San Lucas 8:8 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁸ Poꞌpotantañexhno ñeñthñapaꞌ arr xhapyes all eꞌñe kowen patso. Ñeñthñapaꞌ eꞌñe kowen chepares. Allempoña ateshaꞌtwapaꞌ atarr aton ellomhreꞌtyes. Poechaꞌtetspaꞌ xharroch xharraꞌ poeꞌllomer. Allempoña serrpareꞌtatwanet atethpaꞌ oꞌ alla oterraneterr. Eꞌñe womenkokma eñoranaꞌtanet, ateth otanet: —Ñeñthes poꞌñoxh neꞌmhñoteneꞌ, xhaponasepaꞌch seyoxhro ñeñth ateth netmaꞌntatensa añ ñoñets.

San Lucas 8:8 Iomraidhean Croise

San Mateo 11:15

Allowenes ñeñthes neꞌmhñoteneꞌ neñoñ, xhaponasepaꞌchña seyoxhro ñeñth ateth notenes.

San Mateo 13:23

Ñamha añ poerets ñeñth xhapyesets eꞌñe kowen patso ñeñth eꞌñe kowen cheparsatspaꞌ ñeñthña tomaꞌntenaya poꞌpotantañ acheñeneshaꞌ ñeñth eꞌmhñoteneꞌ Yompor poꞌñoñ, ñoñetspaꞌ eꞌñech kowen xhenanet poeyoxhreto. Ñetñapaꞌ ñeñthet poꞌñoxh orrtatyenet ñeñth atarr sherbets Yomporekop. Atthoña ñetpaꞌ eꞌñe ateth penet ñerraꞌm narmets ñeñth atarr aton ellomhreꞌtyets—patheꞌtets xharroch xharraꞌ poeꞌllomer, poꞌpoñpaꞌ pechapoch xharraꞌ poeꞌllomer, poꞌpoñpaꞌ maꞌpoch xharraꞌ poeꞌllomer.

San Marcos 4:20

Ñamha añ poerets ñeñth xhapyesets eꞌñe kowen patso ñeñth eꞌñe kowen cheparsatspaꞌ ñeñthña tomaꞌntenaya poꞌpotantañ acheñeneshaꞌ ñeñth eꞌmhñoteneꞌ Yompor poꞌñoñ. Ñoñetsñapaꞌ eꞌñech kowen xhenanet poeyoxhreto. Ñetñapaꞌ ñeñthet poꞌñoxh orrtatenet ñeñth atarr sherbets Yomporekop. Atthoña ñetpaꞌ eꞌñe ateth penet ñerraꞌm narmets ñeñth atarr meꞌtets—patheꞌtets maꞌpoch xharraꞌ poeꞌllomer, poꞌpoñpaꞌ pechapoch xharraꞌ poeꞌllomer, poꞌpoñpaꞌ xharroch xharraꞌ poeꞌllomer.

San Marcos 4:23

Ñeñthes poꞌñoxh neꞌmhñoteneꞌ xhaponasepaꞌch seyoxhro ñeñth ateth netmaꞌntatensa añ ñoñets.

San Marcos 4:8

Poꞌpotantañexhno ñeñthñapaꞌ arr xhapyes all eꞌñe kowen patso. Ñeñthñapaꞌ eꞌñe kowen chepares. Allempoña ateshaꞌtwapaꞌ oꞌ ellomhreꞌtyes. Atarr atonapaꞌtets ellomhreꞌtyes —poechaꞌtetspaꞌ maꞌpoch xharraꞌ poeꞌllomer, poꞌpchañexhnoñapaꞌ pechapoch xharraꞌ poeꞌllomer, poꞌpchañexhnoñapaꞌ xharroch xharraꞌ poeꞌllomer.

San Marcos 7:16

Ñeñthes poꞌñoxh neꞌmhñoteneꞌ xhaponasepaꞌch seyoxhro ñeñth ateth netmaꞌntatensa añ ñoñets.

San Lucas 14:35

Atthoña amach es sherberro amaꞌt eꞌñe koñeꞌtha. Amaꞌt atthoch yetnarrataterr allo patspaꞌ amaꞌt ñeñthekpapaꞌ amach sherberro; ñeñthoꞌmarña amaꞌt ñeñthekpapaꞌ amach yaññoꞌtatsche. Ñeñthoꞌmarña oꞌch yewaporeꞌter aꞌyo. Ñerraꞌm eseshastheꞌ neꞌmhñoteneꞌpaꞌ xhaponasepaꞌch seyoxhro ñeñth ateth neyxhatenes.

