San Lucas 9:39 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁹ Ñapaꞌ ñerraꞌm esempo rromoeñ oneñethpaꞌ xhach rranareꞌta oꞌch othachpaꞌ oꞌch ataꞌtach patso xhach amtan paꞌpoꞌ. Atthoña atarr atserrphatseꞌtateñ. Ama moeno oꞌch aꞌrroyer.

San Lucas 9:39 Iomraidhean Croise

San Marcos 9:18

Ñerraꞌm errotheno rremoeñpaꞌ xhachkaꞌye ataꞌtateñ patso, xhach amtan paꞌpoꞌpaꞌ oꞌch rrasoꞌtan paꞌs, oꞌch eꞌñe echarrta. Oꞌ notwosnaphña peyochreshaꞌ oꞌch kexhpateret oneñeth ñeshothpaꞌ tharraña ñetpaꞌ amakaꞌye eshkayeꞌ kexhpateñeto.

San Marcos 9:20

Allempoña anmoñet cheshaꞌpaꞌ oneñethñapaꞌ entosan Jesúspaꞌ xhepaꞌtchaꞌ othatosanña cheshaꞌpaꞌ alla ata patso, xha pomeroꞌta, amtan ñamha paꞌpoꞌ.

San Marcos 9:26

Eꞌñe otweꞌ ateth oneñethñapaꞌ xhepaꞌtchaꞌ rranaꞌnmatsa, alla othatnerranerr cheshachorpaꞌ xho kexhpaꞌnmoeꞌ oꞌ awerr. Cheshachorpaꞌ ama pelleno xha otta ñerraꞌmrratheꞌ oꞌ rroma. Acheñeneshaꞌñapaꞌ ateth otyes: —Poꞌñoxh theꞌpaꞌ oꞌkaꞌye rroma.

San Lucas 4:35

Tharraña Jesúspaꞌ ama moenache oꞌch eñoranaꞌcha. Ñañapaꞌ ateth och: —Pemma, theꞌpaꞌ xhophaña kaxhpaꞌnerreꞌña añ acheñer. Oneñethñapaꞌ xha atanman yakmapaꞌ alla oꞌshsheꞌma eꞌñe all shontena allowen acheñeneshaꞌ. Allempoñapaꞌ oꞌ kaxhpaꞌner eꞌñe attha, ama erroth phaꞌnme.

San Lucas 9:38

Alloꞌtsen poesheñarr yakma ñañapaꞌ ateth otosan Jesús: —Maestro, napaꞌ atarr nemneñ oꞌch pentennanaꞌ nakñeꞌther. Napaꞌ eꞌñe ñeñthethollapa nepathrror.

San Lucas 9:40

Napaꞌ oꞌ notwosnaphña peyochreshaꞌ oꞌch kaxhpatateret oneñeth tharraña ñetñapaꞌ ama erroth peto atthoch kaxhpatateret oneñeth ñeñth atarr moeroxhtateneꞌ.

San Juan 8:44

Sapaꞌ oneñethakaꞌye ñeñth sompor sepen. Ñeñthoꞌmarña sapaꞌ aña semnen oꞌch sepha ñeñth moenen sompor. Ñapaꞌ awathotheñ eꞌñe paꞌmothrotheñ amtsañta. Ñapaꞌ amaꞌt mameshapaꞌ ama eñoraꞌpenoña Yompor poꞌñoñ ñeñth eꞌñe poꞌñoxh tharroꞌmar ñoñets ñeñth eꞌñe poꞌñoxhpaꞌ amakaꞌye atanenoña ña poeyoxhro. Ñerraꞌm xho eñorenapaꞌ, shekëñtsach eñorena tharroꞌmar ñapaꞌ eꞌñe shekëñtsa eñoten. Poꞌñoxh sekëñetspaꞌ pomporkaꞌ penanña oneñeth.

1 San Pedro 5:8

Eꞌñe señotateñothpaꞌ señotaꞌthach, tharroꞌmar oneñeth ñeñth seꞌmoñeꞌteneꞌpaꞌ xhokma chopeñeꞌchen errapharen ateth ñerraꞌm maꞌyarr, xhach amhchaꞌnoxhetnena eꞌnyeseꞌ ñeñthchaꞌ aꞌchenkat.

El Apocalipsis 9:11

Ñeñth awañchenklla ñetpaꞌxhoꞌña añ paꞌmhchaꞌtarether penet mellañotheñ ñeñth amhchaꞌtarethtetsa all alloꞌtsen arroroth ñeñth atarr arroroth oꞌpononeth pats. Mellañotheñ ñeñth paꞌmhchaꞌtarether pen awañchenklla, hebreyaxhopaꞌ añ socheñet Abadón; griegaxhoñapaꞌ añ socheñet Apolión. Ñeñth epoꞌmar soꞌchñets ya yeñoño ñeñth yoten amtsanatañ.