San Lucas 8:5 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵ —Ñeñthña aꞌparreneꞌ poerets ñañapaꞌ awoꞌ allchaꞌ aꞌparreꞌtyenanaꞌ poepoer. All aꞌparreꞌtyeñ patantaꞌtetsñapaꞌ alla xhapyes thoñoꞌmar, ñeñthñapaꞌ attha athmamaꞌtyes acheñeneshaꞌ. Allñapaꞌ waxhaꞌtyesa ñamha oth eꞌñe añyallmeꞌchwenanaꞌ poerets.

San Lucas 8:5 Iomraidhean Croise

San Mateo 13:37

Ñañapaꞌ ateth otanet: —Ñeñth nareꞌteneꞌ eꞌñe kowen poeretspaꞌ ñeñthpaꞌ nakaꞌye Ñeñthen Acheñetosets.

San Mateo 5:13

‘Sapaꞌ ñeñthes nameꞌñenaya añ netmaꞌntatensa ateth ñerraꞌm pos ñeñth atarr sherbeneꞌ allowen acheñeneshaꞌ arr patsro. Tharraña pospaꞌ ñerraꞌm oꞌch wañerr poꞌposerrteña amach errothenoth ellopaꞌ yaꞌposerrtatere. Allempopaꞌ oꞌwañchaꞌ es sherbhaꞌ acheñeneshakop; añekpach sherberr oꞌch yewaporeꞌch aꞌyo allchaꞌ athmamaꞌch acheñeneshaꞌ.

San Marcos 4:15

Añ poerets ñeñth xhapyets thoñoꞌmar ñeñthpaꞌ añ notenes acheñeneshaꞌ ñeñth eꞌmhñotenayeñ Yompor poꞌñoñ. Allempo eꞌmhñotwetpaꞌ allorokmach wapa oneñeth oꞌch alla poerratamperranet Yompor poꞌñoñ amaꞌt allpon ñeñth eñotetañ poeyoxhreto.

San Lucas 8:4

Allemhatheñ anetsoth waxhaꞌtyena acheñeneshaꞌ ñeñth xhaxhets Jesúsesho. Allempoñapaꞌ oꞌ xha shontoset nanak, Jesúsñapaꞌ serrpareꞌtatapanet, ateth tomaꞌntatapanet:

San Lucas 8:6

Poꞌpoñexhnoñapaꞌ alla xhapyes mapoetroꞌmesoꞌmar. Ñeñthñapaꞌ mameshapaꞌ chepareswañ, tharraña mameshapaꞌ alla weyaꞌwerra tharroꞌmar all mapoetroꞌmesopaꞌ ama eñalle amaꞌt koñeꞌtha oñ ñeñthchaꞌ aꞌyamosamphseꞌ narmets ñeñth oꞌ chepareswa all.

Hebreos 2:1

Theꞌpaꞌ attho oꞌ yeñoterrñañ Yompor Poechemer attho atarr nanak partsoten ñeñthoꞌmarepaꞌchña theꞌpaꞌ elloch yemaꞌyoxhrerra oꞌch yeꞌmhñoter eꞌñe poktakma ñeñth attho oꞌ yeꞌmoerrñañ poꞌñoñ. Yeꞌmhñoterrepaꞌchña eꞌñe kowen theꞌt akophotheñpaꞌ ñatoꞌrraña oꞌtheꞌ alla yepserrñañ ñeñth ateth oꞌ yexhaterrey Yompor Poechemer.