San Lucas 8:15

Ñamha añ poerets ñeñth xhapyesets eꞌñe kowen patso ñeñth eꞌñe kowen cheparsatspaꞌ ñeñthña tomaꞌntenaya poꞌpotantañ acheñeneshaꞌ ñeñth eꞌmhñoteneꞌ Yompor poꞌñoñ. Ñetñapaꞌ attho ameꞌñeññañet Yompor poꞌñoñ amach poesereto xhoch eñochet poeyoxhreto atthoch eꞌñe kowen maꞌyoxhroñet Yompor poꞌñoñ. Xhokmach orrtatyenet ñeñth atarr sherbets Yomporekop amachña xha kaxhpoeñeto. Atthoña ñetpaꞌ eꞌñe ateth penet ñerraꞌm narmets ñeñth atarr aton ellomhreꞌtyets.

San Lucas 8:7

Poꞌpotantañña poeretspaꞌ alla xhapyes allchaꞌ chepares aj. Allpaꞌxhoꞌ mameshapaꞌ chepareswañpaꞌ ajñapaꞌ mameshapaꞌ ateshaꞌtwa alla kaꞌmatwerranña narmets alla aꞌkllatwer.

Efesios 2:10

Tharraña Yomporpaꞌ oꞌ etserrataterrnay yokthaphña allochñapaꞌ atthoch eꞌñe kowen es yephaꞌyen. Poꞌñoxh eꞌñe yeparrokmateñoth Cristo, Yomporñapaꞌ oꞌ etserra yexhkaterrey. Tharroꞌmar ñapaꞌ amaꞌt awathotheñpaꞌ ateth kothapeꞌcheꞌth yokop atthochña yapaꞌ eꞌñepaꞌchña kowenareꞌ es yephaꞌyen.

Colosenses 1:10

Allochñapaꞌ oꞌch eꞌñe seyxherr ñeñth ateth poktetsa allowenakop ñeñthey poeyochreshaꞌ pen Yepartseshar. Allochñapaꞌ atthochña eꞌñe sokshateñ. Eꞌñe attho es kowen sorrtatyenpaꞌ nanakchaꞌ kowenoth sesherbeñ. Alloꞌnepaꞌchña sesen eñotnomoeꞌ ñeñth ateth penaña Parets.

El Apocalipsis 13:9

Ñerraꞌm eseshaꞌ eꞌmhñoteneꞌ añ ñoñets, xhapoñepaꞌch poeyoxhro ñeñth ateth yexhateney añ ñoñets. Ñeñth ñoñetspaꞌ ateth oten:

El Apocalipsis 2:11

Ñeñth eꞌmhñoteneꞌ añ ñoñetspaꞌ xhapanetepaꞌch poeyoxhreto ñeñth ateth neñotatenanet na Nekamkëñoth ora allowen ñeñth pameꞌñeñothet xhokma apxhaꞌyenet allemeñ anetsoꞌmar. Ñeñth metanaꞌtweꞌ allowen paꞌnamen topateñtsoxhno, ñeñth ama nepoerramperrayo, ñetpaꞌ amaꞌt poesheñarrothetapaꞌ amach amñarethterreto koñcheñtso amaꞌt awatha. Ñetpaꞌ amach alla rromoerreterro poꞌpocheño.’ ” Arrpaꞌ allowa wañ ateth ot esmirnoꞌmarneshakop.

El Apocalipsis 2:7

Ñeñth eꞌmhñoteneꞌ añ ñoñetspaꞌ xhapanetepaꞌch poeyoxhreto ñeñth ateth neñotatenanet na Nekamkëñoth, ora allowen ñeñth pameꞌñeñothet xhokma apxhaꞌyenet allemeñ anetsoꞌmar. Ñeñth metanaꞌtweꞌ allowen paꞌnamen topateñtsoxhno, ñeñth ama nepoerramperrayo, ñetñapaꞌ napwerranetchaꞌ ñeñth noꞌpatatenanet ñeñthchaꞌ atarr yomhaꞌwerret eꞌñe poktakma Nomporesho, allpaꞌ eꞌñech kosheñtsoꞌtsenet. Ñeñthña napaꞌ oꞌch not, napaꞌ oꞌch nemnaterranet atthoch oꞌch tsomwerret añ tsach poeꞌmer alloch korraꞌwerret eꞌñe poktakma amach alla rromoerreteꞌthe amaꞌt awatha.’ ” Arrpaꞌ allowa wañ ateth ot efesoꞌmarneshakop.

El Apocalipsis 3:13

Ñeñth eꞌmhñoteneꞌ añ ñoñets xhapanetepaꞌch poeyoxhreto ñeñth ateth neñotatenanet na Nekamkëñoth ora allowen ñeñth pameꞌñeñothet apxhaꞌyenet allemeñ anetsoꞌmar.’ ” Arrpaꞌ allowa ñeñth ateth ot filadelfioꞌmarneshakop.

El Apocalipsis 3:6

Ñeñth eꞌmhñoteneꞌ añ ñoñets xhapanetepaꞌch poeyoxhreto ñeñth ateth neñotatenanet na Nekamkëñoth ora allowen ñeñth pameꞌñeñothet xhokma apxhaꞌyenet allemeñ anetsoꞌmar.’ ” Arrpaꞌ allowa ñeñth ateth ot sardisoꞌmarneshakop.