San Lucas 9:20 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁰ Allempoñapaꞌ alla aꞌphthoꞌterraneterr: —Sañapaꞌ ¿errothenaꞌt sotenenña sa? Pedroñapaꞌ eñoratsapaꞌ ateth och: —Phapaꞌ ñeñthephkaꞌye Parets Poechemereph ñeñtheph Cristotosets.

San Lucas 9:20 Iomraidhean Croise

San Mateo 22:42

Jesúsña allpaꞌ ateth otanet: —Sapaꞌ ¿errothenaꞌt sotenña sa añekop ñeñthchaꞌ Cristotosets? ¿Eseshaꞌt soten ñeñthchaꞌ poꞌmhreneñ perreꞌña ñeñthchaꞌ Cristotosets? Ñetñapaꞌ ateth ochet: —Davidchaꞌkaꞌye poꞌmhrenñoth wapaña ñeñthchaꞌ Cristotosets.

San Mateo 26:63

Jesúsñapaꞌ ama eñoreno. Allempoña korneshaꞌpaꞌ alla otererr: —Theꞌpaꞌ oꞌch notaph oꞌch photey eꞌñe Yompor paꞌsoꞌchño ñeñth ama arromñatheshayaye, phapaꞌ ¿phaꞌtña ñeñtheph Parets Poechemereph, ñeñthephtheꞌ Cristotosets?

San Mateo 5:47

Ñamha ñerraꞌm eꞌñe aña kowen sagën ñeñth eꞌñe samoꞌts sepen, ñeñthpaꞌ amach errothenoth semhtanoña ñeñth ama ameꞌñetso, tharroꞌmar ñetpaꞌ eꞌñe aña kowen agënet ñeñth eꞌñe pamoꞌts penet.

San Marcos 14:61

Jesúsñapaꞌ ama eñoreno, ama anapoenaneto. Allempoña korneshaꞌpaꞌ alla otererr: —Theꞌpaꞌ oꞌch notaph, nemneñ oꞌch photen phapaꞌ ¿phaꞌtña ñeñthephtheꞌ Cristotosets? ¿Ñeñthephtheꞌ Parets Poechemereph, ñeñth Parets xhokma yaꞌyeꞌchoxhtateññañ?

San Marcos 8:29

Allempoñapaꞌ alla aꞌphthoꞌterraneterr: —Sañapaꞌ ¿errothenaꞌtña sotenenña sa? Pedroña eñoratsapaꞌ ateth och: —Phapaꞌ ñeñthephkaꞌye Cristotosets.

San Lucas 22:67

—Yapaꞌ theꞌpaꞌ yemneñ oꞌch photosey ñerraꞌm poꞌñoxhtheꞌ pha ñeñtheph Cristotets. Jesúsñapaꞌ ateth otosanet: —Amaꞌt notatstas na poꞌñoxh ñeñthen Cristotets sañapaꞌ amachkaꞌye pokteyeꞌ sentno atthoch sameꞌñaꞌna.

San Lucas 9:19

Ñetñapaꞌ ateth otyeset: —Patantarr acheñeneshaꞌpaꞌ atethkaꞌye otyenpet phapaꞌ Juanañphoꞌtheꞌ ñeñthephoꞌ apatañtatseꞌth Yomporekop. Poꞌpotantaññapaꞌ ateth otyenpet, phapaꞌ Elíasophoꞌtheꞌ. Poꞌpotantaññapaꞌ ateth otyenpet phapaꞌ ñeñthephoꞌ ñeñth aꞌmhtayeꞌth Yompor poꞌñoñ awath. Theꞌñapaꞌ awoꞌ alla petanterra perromñoth.

San Juan 1:41

Andrésñapaꞌ allorokma awerr eꞌnerrayaꞌ Simón; oꞌña enteraꞌpaꞌ ateth otwerr: —Yapaꞌ oꞌkaꞌye yenter Mesías. (Ñewa, ñeñthña ñoñets Mesías añkaꞌye otenet ñeñthchaꞌ Cristoterrets.)

