꞌ eñotatanet ñeñth ateth oꞌ tomaꞌntatwanet ñoñets ñokpoet, ñeñthpaꞌ ateth otanet: —Ñeñth aꞌparreꞌtyeneꞌ poerets, ñeñthña poeretspaꞌ añkaꞌye notenes Yompor poꞌñoñ allempo serrpareꞌteñet.

San Marcos 4:2

Allñapaꞌ esokmañen serrpareꞌtatenan acheñeneshaꞌ paꞌnamen tomaꞌnteñtsoxhno. All yexhatyenanetpaꞌ ateth otanet:

San Marcos 4:23

Ñeñthes poꞌñoxh neꞌmhñoteneꞌ xhaponasepaꞌch seyoxhro ñeñth ateth netmaꞌntatensa añ ñoñets.

San Marcos 4:4

All aꞌparreꞌtyeñ patantaꞌtetsñapaꞌ alla xhapyes thoñoꞌmar. Allñapaꞌ waxhaꞌtyesa oth eꞌñe añyallmeꞌchwenanaꞌ poerets.

San Marcos 4:9

Allempoña Jesúspaꞌ alla oterraneterr: —Ñeñthes poꞌñoxh neꞌmhñoteneꞌ, xhaponasepaꞌch seyoxhro ñeñth ateth netmaꞌntatensa añ ñoñets.

Los Hechos 2:14

Añña Pedropaꞌ tanta oꞌ thom eꞌñe alla epoet poꞌpoñexhno yochreshats. Eñora womenk, otanet: —Masheñe judioneshachaꞌ ñamha allowenes ñeñthes arroꞌtsenes Jerusaléño, theꞌ oꞌch notas: Seꞌmhñoten oꞌch neñotatas atthoth ateth yepena ya.

Santiago 2:5

Masheñneshachaꞌ ñamha noxhaneshachaꞌ, eꞌñe nemorrenteñothes theꞌpaꞌ nemneñ oꞌch seꞌmhñoten ñeñthchaꞌ ateth notas. Elloña Yomporpaꞌ añña nanak moenen oꞌch akrerran allowen ñeñth nanak wokchañetets añ patsro, atthoch eꞌñe pameꞌñeñothet ñetpaꞌ echerretchaꞌ esokmañen Yomporeshoth. Esempowañenñapaꞌ oꞌch agërret ñamha ñeñth oꞌpatatenanet Yompor all amhchaꞌtarethtena poeꞌntaño. Ñamha ñeñth oꞌpatatenya alloweney ñeñthey morrentenaya ña.

El Apocalipsis 2:11

Ñeñth eꞌmhñoteneꞌ añ ñoñetspaꞌ xhapanetepaꞌch poeyoxhreto ñeñth ateth neñotatenanet na Nekamkëñoth ora allowen ñeñth pameꞌñeñothet xhokma apxhaꞌyenet allemeñ anetsoꞌmar. Ñeñth metanaꞌtweꞌ allowen paꞌnamen topateñtsoxhno, ñeñth ama nepoerramperrayo, ñetpaꞌ amaꞌt poesheñarrothetapaꞌ amach amñarethterreto koñcheñtso amaꞌt awatha. Ñetpaꞌ amach alla rromoerreterro poꞌpocheño.’ ” Arrpaꞌ allowa wañ ateth ot esmirnoꞌmarneshakop.

El Apocalipsis 2:29

Ñeñth eꞌmhñoteneꞌ añ ñoñetspaꞌ xhapanetepaꞌch poeyoxhreto ñeñth ateth neñotatenanet na Nekamkëñoth, ora allowen ñeñth pameꞌñeñothet xhokma apxhaꞌyenet allemeñ anetsoꞌmar.’ ” Arrpaꞌ allowa ñeñth ateth ot tiatiroꞌmarneshakop.

El Apocalipsis 2:7

Ñeñth eꞌmhñoteneꞌ añ ñoñetspaꞌ xhapanetepaꞌch poeyoxhreto ñeñth ateth neñotatenanet na Nekamkëñoth, ora allowen ñeñth pameꞌñeñothet xhokma apxhaꞌyenet allemeñ anetsoꞌmar. Ñeñth metanaꞌtweꞌ allowen paꞌnamen topateñtsoxhno, ñeñth ama nepoerramperrayo, ñetñapaꞌ napwerranetchaꞌ ñeñth noꞌpatatenanet ñeñthchaꞌ atarr yomhaꞌwerret eꞌñe poktakma Nomporesho, allpaꞌ eꞌñech kosheñtsoꞌtsenet. Ñeñthña napaꞌ oꞌch not, napaꞌ oꞌch nemnaterranet atthoch oꞌch tsomwerret añ tsach poeꞌmer alloch korraꞌwerret eꞌñe poktakma amach alla rromoerreteꞌthe amaꞌt awatha.’ ” Arrpaꞌ allowa wañ ateth ot efesoꞌmarneshakop.