San Lucas 9:51 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵¹ Xhapmoch allempoch oꞌch alla awerr Jesús poeꞌntañopaꞌ ñañapaꞌ atarr sechena oꞌch awerr Jerusaléño. Ñeñthoꞌmarña moeñan poeyochreshaꞌ ñeñthchaꞌ otrraꞌtatsa

San Lucas 9:51 Iomraidhean Croise

San Marcos 16:19

Oꞌña ateth otwanerranet Partseshaꞌ Jesúspaꞌ allentha aꞌtapater Pompor poeꞌntaño, allñapaꞌ anorrwen eꞌñe Pompor poꞌkowenroth, all partsotapretwera.

San Lucas 12:50

Ñamha nokoppaꞌ eꞌñe ateth anareth naꞌmoeroxhtatarethterrach eꞌñe atarr womenk ateth ñerraꞌmrratheꞌ xho chorratennet ñeñthchaꞌ atarr nemoeroxhtaterreꞌ. Ñeñthoꞌmar napaꞌ ñeñthña atarr nellkateneꞌ theꞌ attha atarr naꞌwanteñ esempoch eꞌñech etsotwerra.

San Lucas 13:22

All oñemyen Jesús eꞌñe ora aswawanom allowen anetsoꞌmar all shontaꞌyena acheñeneshaꞌ amaꞌt ñamha all ama tama eñalleyaye acheñeneshaꞌ. Allña eꞌñe serrpareꞌtatyesnomanet. Allempo oñemyen allemeñ anetsoꞌmar ñapaꞌ arr sen Jerusaléño all sechena.

San Lucas 17:11

Allempo sechena Jesús Jerusaléño arr oñem allowa temoena Samaria epoet Galilea.

San Lucas 18:31

Ñeñth poeyochreshaꞌ ñeñth xharraꞌ poechena epsheña, Jesúsñapaꞌ awanmanet elloneth, allñapaꞌ ateth otosanet: —Theꞌ poꞌñoxhpaꞌ oꞌch aweney Jerusaléño. All ora allpon kellkaꞌyesoneꞌth ñeñth aꞌmhtaꞌyesayeꞌth Yompor poꞌñoñ awath ñeñthchaꞌ ateth naꞌpharethterra na Ñeñthenchaꞌ Acheñetosets, theꞌñapaꞌ oꞌch eꞌñe etsotwerra ñeñth ateth anareth nokop.

San Lucas 19:11

Acheñeneshaꞌ oꞌ eꞌmhñotenet shonteꞌ ñeñth ateth serrpareꞌtatanet Jesús ñeñth ateth pena Yompor poꞌkowenña, ñamha Jesúspaꞌ oꞌ xhapmoch Jerusaléño. Ñeñthoꞌmarña ñetñapaꞌ xha otenapoetañ allempokmach etsota allempopaꞌ ñach amhchaꞌtarethtatsa Yomporeshoth arr patsro. Ñeñthoꞌmarña elloña ñapaꞌ tomaꞌntatanet poꞌpoñ.

San Lucas 19:28

Allempoñapaꞌ awerrerr Jesús Jerusaléñoneth.

San Lucas 24:51

Eꞌñe poebensareꞌtampeñothanetpaꞌ allñapaꞌ aꞌtenocheꞌ poeꞌntaño oꞌ sowanenanña poeyochreshaxhno.

San Lucas 9:57

Poꞌpocheñoñapaꞌ allempo oñemyenet thoñoꞌmar allñapaꞌ poktanet poesheñarr yakmapaꞌ ñañapaꞌ ateth otapan Jesús: —Na theꞌpaꞌ nemneñ oꞌch nokthareꞌtyeseph amaꞌt errowanenchaꞌ pechopeñeꞌchyes.

San Juan 13:1

Amaꞌt ama xhenaꞌ pascuapo allempoch kosherrerr judioneshaꞌ, Jesúsñapaꞌ eñoteñ eꞌñech ñeñtheshaña alloꞌtsen arr patsro oꞌch awerr Pomporesho. Ñapaꞌ xhokma atarr morrentenana allowen ñeñth poeyochreshaꞌ pen arr patsro. Ñeñthoꞌmarña allempopaꞌ eꞌñe poktakma morrentwenanet.

San Juan 16:28

Poꞌñoxh napaꞌ Apoeshoth nowapa, oꞌ nexhap añe patsro. Elloñapaꞌ oꞌch alla nesaꞌnerr añ pats, oꞌch alla awerren Apoesho.

San Juan 16:5

Na theꞌpaꞌ oꞌch awerren alloꞌtsen ñeñth nellsenseꞌ. Saña amaꞌt poesheñarrothesapaꞌ amaña saꞌphthoꞌtenno, errachña neserr.

San Juan 17:11

‘Theꞌña nokoppaꞌ oꞌ xherrmoch eꞌñech ñeñtheshaña añe patsroꞌtsenen tharroꞌmar napaꞌ oꞌch alla awerren pesho. Tharraña ñetpaꞌ alloꞌtsenaretach arr patsro. Pha Apa Partso, pekwamphsepaꞌch allowen ñeñth neyochreshaꞌ pephatenen. Pewamenkothchaꞌña pekwamphsanet. Allochña ñetpaꞌ oꞌch eꞌñe parrokmatet eꞌñe ateth yepena yamha.

