San Lucas 9:23 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²³ Elloñapaꞌ alla oterraneterr allowenet: —Ñerraꞌm eseshaꞌ moeneneꞌ oꞌch kotherrnet na eꞌñe poꞌñoxh atthoch neyochreshaꞌ neperranet, añ poktetsa sewanmoetepaꞌña ñeñth ateth moenenet eꞌñe ñokpoeta. Atthochña ñetpaꞌ oꞌch eꞌñe tomaꞌnteret ñeñth chechneneꞌ poꞌkorsoch amaꞌt patheꞌtets yeth allchaꞌ moeroxhtet ñamet. Atthochña kotherrnet eꞌñe poktakma.

San Lucas 9:23 Iomraidhean Croise

Romanos 8:13

Tharroꞌmar ñerraꞌm alloꞌna yokrraꞌnena ñeñth ateth kothapeꞌchateney yechetspaꞌ ñerraꞌm yerromapaꞌ yechenkaꞌwerrach yoꞌchñaroth, tharraña ñerraꞌm Parets Poekamkëñoth oꞌch yaꞌypoꞌñerr ñeñth ateth phatseꞌtateney yechetspaꞌ yañapaꞌ korretsayach.

Colosenses 3:5

Ñeñthoꞌmarña sokoppaꞌ añ poktetsa: Amaꞌt erraꞌtsena sechets ñeñth sokthapeꞌchateneꞌ patsoꞌmarpaꞌ xhosaña aꞌmchechaterreꞌ, ñeñth attho sechtaꞌyeñ ñeñth ama sethaporeyaye, ñamha paꞌnamen sosyaꞌtsañexhno ñeñth ateth moenatseꞌtatyeney yechets, ñamha allpon yemnatseꞌtyen ñeñthpaꞌ ama kowenayeꞌ entapretenye Yompor, ñamha attho es atarr yeyeꞌchapretannaꞌtyena, ñeñthpaꞌ ñeñthaña yeyomporer yepen.

2 Timoteo 3:12

Ñewa, yapaꞌ yeñoteñ erraꞌtsenchaꞌ moenats oꞌch kothan eꞌñe kowen Cristo Jesúspaꞌ xhokmach moeroxhtatanet ñeñth eꞌmoñeꞌtenawet.

Tito 2:12

Ñamha ñeñth ama kowen enteno Yomporpaꞌ añ pokteꞌ oꞌch yaꞌypoꞌñaꞌwer, ñamha ñeñth allpon yemnatseꞌtyen arr patsropaꞌ añ pokteꞌ ñamha oꞌch yaꞌypoꞌñaꞌwer, tharroꞌmar poemorrenteñoth Yomporpaꞌ ñeñthoꞌmar yexhatey ateth. Añña pokteꞌ amaꞌt añe patsropaꞌ oꞌch yepena ñeñth kowentetsa, ñamha oꞌch yepena ñeñth ateth pokteꞌ enten Yompor, ñamha ñeñth ateth moenen oꞌch yetsotoñ.

Hebreos 13:13

Ñeñthoꞌmarña theꞌpaꞌ eꞌñepaꞌchña yeswanom ñeñth awath yokthaphña ñeñthara ñeñth yaꞌnetser yepenpaꞌ oꞌch awey aꞌyo alloꞌtsen Jesús. Allchaꞌña yemoeroxhtapretosya yamha all atarr otnareꞌtyeñet.