San Lucas 9:62 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁶² Jesúsñapaꞌ ateth och: —Ñeñth ama eꞌñeyeꞌ maꞌyoxhrenaye atthoch thorrenet eꞌñe kowen Yomporekop, ñeñthña acheñerpaꞌ amach eꞌñe kowenayeꞌ sherbeno atthoch eꞌñe epatwan Yompor poꞌkowenña ñeñth attho atarr ayochreshathtena ña. Ñeñth acheñerpaꞌ atethchaꞌ netmaꞌntacha: Ñerraꞌm eseshaꞌ orreneꞌ etamapets atthoch etaman pats eꞌñe kowen paxharr paꞌmro, ñerraꞌm paꞌcheꞌñontha kowaꞌnom amaꞌt mameshapaꞌ amach etsotanoña etamapets atthoch eꞌñe paxharr etaman pats allchaꞌ nareꞌtatseꞌt paꞌmro.

San Lucas 9:62 Iomraidhean Croise

Filipenses 3:13

Napaꞌ masheñnesha ñamha noxhanesha neñotena poꞌñoxhpaꞌ ama attheyeꞌ nephoweno ora allpon ñeñth kowentetsa Cristokop. Tharraña amaꞌt atethpaꞌ amach ñeñtha neyerpoerreꞌthe, xhochña nepoeswanom ñeñth ateth nephatseꞌtyeseꞌth awathotheñ. Theꞌñapaꞌ añach nemaꞌyoxhrena atthoch alloꞌnach nesen amaꞌt akopha etsotayesnomoeꞌ ñeñth poktetsa Cristokop.

2 Timoteo 4:10

Tharroꞌmar arr masheñ Demaspaꞌ oꞌ aꞌypoꞌñaꞌnerren arr napoeth, ñapaꞌ oꞌ awerr Tesalónico, tharroꞌmar ñapaꞌ aña nanak morrentena ñeñth patsoꞌmarekpa. Añpaꞌxhoꞌña masheñ Crescentepaꞌ oꞌ awoꞌ ñamha Galacio. Ñamha masheñ Titopaꞌ oꞌ awoꞌ anetso Dalmacio.

Hebreos 10:38

Tharraña Yomporpaꞌ ateth oten: Ñeñth eꞌñe pokteꞌ nenten na amaꞌt erraꞌtsena acheñer tharroꞌmar eꞌñe poeyemteñothen na, ñeñthñapaꞌ korretsach. Tharraña ñerraꞌm eseshaꞌ nepoerramperraya ñapaꞌ oꞌwañchaꞌ alloꞌna koshatenen.