San Juan 6:62

Taꞌm, ¿errothenaꞌtchaꞌ sotña ñerraꞌm poꞌñoxh sentennoñ na Ñeñthen Acheñetosets oꞌch alla naꞌterreñ ento alloth nowapa awath?

Los Hechos 1:2

Tharraña allempotheñ aꞌterr poeꞌntañopaꞌ palltena oꞌch notaph ñamha. Theꞌ añ nekellkothpaꞌ oꞌch notaph. Tharraña amaꞌt allempo ama aꞌterraꞌ Jesúspaꞌ añña ñeñth poeyochreshaꞌpaꞌ oꞌ otwanet atethchaꞌ pet. Eꞌñe Parets Poekamkëñothpaꞌ oꞌ llesensaꞌwanerran poeyochreshaꞌ ñeñth akraꞌ ña.

Los Hechos 1:9

Ñeñtha otwanenanetpaꞌ allempoñapaꞌ aꞌtenochayoꞌ enoneth. Añña poeyochreshaꞌ pokwanrrorteñothetpaꞌ oꞌ maꞌnatena oso. Oꞌwañ orrta, amaꞌt mamesha.

Filipenses 3:14

Tharroꞌmar ñeñthekop oꞌ xhoreꞌterrey Yompor poeꞌntañoth atthoch eꞌñe yeparrokmateñoth epay Poechemer ñeñth Cristo Jesús, esempopaꞌ yephowerrach ora errpontheꞌ eꞌñe pokteꞌ enten ña. Allochñapaꞌ apwerreychaꞌ ñeñth oꞌpatatenya ñeñthchaꞌ nanak yokshatwerreꞌ alloweney ñeñthey oꞌ yameꞌñera.

1 Timoteo 3:16

Ñamha yapaꞌ yeñoteñ ñeñth ateth kothapeꞌchateney Yompor attho yameꞌñerapaꞌ ñeñthpaꞌ nanak koxhneshaꞌ amaꞌt awathotheñpaꞌ ama eseshayeꞌ eñotenaye. Añpaꞌ ñeñth ateth yaꞌxhoteñ Cristo: Amaꞌt Paretspaꞌ oꞌ acheñetos añe patsro, tharraña Yompor Poekamkëñothña nanak awamenkathtosa ñeñth eñotateneꞌña acheñeneshaꞌ ñapaꞌ eꞌñe poꞌñoxh kowen. Amaꞌt allowen mellañotheñnaneshaꞌpaꞌ eꞌñe entwoñeteꞌth ñeñth ateth phaꞌyeseꞌth añ patsro, ñamha ñeñth ameꞌñayeꞌthpaꞌ xhokma aꞌpothet Cristo errakmañen arr patsro amaꞌt all ama judioneshayaye. Ñamha shonteꞌ acheñ ameꞌñerraya Cristo, allothña Yompor poꞌkowenñothpaꞌ oꞌ alla agër poeꞌntaño.

Hebreos 12:2

Añchaꞌña xhokmoepaꞌchña eꞌñe yeyemoetneña Jesús ñeñth orrtaterreꞌ atthoch yeyemtera ñamha ñeñthchaꞌ yetsotaterreꞌ ñeñth attho atarr yeyemoetneña. Tharroꞌmar ñapaꞌ eꞌñe pokteꞌ eñcheꞌth oꞌch awantaꞌwan allowen ñeñth echarr enteꞌth amaꞌt attho rroma korsocho. Amaꞌt ñeñth atarr apenkoxhen entyenet, ñapaꞌ eꞌñe poktakma awantaꞌwanemh. Tharroꞌmar eꞌñe poeyemteñotha Pompor ñapaꞌ eñoteñ ñach apapoerreꞌ ñeñthchaꞌña atarr koshatwerreꞌ. Ñeñthoꞌmarña theꞌpaꞌ oꞌ alla anorrwerr Pompor poꞌkowenroth all anen poꞌkonaño allña partsotwerr ñamha.

Hebreos 6:20

Tharroꞌmar eꞌñe all Partseshopaꞌ allña oꞌ xherrña Jesús ñeñth oꞌ otamperrya allchaꞌ aꞌpoktatosnay eꞌñe kowen yokop Pomporesho. Allñapaꞌ oꞌ korneshatwerr Partsesho. Attho oꞌ korneshatwerr ñeñthpaꞌ amach wañerro amaꞌt errponaña. Eꞌñe ateth oꞌ allsensarethterra oꞌch korneshatwerr ñerraꞌmrratheꞌ ateth korneshateꞌth awath Melquisedec.

1 San Pedro 3:22

Allempo tanterra Cristopaꞌ oꞌ awerr poeꞌntaño. Theꞌñapaꞌ alloꞌtsen epoet Pompor eꞌñe poꞌkowenroth, allñapaꞌ all partsoten. Amaꞌt allowen ñeñth Pompor poꞌmhllañotheñnanesharpaꞌ ñetpaꞌxhoꞌña theꞌpaꞌ eꞌñe kowen ameꞌñeñet ñamet. Ñamha amaꞌt allowen ñeñth amhchaꞌtarethetyetsa poeꞌntañopaꞌ ñetpaꞌxhoꞌña ello ameꞌñaꞌweñet ñamet. Amaꞌt allowen ñeñth awamenkathexhnopaꞌxhoꞌña ello ameꞌñaꞌweñet.