San Lucas 9:50 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵⁰ Jesúsñapaꞌ ateth otanet: —Amachkaꞌye sepatareꞌtatsche tharroꞌmar ñerraꞌm ama xho epatareꞌtenye yamha ñeñthña poꞌñoxhpaꞌ eꞌñekaꞌye parrokma yeyenpannena.

San Lucas 9:50 Iomraidhean Croise

San Mateo 12:30

‘Ñeñthoꞌmarña theꞌpaꞌ oꞌch notas allowenes: Ñerraꞌm eseshas ñeñthes ama nethorrapretenaye ñeñthña acheñerpaꞌ xhakaꞌye epatareꞌtennan ñeñth ateth nethorraꞌyena na. Ñeñthpaꞌ oꞌch netmaꞌntatasa ateth: Ñerraꞌm eseshaꞌ ama naꞌyapaxhapretenaye ñeñth naꞌyapaxhen na, ñeñthñapaꞌ xha aꞌparratseꞌtampenen aꞌyeneth.

San Mateo 17:24

Allempoña Jesús epoet poeyochreshaxhnopaꞌ oꞌ alla xhaxherreterr Capernaumo. Allñapaꞌ wapanet ñeñth tsaꞌtatenaya acheñeneshaꞌ kelle ñeñth impuesto; ñeñthpaꞌ Parets paꞌpakllekop. Ñetpaꞌ ateth otoset Pedro: —Semaestrorpaꞌ ¿amaꞌt pomoenanaꞌña kelle impuesto añekop Parets paꞌpakllekop?

San Mateo 17:26

Pedroña ateth otan Jesús: —Añkaꞌye cobrenet ñeñth elloꞌmarneshaꞌ. Jesúsñapaꞌ ateth och: —Ñeñthepñapaꞌ ñeñth eꞌñe pamoꞌtsnaꞌtarekmoetpaꞌ amaꞌtrra ñeñtheyeꞌ cobreneto.

San Marcos 9:38

Allempoña poeyochreshaꞌ ñeñth Juanpaꞌ ateth otan Jesús: —Maestro, ya awañapaꞌ ateth yeñch poesheñarr yakma ñeñth kexhpateneꞌ oneñeth. Eꞌñe poexhoreꞌteñotheph pha pesoꞌchñopaꞌ kexhpatan oneñeth. Yañapaꞌ ama pokteyeꞌ yeñche tharroꞌmar ñapaꞌ ama parroyeꞌ yeyemteno. Ñeñthoꞌmarña yapaꞌ ateth yoch: —Amach ateth pephatsto.

San Marcos 9:41

Poꞌñoxhkaꞌye notenes: Amaꞌt erraꞌtsena acheñer ñeñthchaꞌ sapoeꞌ amaꞌt koñeꞌtha oñ tharroꞌmar sapaꞌ eꞌñe na neyochreshaꞌ nepenes, ñeñthña acheñerpaꞌ xhokmach atsaꞌtarethterra ñeñthchaꞌ atarr koshaterreꞌ ña.

San Lucas 11:23

‘Ñeñthoꞌmarña theꞌpaꞌ oꞌch notas allowenes: Ñerraꞌm eseshas ñeñthes ama nethorrapretenaye ñeñthña acheñerpaꞌ xhakaꞌye epatareꞌtennan ñeñth ateth nethorraꞌyena na. Ñeñthpaꞌ oꞌch netmaꞌntatasa ateth: Ñerraꞌm eseshaꞌ ama naꞌyapaxhapretenaye ñeñth naꞌyapaxhen na, ñeñthñapaꞌ xha aꞌparratseꞌtampenen aꞌyeneth.

San Lucas 16:13

‘Ñeñthpaꞌ atethchaꞌ netmaꞌntacha: —Amaꞌt poesheñarrotheyapaꞌ amach errothenoth eꞌñe kowen yetarwasoña epsheñoꞌmar yamoꞌmtayekop. Tharroꞌmar ñerraꞌm ateth yephapaꞌ poesheñarr eꞌñech kowen yemorrenteñoth yoksheñeshokmañen yesherbeñ, poꞌpsheñeññapaꞌ amach eꞌñeyeꞌ yemorrenteño; xhach yottena ñerraꞌm xha yetsenaꞌteñ. Ñeñthoꞌmar atethpaꞌ amach kowenayeꞌ yesherbeñe. Ñerraꞌm aña eꞌñe semaꞌyoxhrena ñeñth eꞌñe sokpa atthoch segana aton kelle, ñeñth atethpaꞌ amach errothenoth semaꞌyoxhroña ñamha añekop ñeñth atarr sherbets Yomporekop.

1 Corintios 12:3

Tharraña ñerraꞌm machaya eseshaꞌ eñoratsa, napaꞌ nemneñ xhochña eꞌñe señoch ñatoꞌ poꞌñoxhtheꞌ añ eñorateneꞌ Parets Poekamkëñ, ñatoꞌ amatheꞌ. Ñeñthoꞌmarña oꞌch neñotatas ateth atthoch sapaꞌ señoch: Ñerraꞌm eseshaꞌ achmhareꞌteneꞌ Jesúspaꞌ ñeñthña sapaꞌ oꞌch señoch ama añeyeꞌ eñoratenaye Yompor Poekamkëñ. Tharraña ñerraꞌm eseshaꞌña otets: “Jesúspaꞌ ñeñth poꞌñoxh Yepartseshar yepen”, ñeñthña poꞌñoxhpaꞌ oꞌch señoch añ eñorateneꞌ Parets Poekamkëñ.