San Lucas 8:54 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵⁴ Allempoña Jesúspaꞌ rremotaꞌtosan shopsheshañ potothpaꞌ poꞌwamenkokma otos: —Oꞌch nesñe notoseph, theꞌpaꞌ xhopha tanterrtsa.

San Lucas 8:54 Iomraidhean Croise

San Mateo 9:25

Allempoña xhaꞌnmaxhaꞌtatwosan ñeñth shontetsa all, ñañapaꞌ beꞌthosos oꞌpono. Allempoña Jesúspaꞌ rromotaꞌtosan shopsheshañ pototh ñañapaꞌ xhepaꞌtchaꞌ tanterrtsa.

San Marcos 1:31

Allempoña Jesúspaꞌ ponmosana atsnañethpaꞌ rremotaꞌtos potothpaꞌ xha echantoseꞌ xha metwerretsña attho woraten. Allempoña oꞌ metwa poꞌwrateñapaꞌ allentha tanta oꞌ agapapanet eꞌñe kowen oꞌ yemaꞌtapanet.

San Marcos 8:23

Allempoña Jesúspaꞌ echaꞌnman aporoꞌyeth potothpaꞌ anemh aꞌyeneth all ama eñalle pokoll. Allñapaꞌ aꞌyaklleꞌchos paꞌsnemo, atthoña aꞌphllaklleꞌchos, allñapaꞌ ateth och: —¿Amaꞌt koñeꞌthapaꞌ amaꞌt oꞌ pento?

San Marcos 9:27

Jesúsñapaꞌ allentha cheteꞌ potothpaꞌ oꞌ tantach, cheshaꞌñapaꞌ xha therrets eꞌñe kowen.

San Lucas 8:51

Allempoñapaꞌ awanmoet Jairopawo. Xhapoet pokollo allñapaꞌ alloꞌtsaꞌyen shonteꞌ acheñeneshaꞌ all yawanrrortenet, yaꞌnaꞌteñet arromñath. Jesúsñapaꞌ otosanet: —Amach atarr seyawatsto. Añ shopsheshaꞌpaꞌ amakaꞌye xhoyeꞌ rromoeno xhakaꞌye moen. Ñetña pachmhareꞌteñothetpaꞌ attha cheꞌtatsetyesapet tharroꞌmar ñetpaꞌ eꞌñekaꞌye eñoteñet xhokaꞌye rromoen. Allempoña Jesúsñapaꞌ ama moenatano allowen acheñeneshaꞌ oꞌch beꞌthoset alloꞌtsen arromñath. Ñapaꞌ aña moenat Pedro ñamha Juan, ñamha Jacobo ñamha arromñath poepapar ñamha pachor ñeñthaña epoet beꞌthosxhaꞌtoset alloꞌtsen arromñath.

San Lucas 8:55

Eꞌñe otweꞌ atethpaꞌ allenthepaꞌtchaꞌ oꞌrrerrerra xha tanterrtsa. Jesúsñapaꞌ otanet: —Theꞌpaꞌ oꞌch serratallmeꞌcher.

San Juan 11:43

Ñeñtha otwapaꞌ allempoñapaꞌ rrana womenkpaꞌ ateth ot: —¡Lázaroñe, theꞌpaꞌ oꞌch notaph petantena, pexhaꞌnen!

San Juan 5:21

Ñewa, yeñoteñ Apapaꞌ tantaterran arromñatheneshaꞌpaꞌ apoerranet allochña ñetpaꞌ korretsetach. Napaꞌxhoꞌña eꞌñekaꞌye ateth nepenaña namha ñeñthen Poechemeren. Ñerraꞌm erraꞌtsenchaꞌ nemnaꞌ na oꞌch napanet allochña ñetpaꞌ korretsetach atethchaꞌkaꞌye napoerranet.

Los Hechos 9:40

Pedroñapaꞌ moeñwanet allowenet aꞌyeneth. Oꞌ moeñwanet aꞌyenethpaꞌ oꞌ konkorposa, oꞌ maꞌyocha. Maꞌyochwapaꞌ oꞌ poetallsa arromñatheshonethpaꞌ ateth och: —Oꞌch, Tabita, notaph, petanterra. Allempoñapaꞌ akwerrocheꞌ. Oꞌ enterran Pedropaꞌ xha anerrets.

Romanos 4:17

Amaꞌt Yompor poꞌñoño ñeñth ateth anwareth awathotheñpaꞌ all orrtena ñeñth ateth Yomporpaꞌ otan awath Abraham, ñeñthpaꞌ ateth ocheꞌth: “Shonteꞌ paꞌnamen acheñpaꞌ ñetñapaꞌ pomporchaꞌ phowerrpet. Añpaꞌ eꞌñe na ateth oꞌ nephonaph.” Ñeñthoꞌmar yeñoteñ Abraham eꞌñe poeyemteñoth Yomporpaꞌ ateth eñcheꞌth Yompor ñapaꞌ pomporchaꞌ per shonteꞌ paꞌnamen acheñ. Ñeñthñapaꞌ ñeñthara Yompor ñeñth nanak awamenkath ñeñth eñoteneꞌ oꞌch tantaterran amaꞌt ñeñth rromoets, ñamha ñeñth eñoteneꞌ eꞌñe poꞌñoñothpaꞌ oꞌch orrtatan amaꞌt ñeñth ama eñalle theꞌ.