San Lucas 9:25 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁵ Amaꞌt errponenapharen esokmañen es yeyoratsetyes ora allpon ñeñth yentyen añe patsro, tharraña ñerraꞌm ñeñthach eꞌñe yaꞌchenkaterreꞌ yekamkëñowen ñeñthñapaꞌ amaꞌt koñeꞌthapaꞌ amach es sherberrye.

San Lucas 9:25 Iomraidhean Croise

San Mateo 13:48

Ñerraꞌm oꞌch eꞌñe chorra allempoñapaꞌ oꞌch chetamperet tophñaso, oꞌch anorrxhaꞌtet allchaꞌ akret ñeñth eꞌñe kowenareꞌ ñeñthchaꞌña eshaꞌtanatet poekañthro. Ñeñthña ama kowenayayepaꞌ oꞌch saprrochet.

San Mateo 13:50

Ñeñthña atsrreꞌmñathneshaꞌpaꞌ waporeꞌteretchaꞌ oꞌpono all worten tsoꞌ. Allñapaꞌ allchaꞌ yawanrrorterret, panmoeñothet atserrpaꞌ rrasoꞌtyerretchaꞌ paꞌs.

San Mateo 16:26

Amaꞌt errponenapharen esokmañen es yeyoratseꞌtyes ora allpon ñeñth yentyen añe patsro, tharraña ñerraꞌm ñeñthach eꞌñe yaꞌchenkaterreꞌ yekamkëñowen, ñeñthñapaꞌ amaꞌt koñeꞌthapaꞌ amach es sherberrye. Tharroꞌmar ama eñalle poꞌpoñ ñeñth atarr sherbets, añña atarr nanak sherbets ñeñthchaꞌ aꞌkeshphaterreꞌ yekamkëñ. Tharroꞌmar yokoppaꞌ ama es eñalle ñeñthchaꞌ yepomoerr alloch alla yerañtherra yekamkëñ.

San Marcos 8:36

Amaꞌt errponenapharen esokmañen es yeyoratsetyes ora allpon ñeñth yentyen añe patsro, tharraña ñerraꞌm ñeñthach eꞌñe yaꞌchenkaterreꞌ yekamkëñowen, ñeñthñapaꞌ amaꞌt koñeꞌthapaꞌ amach es sherberrye. Tharroꞌmar ama eñalle poꞌpoñ ñeñth atarr sherbets, añña atarr nanak sherbets ñeñthchaꞌ aꞌkeshphaterreꞌ yekamkëñ.

Los Hechos 1:18

Ñewa, Judasoñpaꞌ tsaꞌchet allpon kelle attho poman Jesús. Tharraña ñeñth kellepaꞌ allo rañthet pats. Tharraña allempo shoraꞌnom Judasoñ xhap patsopaꞌ potsaꞌnmos paꞌth, oꞌ yoꞌpawa ora. Allempoña eꞌmareꞌch allowen jerusaléñoꞌmarneshaꞌ attho Judasoñpaꞌ oꞌ rroma. Añña pats ñeñth rañthet Judasoñ poꞌkhllayorothpaꞌ oꞌ sochet Acéldama. Añ ñoñets ñeñth otenet Acéldama ya yeñoño yoteñ Errasatsotnanen.

Los Hechos 1:25

Judasoñpaꞌ oꞌ saꞌnmoey oꞌ awoꞌ all ñeñth oꞌpatatarethtena ña eꞌñe ña poꞌchñaroth.

1 Corintios 9:27

Xhochña newnat nañeña nechets. Eꞌñe nach tarwasateꞌ nechets Yomporekop. Atethchaꞌ nepha tharroꞌmar amaꞌt na serrpareꞌtateꞌ poꞌpsheññexhnopaꞌ ñatoꞌrraña ellopaꞌ theꞌt alla awaporeꞌtarethen nañeña tharroꞌmar ama netsotoñe ñeñth moenen Yompor.

Hebreos 10:34

Poꞌñoxh ñeñth arrmanatarethtatseꞌth oꞌch ayottamphsarethtet, sañapaꞌ eꞌñe sellkapreteñothanetpaꞌ xhokmach eꞌñe kowen seyenpoenanet. Amaꞌt allempo poerratamphsatsreꞌtaseꞌth ñeñth seꞌmoñeꞌtyesayeꞌth, sañapaꞌ eꞌñech soksheñeshaꞌ saꞌwantenanet. Tharroꞌmar sapaꞌ señoteñ oꞌ secherr ento ñeñth atarr sherbets ñeñth ello metanaꞌtweneꞌ attho sherbenes sechatser, tharroꞌmar ñeñthpaꞌ ama aptsaño.