San Lucas 9:58 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵⁸ Jesúsñapaꞌ ateth och: —Theꞌpaꞌ napaꞌ peñotenchaꞌ amaꞌt nepakllapaꞌ ama necheñe all neyxhenañ. Roꞌkëphpaꞌ xhokma eñall paꞌpon allekma yexhena. Othexhnopaꞌxhoꞌña xhokma eñall paꞌmaꞌ allekma yexhaꞌyenet. Tharraña naña Ñeñthen Acheñetosetspaꞌ ama eñalle ñeñth eꞌñe nepakëll nepen allchaꞌ nephanena.

San Lucas 9:58 Iomraidhean Croise

San Mateo 13:32

Ñewa, eꞌñe yeñoteñ mostazllomh ñeñthpaꞌ atarrkaꞌye nanak añetholleshallmerr, tharraña ñerraꞌm oꞌch yenareꞌchpaꞌ allempoña choppaꞌ alloꞌnach sen rrorranmats kowen, atarrchetnomoets, elloch metanaꞌtwan poꞌpchañ narmetsoxhno. Ñeñthña narmetsocherpaꞌ oꞌch waxhaꞌtoña othexhno ñeñthchaꞌ amaꞌtanatyesosets poetakroꞌmar.

San Mateo 8:20

Jesúsñapaꞌ ateth och: —Theꞌpaꞌ napaꞌ peñotenchaꞌ amaꞌt nepakllapaꞌ ama necheñe allchaꞌ neyxhenañ. Roꞌkëphpaꞌ xhokma eñall paꞌpon allekma yexhena. Othexhnopaꞌxhoꞌña xhokma eñall paꞌmaꞌ allekma yexhaꞌyenet. Tharraña naña Ñeñthen Acheñetosetspaꞌ ama eñalle ñeñth eꞌñe nepakëll nepen allchaꞌ nephanena.

2 Corintios 8:9

Ñewa, sapaꞌ oꞌ señoter ñeñth ateth pha Yepartseshar Jesucristo. Ñapaꞌ atarr amoerañtosa, ñapaꞌ esokmañen echeneñ Pomporesho, tharraña eꞌñe poemorrenteñothey ya, ñañapaꞌ attha wokchañetos. Allochña eꞌñe poewokchañeteñoth yokop, yañapaꞌ shonteꞌch esokmañen yecherr Yomporeshoth.

Santiago 2:5

Masheñneshachaꞌ ñamha noxhaneshachaꞌ, eꞌñe nemorrenteñothes theꞌpaꞌ nemneñ oꞌch seꞌmhñoten ñeñthchaꞌ ateth notas. Elloña Yomporpaꞌ añña nanak moenen oꞌch akrerran allowen ñeñth nanak wokchañetets añ patsro, atthoch eꞌñe pameꞌñeñothet ñetpaꞌ echerretchaꞌ esokmañen Yomporeshoth. Esempowañenñapaꞌ oꞌch agërret ñamha ñeñth oꞌpatatenanet Yompor all amhchaꞌtarethtena poeꞌntaño. Ñamha ñeñth oꞌpatatenya alloweney ñeñthey morrentenaya ña.