San Lucas 9:22 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²² Elloñapaꞌ alla oterraneterr: —Napaꞌ Ñeñthen Acheñetosets, ateth anareth nokop, nanakchaꞌ naꞌmoeroxhtatarethterra. Amach eseshaꞌ pokteyeꞌ nenterraye —amaꞌt ñeñth pomporneshaꞌ pen allowen judioneshaꞌ, amaꞌt ñeñth paꞌmhchaꞌtaretherneshaꞌ pen allowen judioneshaꞌ poꞌkornaneshar, amaꞌt ñamha ñeñth etsotayenayeñ ñoñets ñeñth ateth anareth judioneshakop. Amaꞌt ñetpaꞌ amach eseshayeꞌ neyemterraye. Atthachña napaꞌ moetsataterrnetchaꞌ. Tharraña pomaꞌpamtañopaꞌ oꞌch alla tantaterren Nompor.

San Lucas 9:22 Iomraidhean Croise

San Mateo 17:12

Tharraña napaꞌ oꞌch notas: Elíaspaꞌ oꞌkaꞌye wapwerrañ arr tharraña amakaꞌye eseshayeꞌ chemeꞌtapoerraye ñeñthapaꞌ xhaña errotwanen phapoeret ñeñth ateth moenaꞌyenet ñet. Eꞌñech atthekma perrnet namha Ñeñthen Acheñetosets.

San Mateo 17:22

Allempo chopeñeꞌchyenet parro all Galileoꞌmar, Jesúsña allpaꞌ eñotatan poeyochreshaꞌ, ñeñthpaꞌ ateth otnomanet: —Na Ñeñthen Acheñetosetspaꞌ pomoerrnetchaꞌ atthochña errotwanenchaꞌ perrnet.

San Mateo 27:63

Ñeñthpaꞌ ateth otoset: —Nomporchaꞌ yapaꞌ oꞌkaꞌye yeyerpoera añ acheñer ñeñth atarr ashkañpaꞌ allempo korreꞌthpaꞌ atethkaꞌye otyeꞌth: “Napaꞌ amaꞌt poemaꞌpamtañopaꞌ netanterrachkaꞌye rromoth.”

San Marcos 8:31

Jesúsña eꞌñe allempotheñpaꞌ mothetnomh eñotatyesnomoeꞌ poeyochreshaꞌ ñeñth ateth anareth ñokop, ñeñthpaꞌ ateth otanet: —Na Ñeñthen Acheñetosetspaꞌ ateth anareth nokop, nanakchaꞌ naꞌmoeroxhtatarethterra. Amach eseshaꞌ pokteyeꞌ nenterraye —amaꞌt ñeñth pomporneshaꞌ pen judioneshaꞌ, amaꞌt ñeñth paꞌmhchaꞌtarether pen judioneshaꞌ poꞌkornaneshar, amaꞌt ñamha ñeñth etsotayenayeñ ñoñets ñeñth ateth anareth judioneshakop— amaꞌt ñetpaꞌ amach eseshayeꞌ neyemterraye. Atthochña napaꞌ moetsataterrnetchaꞌ. Tharraña pomaꞌpamtañoch oꞌch alla netanterra.

San Marcos 9:31

tharroꞌmar ñapaꞌ moeneñ oꞌch yexhatnoman poeyochreshaꞌ. Ñeñthpaꞌ ateth otnomanet: —Na Ñeñthen Acheñetosetspaꞌ pomataterrnetchaꞌ atthochña errothwanenchaꞌ perrnet. Attheñapaꞌ oꞌch moetsataterrnet tharraña pomaꞌpamtañoñapaꞌ oꞌch alla netanterra.

San Lucas 17:25

Ñewa, na theꞌ ñeñth ateth anareth nokop ñanompaꞌ atarrchaꞌ naꞌmoeroxhtatarethta, amaꞌt namoꞌtseshaꞌ ñeñth korretsa theꞌpaꞌ amach eseshayeꞌ nagënaye.

San Lucas 24:26

Amaꞌt señoteñeña ñeñthchaꞌ Cristotatspaꞌ atethkaꞌye anarethña ñokop ñapaꞌ atarrchaꞌkaꞌye amoeroxhtatarethetwanena xhoch rromats. Elloñapaꞌ oꞌch alla xherr esempo allempochña eꞌñe kowen aꞌkowentatarethterra.

San Lucas 24:44

Allempoñapaꞌ ateth oterraneterr: —Ñeñth ateth notaseꞌth allempo orameñ alloꞌtseney eꞌñe parro, ora allowen ñeñth ateth anareth awathotheñ Yompor poꞌñoño nokop, ñeñthña theꞌpaꞌ oꞌ eꞌñe etsotwerra —eꞌñe Moisésotheñ poꞌñoñ ñeñth ateth anareth amaꞌt ñamha ora allowen ñeñth kellkaꞌyesoneꞌth ñeñth aꞌmhtaꞌyesayeꞌth Yompor poꞌñoñ, amaꞌt ñamha ñeñth akellkarethtatseꞌth libro Salmos, theꞌpaꞌ ñeñthña oꞌ eꞌñe etsotwerra ñeñth ateth anaꞌyesareth nokop awathotheñ.

San Lucas 24:7

Ñeñthpaꞌ atethkaꞌye otaseꞌth ñapaꞌ ña Ñeñth Acheñetosets xhokmach pomoeret atthoch errothwanen per poꞌpoñ acheñ ñeñth atarr ochñatheneshaꞌ atthoch korsoꞌtamperet, tharraña pomaꞌpamtañoñapaꞌ xhokmach tanterra.

San Lucas 9:44

—Theꞌpaꞌ seꞌmhñoten eꞌñe kowen, amach sepsatsterrnano neñoñ ñeñth ateth notenes theꞌ. Na Ñeñthen Acheñetosetspaꞌ pomataterrnetchaꞌ atthochña errothwanenchaꞌ perrnet.

1 Corintios 15:4

allothpaꞌ apamparethta, tharraña pomaꞌpamtañopaꞌ alla tanterra. Ñeñthpaꞌ atthekma oten ñamha ñeñth ateth anwareth awathotheñ Yompor poꞌñoño.

1 San Pedro 1:11

Ñetpaꞌxhoꞌña eꞌñe Cristo Poekamkëñña chorraweteꞌth ñeñthña eñotataweteꞌth oꞌch orrterra ñeñthchaꞌ Cristoterrets arr patsro. Oꞌch xhap añe patsropaꞌ elloñapaꞌ oꞌch moeroxhtateret. Oꞌch amoeroxhtatarethetwapaꞌ allempochña orrtaterranña poꞌkowenña. Tharraña ñeñth aꞌmhtaꞌyesayeꞌth Yompor poꞌñoñ awathpaꞌ oꞌ alla aꞌphthoꞌtannaꞌtyerreterr, taꞌ, ¿eseshaꞌchña Cristoterrets? ¿Esempoꞌtchaꞌña orrterra?