San Lucas 9:43 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴³ Allowen acheñeneshaꞌpaꞌ attha kowanrrorteñet. Ñetpaꞌ eꞌñe eñoteñet Yompor poꞌpartsoña orrtetsa. Attha epayeꞌ kowanrrorteñet atarr kowen enteññañet poꞌpartsoña, tharraña Jesúsñapaꞌ alla yerpaterranerr poeyochreshaꞌ, ñeñthpaꞌ ateth otanet:

San Lucas 9:43 Iomraidhean Croise

San Mateo 17:22

Allempo chopeñeꞌchyenet parro all Galileoꞌmar, Jesúsña allpaꞌ eñotatan poeyochreshaꞌ, ñeñthpaꞌ ateth otnomanet: —Na Ñeñthen Acheñetosetspaꞌ pomoerrnetchaꞌ atthochña errotwanenchaꞌ perrnet.

San Marcos 6:51

Allempoña Jesúspaꞌ aꞌtapos noñtho alloꞌtsaꞌyen poeyochreshaꞌ. Womenkëshaꞌñapaꞌ xhepaꞌtchaꞌ moetsoñeñterrtsa. Ñetñapaꞌ xha atarr kowanrrortapoeñet.

San Lucas 18:43

Eꞌñepaꞌtchaꞌ allorokma eꞌñe kowen enterra. Eꞌñe kowerrtsapaꞌ xha kothaꞌnmoeꞌ ñamha Jesús, allentha atarr ayeꞌchoxhtatnoman Yompor all kothaꞌnenan Jesús. Atthoꞌ enteñ allowen acheñeneshaꞌ ñetpaꞌxhoꞌña eꞌñe kowen ayeꞌchoxhtatneññañet Yompor.

San Lucas 4:36

Acheñeneshaꞌñapaꞌ xha atarr thoratsphanet poeyoxhret. Ñetñapaꞌ ateth otannaꞌtyeset: —Taꞌmkaꞌye, errothentheꞌkaꞌyeña Jesús poꞌñoñ, atarrepaꞌt womenk poꞌñoñ pen. Eꞌñe ateth ñerraꞌmrratheꞌ ñeñth allsensarethtetsa ñeñth atarr awamenkatheshaꞌ. Amaꞌt oneñeth erroth otenpaꞌ atethxhoꞌ phateñ. Poꞌñoxhkaꞌye theꞌpaꞌ oꞌ xhaꞌnerr oneñeth.

San Lucas 5:26

Allowenña acheñeneshaꞌpaꞌ xha atarr kowanrrortapoeñet. Atthoña ñetpaꞌxhoꞌña atarr kowentatyeññañet Yompor. Allowenetñapaꞌ atarr nanak yorenet, ateth otyenet: —Theꞌpaꞌ oꞌ yenterr ñeñth amaꞌt awathapaꞌ ama yentareña ya ñeñth atarr kowen.

San Lucas 5:9

Ateth otan Jesús poeyorñoth tharroꞌmar eñoteñ ñeñth attho rreman shonteꞌ kakpaꞌ Parets ateth phateneꞌ. Amaꞌt allowen ñamha ñeñth epoet tarwasenetpaꞌ atarr nanak yorenet.

San Lucas 8:25

Allempoña Jesúspaꞌ otanet: —Esoꞌmareꞌtña sapaꞌ ama eꞌñeyeꞌ seyemtenno. Ñetñapaꞌ xha atarr nanak yorenet. Attha kowanrrorteñet ñetñapaꞌ ateth otannaꞌtyeset: —Taꞌmkaꞌye añ acheñerpaꞌ esonaꞌtartheꞌkaꞌye. Atarrepaꞌt es aꞌmchechaten, amaꞌt poꞌñoñothapaꞌ aꞌmchechaterran womenkëshaꞌ amaꞌt ñamha emoꞌyareꞌ oñ.

San Lucas 9:42

Allempo anemh Jesúseshopaꞌ oneñethñapaꞌ alla rromoerranerr cheshachor oꞌ alla othatererr alla ataꞌtatererr patso. Jesúsñapaꞌ ateth otapan oneñeth: —Theꞌpaꞌ poꞌñoxh oꞌch notaph, pekaxhpaꞌnerñakaꞌyeña añ cheshachor. Allempo aꞌkrrater Jesús oꞌ alla apoerrñañ pompor.

2 San Pedro 1:16

Ya theꞌpaꞌ oꞌ eꞌñe yeñotatas attho Yepartseshar Jesucristo ña partsotets, ñapaꞌ ñach werrtsa poꞌpocheño. Añ ñoñets poꞌñoxhpaꞌ ama shekëñtsoyaye ñoñets ñeñth oꞌ yotwas. Ñeñthpaꞌ ama yayeꞌ yokthaphña yotenso, ñamha ama awathnaneshañeyaye poeserrpareñ. Ya poꞌñoxhpaꞌ eꞌñekaꞌye allameꞌttsa yeñcheꞌthña Yepartseshar Cristo. Yapaꞌ eꞌñe yentwoñeꞌthña poꞌpartsoña.