San Lucas 9:47 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴⁷ Jesúsñapaꞌ eꞌñe eñotenanet ñeñth ateth kothapeꞌchatseꞌtyenet ñet poeyoxhreto attho eꞌñe kowen entyenet eꞌñe ñañeñeta. Ñañapaꞌ cheshatholla xhoreꞌtpaꞌ thomach eꞌñe ñesho,

San Lucas 9:47 Iomraidhean Croise

San Mateo 12:15

Jesúsña eñotanetpaꞌ awerr alloth. Shonteꞌ acheñeneshaxhno kothaꞌwanereterr. Allowen ñeñth atsnaꞌtyetspaꞌ eꞌñe aꞌkrratyeswerranet.

San Mateo 9:4

Jesúsñapaꞌ oꞌ eñotanet ñeñth ateth otyenet ñokop, ñañapaꞌ ateth otanet: —Sapaꞌ esoꞌmareꞌtchaꞌña ateth sokthapeꞌchatseꞌtyesña seyoxhro.

San Lucas 5:22

Jesúsñapaꞌ eñotanet ñeñth ateth otenet ñokop, ñañapaꞌ ateth otanet: —Sapaꞌ esoꞌmareꞌtchaꞌña ateth sokthapeꞌchatseꞌtyesña seyoxhro.

San Juan 16:30

Theꞌpaꞌ yeñoteneph phapaꞌ ñeñtheph eñotweneꞌ ora allowen esokmañen. Ñeñthoꞌmarña yapaꞌ amakaꞌye pallteno oꞌch alla yaꞌphthoꞌterrperr poꞌpoñoneth. Tharroꞌmar theꞌpaꞌ yeñoteneph phapaꞌ Partseshoth pewapa.

San Juan 2:25

Ñapaꞌ ama eꞌnenano amaꞌt poesheñarra ñeñthchaꞌ oteꞌ ñeñth ateth yokthapeꞌchyen alloweney acheñey. Tharroꞌmar ñapaꞌ xhokma eñoteney ateth yokthapeꞌchyen alloweney acheñey.

San Juan 21:17

Pomaꞌpocheñoñapaꞌ alla otererr: —Simón, Jonás poechemere, ¿amaꞌt eꞌñe mamekpa pemorrentenno? Pedroñapaꞌ llekënana attho alla pomaꞌpocheño otererr eꞌñe ñeñthara, ¿pemorrentennaꞌt?, ñeñthoꞌmarña ñapaꞌ otererr: —Partseshachaꞌ, allowenpaꞌ eꞌñepaꞌt peñotweñ. Eꞌñe peñotenen napaꞌ nemorrentenpha. Jesúsñapaꞌ alla otererr: —Ñeñthepñapaꞌ eꞌñech kowen pekwamphson necarnerorexhno.

1 Corintios 14:20

Ñeñthoꞌmarña masheñneshachaꞌ ñamha noxhaneshachaꞌ amach sokthapeꞌchatsto ateth kothapeꞌchen cheshaneshaꞌ ñeñth ama eñotenaye ñeñth ateth kowentetsa. Ñewa, poꞌñoxh ñerraꞌm esempo yokthapeꞌchyen sosyaꞌtsañ allempoña pokteꞌ oꞌch yokthapeꞌchen ñeñth ateth kothapeꞌchen cheshatholl, tharroꞌmar cheshathollpaꞌ ama tama kothapeꞌchenetaꞌ sosyaꞌtsañ. Tharraña allempo yokthapeꞌchen ñeñth kowentetsa Yomporekoppaꞌ allempoña poꞌñoxhpaꞌ oꞌch yokthapeꞌchen ateth kothapeꞌchen poꞌnaneshaꞌ ñeñth atarr es eñotets.

Hebreos 4:13

Amaꞌt poesheñarrotheya amach errothenoth yeꞌpotampesyoña Yompor ñeñth yeyexhkateꞌ. Amatheꞌ errothenoth yaꞌnasotampesyoña, ñapaꞌ eꞌñekaꞌye entwennayña yeyoxher ñeñth ora allpon es yokthapeꞌchyen. Ñapaꞌ ñach yaꞌmethatatwerreꞌ allowen ñeñth allpon yokthapeꞌchyen.

El Apocalipsis 2:23

Amaꞌt ñamha poechoyoreshowen napaꞌ oꞌch neꞌnwerranet. Allochñapaꞌ atthoch allowen ñeñth pameꞌñeñothet apxhaꞌyetsa allemeñ anetso oꞌch eñochet ñeñth atethpaꞌ ama aphapawo. Napaꞌ eꞌñe nentwennas amaꞌt ñeñth ateth sokthapeꞌchen seyoxhro. Napaꞌ ñeñthenchaꞌ sapwerreꞌ allpon ñeñth poktetsa eꞌñe poesheñaꞌttsokpas, ñeñth allpon ateth sephaꞌyen.