San Lucas 8:51 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

^51-53 Allempoñapaꞌ awanmoet Jairopawo. Xhapoet pokollo allñapaꞌ alloꞌtsaꞌyen shonteꞌ acheñeneshaꞌ all yawanrrortenet, yaꞌnaꞌteñet arromñath. Jesúsñapaꞌ otosanet: —Amach atarr seyawatsto. Añ shopsheshaꞌpaꞌ amakaꞌye xhoyeꞌ rromoeno xhakaꞌye moen. Ñetña pachmhareꞌteñothetpaꞌ attha cheꞌtatsetyesapet tharroꞌmar ñetpaꞌ eꞌñekaꞌye eñoteñet xhokaꞌye rromoen. Allempoña Jesúsñapaꞌ ama moenatano allowen acheñeneshaꞌ oꞌch beꞌthoset alloꞌtsen arromñath. Ñapaꞌ aña moenat Pedro ñamha Juan, ñamha Jacobo ñamha arromñath poepapar ñamha pachor ñeñthaña epoet beꞌthosxhaꞌtoset alloꞌtsen arromñath.

San Lucas 8:51 Iomraidhean Croise

San Marcos 14:33

Allñapaꞌ aña anmos Pedro ñamha Jacobo ñamha Juan. Jesúsñapaꞌ amaꞌt mameshapaꞌ ama eñmateno poeyoxhro, xha nanak allpatena.

San Lucas 6:14

Ñeñth llesensaꞌ ñeñthpaꞌ añexhno: Simón ñeñth socherr Pedro, allothpaꞌ ñamha paꞌmoꞌnasheñ Andrés, allothpaꞌ Jacobo ñamha paꞌmoꞌnasheñ Juan, allothpaꞌ Felipe, ñamha Bartolomé,

San Lucas 8:50

Jesúsña amaꞌt eꞌman ateth otoset Jairopaꞌ ñañapaꞌ ateth otan Jairo: —Phapaꞌ amach xha peꞌcharrtatatsto peyoxher, nachña eꞌñe peyemta atthoch korrerraña peseñ.

San Lucas 9:28

Allempo met allponmat ñatoꞌ poꞌpsokmatño Jesúspaꞌ awanman poeyochreshaꞌ; añ anem Pedro ñamha Juan ñamha Jacobo. Arr anmanet aspentho allchaꞌ maꞌyochenaꞌ Jesús.

Los Hechos 9:40

Pedroñapaꞌ moeñwanet allowenet aꞌyeneth. Oꞌ moeñwanet aꞌyenethpaꞌ oꞌ konkorposa, oꞌ maꞌyocha. Maꞌyochwapaꞌ oꞌ poetallsa arromñatheshonethpaꞌ ateth och: —Oꞌch, Tabita, notaph, petanterra. Allempoñapaꞌ akwerrocheꞌ. Oꞌ enterran Pedropaꞌ xha anerrets.