San Lucas 9:41 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴¹ Jesúsñapaꞌ ateth ot: —Sapaꞌ ñeñthes acheñres amaꞌt mameshapaꞌ ama ayemtenayeꞌ sentpenno, xhach poꞌpoñ sentwena seyoxhro nokop. Oꞌ allponmatwanen alloꞌtsenen arr patsro napaꞌ attha atarr naꞌwantennas, attha nekwenes ñatoꞌ atthothpaꞌ oꞌch sameꞌñerrna. Allempoñapaꞌ ateth otan yakma ñeñth oteneꞌ oꞌch aꞌkrratoñ poechemer: —Theꞌpaꞌ oꞌch phanmon pechemer arr.

San Lucas 9:41 Iomraidhean Croise

San Mateo 11:28

Sewaxhaꞌta nesho allowenes ñeñthes neneꞌ seyoxhro ñeñth atarr amoeroxhtatañ sentyen. Eꞌñe sameꞌñeñothen na, napaꞌ naꞌwañamperreschaꞌ ñeñth atarr amoeroxhtatañ sentyen. Napaꞌ añchaꞌña nenerrnas ñeñth amach xha moeroxhtaterrso; ñeñthña sapaꞌ eꞌñech pokteꞌ senteñ. Atthochña sapaꞌ señotenen napaꞌ atarr nemoerensa ama atsrreꞌmoxhen entñeno amaꞌt eꞌñe poesheñarrokpa. Amaꞌt eꞌñe mamesha ama añeyeꞌ neꞌneno ñeñth eꞌñe nokpa. Atthochña eꞌñe kowen nokshaterres seyoxhro amaꞌt eꞌñe sekamkëñowen.

San Mateo 12:39

Ñañapaꞌ ateth otanet: —Acheñeneshaꞌ ñeñth korraꞌyetsa theꞌ ñetñapaꞌ ama kowenayeꞌ kothapeꞌchyeneto, ama añeyeꞌ kosheneto Yompor ñeñthoꞌmarña ñetpaꞌ eꞌñe orrena otennet awoꞌch norrtatanet nepartsoña. Tharraña amach es norrtataneto. Napaꞌ añach patherr neñotatanet ateth eñotataneꞌth Jonás awath nínivoꞌmarneshaꞌ allempo aꞌmhtaneꞌth Yompor poꞌñoñ.

San Mateo 16:4

Acheñeneshaꞌ ñeñth korraꞌyetsa theꞌ ñetñapaꞌ ama kowenayeꞌ kothapeꞌchyeneto, ama añeyeꞌ kosheneto Yompor ñeñthoꞌmarña ñetpaꞌ eꞌñe orrena otennet awoꞌch norrtatanet nepartsoña. Tharraña amach es norrtataneto. Napaꞌ añach patherr neñotatanet ateth eñotataneꞌth Jonás awath nínivoꞌmarneshaꞌ. Jesúsñapaꞌ saꞌnerranetpaꞌ awerr.

San Mateo 17:17

Jesúsñapaꞌ ateth ot: —Sa ñeñthes acheñres amaꞌt mameshaꞌpaꞌ ama ayemtenayeꞌ sentpenno; xhach poꞌpoñ sentwena seyoxhro nokop. Oꞌ allponmatwanen alloꞌtsenen arr patsro napaꞌ attha atarr naꞌwantennas, attha nekwenes ñatoꞌ atthothpaꞌ oꞌch sameꞌñerrna. Allempoñapaꞌ ateth otanet: —Amaꞌtpaꞌ sanmonkaꞌye cheshaꞌ arr.

San Mateo 23:36

Poꞌñoxhkaꞌye notenes, acheñeneshaꞌ ñeñth korretsa theꞌ ñetñapaꞌ atsaꞌtatarethterretchaꞌ eꞌñe ora allpon atserrphatseꞌtyesoneteꞌth ñeñth eꞌñe pokteꞌ es phaꞌyestseꞌth Yomporekop.

San Mateo 3:7

Allempoña entapan shonteꞌ saduceoneshaꞌ ñamha fariseoneshaꞌ ñeñthareta ñeñthet judioneshet. Ñetpaꞌ tharroꞌmar waxhenet añ moenenet oꞌch apatapanet Juan. Juanña serrpareꞌtatapanetpaꞌ otapanet: —Sapaꞌ ama kowenayayso atarr ashkarñathes, xha sottena ñerraꞌmrratheꞌ shechpha sompor sepen. Poꞌñoxhkaꞌ ama eseshayeꞌ sotenaye eꞌñech sapatarethteñotha oꞌch sekeshperra allochñapaꞌ amach koñchatwerrso Yompor allempoch yoroxhtatwer tsapathoneth.

San Marcos 10:14

Tharraña Jesúsña allempo entan poeyochreshaꞌ xha epatareꞌtapan cheshatholleshaꞌ, ñañapaꞌ amaꞌt mameshapaꞌ ama pokteyeꞌ entaneto. Ñañapaꞌ ateth otanet: —Pokteꞌñaxhoꞌ semnachñakaꞌyeña cheshaneshaꞌ onosetepaꞌ eꞌñe nesho. Amachkaꞌye xha sepatareꞌtatstapaneto tharroꞌmar allowen ñeñth atarr neyemtenaya na ateth ñerraꞌmrratheꞌ cheshatholl, ñetchaꞌ oꞌpatenetña Yompor poꞌkowenña ñeñth attho ayochreshathtena ña.

San Marcos 10:49

Jesúsñapaꞌ alla thomos ateth otosan acheñeneshaꞌ: —Sexhoreꞌchñakaꞌye onepaꞌ arr. Ñetña xhoreꞌchet aporoꞌyethpaꞌ ateth ochet: —Theꞌpaꞌ xhopha kosherrtsa, ñapaꞌ oꞌkaꞌye agotoseph. Petantnoma eꞌñe thayekma.

