San Lucas 9:38 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁸ Alloꞌtsen poesheñarr yakma ñañapaꞌ ateth otosan Jesús: —Maestro, napaꞌ atarr nemneñ oꞌch pentennanaꞌ nakñeꞌther. Napaꞌ eꞌñe ñeñthethollapa nepathrror.

San Lucas 9:38 Iomraidhean Croise

San Mateo 15:22

Allñapaꞌ oꞌ wapa poesheñarr koyaneshaꞌ ñeñth alloꞌmarneshaꞌ ñeñth cananoꞌmarneshaꞌ. Ñañapaꞌ allentha rranareꞌtospaꞌ ateth otos: —Pemoerayeꞌchosna, Nepapareshachaꞌ phapaꞌ ñeñtheph Davidnaꞌtareph. Na nakñeꞌtherpaꞌ atarr moeroxhtateñ oneñeth.

San Lucas 7:12

Oꞌ xhapmochet all allothekma beꞌthenet atthoch xhapoet anetso. Allothñapaꞌ xhaꞌnmaxhaꞌtos ñeñth aneneꞌ arromñath, oꞌch pampoeñetaꞌ. Arromñathñapaꞌ asheñorr ñeñth eꞌñe poꞌpathrror pen pachor. Pachorñapaꞌ rrethorrnaneshaꞌ. Shonteꞌ acheñ ñeñth alloꞌmarneshaꞌ ñeñth llekapretnenaya rrethorrnaneshaꞌ all kothaꞌneñet.

San Lucas 9:37

Tsapathña allempo waxhenet aspenthothpaꞌ allñapaꞌ shonteꞌ acheñeneshaꞌ ñeñth waxhaꞌttsa ñeñth pokterrawet.

San Lucas 9:39

Ñapaꞌ ñerraꞌm esempo rromoeñ oneñethpaꞌ xhach rranareꞌta oꞌch othachpaꞌ oꞌch ataꞌtach patso xhach amtan paꞌpoꞌ. Atthoña atarr atserrphatseꞌtateñ. Ama moeno oꞌch aꞌrroyer.

San Juan 4:47

Allempoña eꞌmareꞌtan Jesús oꞌ wapa Judeoth oꞌ xhenerr Galileo, ñañapaꞌ allentha awoꞌ oꞌch enteñaꞌ atthoch oteñaꞌ kotherepaꞌ paꞌpakllo atthoch aꞌkrraterrñañaꞌ poechemer, oꞌ rromamoch.