San Juan 1:49

Natanaelñapaꞌ ateth otererr: —Maestrochaꞌ pepaꞌtña Yompor Poechemereph. Pepaꞌtña Amhchaꞌtareth ñeñth atarr kowen allowen israelneshaꞌ.

San Juan 11:27

Martañapaꞌ ateth otererr: —Partseshachaꞌ, napaꞌ neñoteneph eꞌñe poꞌñoxh phapaꞌ ñeñtheph Cristotosets, phapaꞌ Yepapar Poechemereph, pha atarr yekwen awathotheñ oꞌch pewapa arr patsro.

San Juan 20:31

Allpon ñeñth akellkarethtatsa arr libro ñeñthpaꞌ añekop anareth ñeñthchaꞌ sameꞌñateꞌ poꞌñoxh Jesúspaꞌ ñeñth Cristotets, ña poꞌñoxh Yompor Poechemer. Tharroꞌmar eꞌñe sameꞌñeñotha Cristo sañapaꞌ korretsasach thayotheñ eꞌñe errponañowen.

San Juan 4:29

—Theꞌpaꞌ soktherren oꞌch senteñaꞌ poesheñarr enkaneshaꞌ ñeñth oꞌ serrpareꞌtatwosen ora allpon ñeñth ateth nephaꞌyesara. Ñatoꞌ ñeñththeꞌña Cristotets ñeñth atarr yekwen oꞌch wapa.

San Juan 4:42

Ñetñapaꞌ ateth oteñet koyaneshaꞌ: —Theꞌñapaꞌ ama eꞌñe pha peñoñotheyeꞌ yameꞌñeno. Theꞌpaꞌ eꞌñe ya eꞌmoeneꞌ yamha alloweney. Ñeñthoꞌmarña theꞌ yapaꞌ oꞌ yeñoch poꞌñoxh ñapaꞌ ñach yaꞌkeshphaterreꞌ alloweney ñeñthey añe patsroꞌtseney.

San Juan 7:41

Poꞌpotantañpaꞌ ateth otyeset: —Añmapaꞌ ñeñththeꞌkaꞌyeña Cristotets ñeñth xhokma yekwen. Poꞌpotantaññapaꞌ ateth otyenet: —Ñeñthchaꞌ Cristoterretspaꞌ amatheꞌ arrotha wapo Galileoth.

Los Hechos 17:3

Allpaꞌ añ yexhatanet ateth anarethta ñeñthchaꞌ Cristotats ñerraꞌm esempoch wapa añ patsropaꞌ nanakchaꞌ moeroxhtachet. Tharraña oꞌch moeroxhtatwetpaꞌ elloch alla tanterra amaꞌtchaꞌ rroma. Ateth otanet: —Theꞌñapaꞌ oꞌch notas, añ Jesús ñeñthara ñeñth oꞌ neserrpareꞌtatwaspaꞌ ñeñthña Cristotets.

Los Hechos 8:36

Allña alleneth matampenetpaꞌ oꞌ entoset oñ, ateth ot etiopoꞌmarneshaꞌ: —Taꞌm, ¿pokteꞌtheꞌ theꞌ oꞌch napatarethta Partsokop?

Los Hechos 9:22

Saulopaꞌ alloꞌna sen womenk phaꞌnmoeꞌ poeyoxher atthoch serrpareꞌtan Yompor poꞌñoñ. Nanak serrpareꞌtatanet attho poꞌñoxh Jesúspaꞌ ñeñthara Cristotats. Amaꞌt judioneshaꞌ ñeñth yexhetsa Damascopaꞌ ama errotheno anapeto.

1 San Juan 5:1

Alloweney erraꞌtseneychaꞌ ameꞌñerraya Jesúspaꞌ ña Cristotats ñeñtheyña yapaꞌ oꞌ eꞌñe poechemer perrey Yompor. Ñewa, yeñoteñ arr patsro ñerraꞌm yemorrenteña poesheñarr acheñ ñeñth achemereshath, poechemereshaꞌnaña eꞌñe yemorrentwena.