San Marcos 9:19

Jesúsñapaꞌ ateth otanet: —Sa ñeñthes acheñres amaꞌt mameshapaꞌ ama ayemtenayeꞌ sentpenno. Oꞌ allponmatwanen alloꞌtsenen arr patsro, napaꞌ attha atarr naꞌwantennas, attha nekwenes ñatoꞌ atthothpaꞌ oꞌch sameꞌñerrna. Allempoñapaꞌ ateth otanet: —Amaꞌtpaꞌ sanmonkaꞌye cheshaꞌ arr.

San Lucas 8:25

Allempoña Jesúspaꞌ otanet: —Esoꞌmareꞌtña sapaꞌ ama eꞌñeyeꞌ seyemtenno. Ñetñapaꞌ xha atarr nanak yorenet. Attha kowanrrorteñet ñetñapaꞌ ateth otannaꞌtyeset: —Taꞌmkaꞌye añ acheñerpaꞌ esonaꞌtartheꞌkaꞌye. Atarrepaꞌt es aꞌmchechaten, amaꞌt poꞌñoñothapaꞌ aꞌmchechaterran womenkëshaꞌ amaꞌt ñamha emoꞌyareꞌ oñ.

San Lucas 9:40

Napaꞌ oꞌ notwosnaphña peyochreshaꞌ oꞌch kaxhpatateret oneñeth tharraña ñetñapaꞌ ama erroth peto atthoch kaxhpatateret oneñeth ñeñth atarr moeroxhtateneꞌ.

San Lucas 9:42

Allempo anemh Jesúseshopaꞌ oneñethñapaꞌ alla rromoerranerr cheshachor oꞌ alla othatererr alla ataꞌtatererr patso. Jesúsñapaꞌ ateth otapan oneñeth: —Theꞌpaꞌ poꞌñoxh oꞌch notaph, pekaxhpaꞌnerñakaꞌyeña añ cheshachor. Allempo aꞌkrrater Jesús oꞌ alla apoerrñañ pompor.

San Juan 14:9

Jesúsñapaꞌ ateth och: —Felipe, awathotheñ napaꞌ alloꞌtseney parro. Phañapaꞌ ¿amaꞌt peñotenno? Ñeñth poentaren napaꞌ Apaꞌnakaꞌyeña oꞌ enterret. Esoꞌmareꞌtña photenen oꞌch negataph Apa.

San Juan 20:27

Allempoñapaꞌ ateth otwenan Tomás: —Pekwon not all pataꞌnet, phaꞌphlleꞌkaꞌye. Phaꞌphllaꞌn ñamha nephototh all enanet. Amachña xha peꞌcharrtatatsto peyoxher xhoña phameꞌña.

Los Hechos 13:18

Amaꞌt atomat char allempo chopeñeꞌcheteꞌth amarathareropaꞌ xhokma kowamphsanet eꞌñe kowen, ñatoꞌ paꞌtatsoch xharraꞌ chartheꞌ kowamphsanet.

Los Hechos 2:40

Allempoñapaꞌ oꞌ alla serrpareꞌtaterraneterr atthoch otanet paꞌnamen ñoñets. Atthoch kothapeꞌchatanetpaꞌ ateth otanet: —Amach sokthapeꞌchatsto ateth kothapeꞌchen poꞌpoñ acheñeneshaꞌ ñeñth ama ameꞌñetso. Atthothchaꞌ sekeshperrach.

Romanos 2:4

Amapaꞌ sapaꞌ xhatheꞌ sotenapañ Yompor poemoereñoth nanakpaꞌ amach tsaꞌtaterrso tharroꞌmar themeꞌttsen ama erroth penso, attha kowenes. Amaꞌt señoteñe añekopña themeꞌttsen moerensa Yompor atthoch ellopaꞌ oꞌch eꞌñe sokthapeꞌchwerr kowen allowenes.

Hebreos 3:19

Atthoña yeñotenanet ñetpaꞌ amaꞌt poesheñarrothetapaꞌ amach eshkayeꞌ xhapoeto allchaꞌ yexhaꞌwerretañ eꞌñe kowen poeñmañeshaꞌ tharroꞌmar ñetpaꞌ ama eseshayeꞌ kowen ameꞌñayo Yompor.

Hebreos 4:11

Yapaꞌxhoꞌña añepaꞌchña yeꞌnen atthoch yexherr yamha allchaꞌ amesaterrey Yompor atthochña eꞌñe yoksherra yeyoxhro. Theꞌñapaꞌ amaꞌt poesheñarrotheyapaꞌ amoepaꞌch alla yathpareꞌterreꞌthe theꞌt ama yexherro yamha all.

Hebreos 4:2

Tharroꞌmar ñeñth athpareꞌtayeꞌth all amayopaꞌ aserrpareꞌtatarethtetañña kowen ñoñets Yomporeshoth tharraña ama wenetoña pathparñet tharroꞌmar amaꞌt eꞌmetañpaꞌ ama eseshayeꞌ ameꞌñaꞌpawoyeꞌ entaye. Yapaꞌxhoꞌña oꞌ serrpareꞌtaterryet yamha kowen ñoñets Yomporeshoth.

Hebreos 7:25

Ñeñthoꞌmar Cristopaꞌ ña eñoteneꞌ atthoch xhokma aꞌkeshphatenan allowen ñeñth eꞌneneꞌ Yompor ñerraꞌm eꞌñe poeyemteñothet ña, tharroꞌmar ñapaꞌ xhokma alloꞌtsen Pomporesho allekma aꞌpoktatennay ñeñth eꞌñe kowen yokop.