San Lucas 8:48 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴⁸ Jesúsñapaꞌ ateth otan koyaneshaꞌ: —Phapaꞌ nesñeshachaꞌ attho atarr peyemtenna na atthoña theꞌpaꞌ oꞌ eꞌñe naꞌkrratnomoeph. Theꞌñapaꞌ oꞌch awerreph eꞌñe peñmañeshaꞌ.

San Lucas 8:48 Iomraidhean Croise

San Mateo 12:20

Amaꞌt ñeñth moeroxhetyetsapaꞌ ñapaꞌ eꞌñech moererranet. Ñeñthpaꞌ atethchaꞌ netmaꞌntacha ñerraꞌmrratheꞌ amaꞌt poecharra choꞌneꞌch tsopaꞌneꞌpaꞌ ñañapaꞌ amach xha aꞌmeyatere. Ñamha ñerraꞌm lampareñ xha moeneꞌ mayen ñeñthpaꞌxhoꞌña amach emayatere. Ñapaꞌ amach xha es amhchaꞌnoxhtanaꞌtyerro, tharraña esempowañenpaꞌ eꞌñech attha aꞌmchechatwerran ora allowen ñeñth ama pokteyeꞌ enteno Yompor.

San Mateo 8:13

Allempoña Jesúspaꞌ alla oterranerr capitán: —Theꞌpaꞌ oꞌch awerreph pepakllo, eꞌñe attho atarr peyemtennapaꞌ atthetepaꞌch phokop. Poeñañrañapaꞌ eꞌñe allempokma korrerra.

San Mateo 9:2

Allñapaꞌ wapatamphsoñet echarrtaña, poecheknapeꞌna. Jesúsñapaꞌ eñotapanet ñetpaꞌ atarr nanak yemteñet. Allempoña ñapaꞌ otapan echarrtaña: —Xhochña neyochre phoksherra tharroꞌmar theꞌ ñeñth phoꞌchñarpaꞌ aphretnaꞌwarethterra.

San Mateo 9:22

Allempo attho aꞌphllaꞌwoñ paꞌshtampaꞌ Jesúsña allentha poetallerra paꞌcheꞌñonethpaꞌ entan koyaneshaꞌ, ñeñthpaꞌ ateth och: —Xhoña nesñeshachaꞌ phoksherra tharroꞌmar attho atarr peyemtenna na, atthoña theꞌpaꞌ oꞌ eꞌñe naꞌkrratnomoeph. Koyaneshaꞌñapaꞌ allorokma korrerra.

San Marcos 5:34

Jesúsñapaꞌ ateth otapan koyaneshaꞌ: —Phapaꞌ nesñeshachaꞌ attho atarr peyemtenna na, atthoña theꞌpaꞌ oꞌ eꞌñe naꞌkrratnomoeph. Theꞌñapaꞌ oꞌch awerreph peñmañeshaꞌ, tharroꞌmar amach alla moeroxhtaterrperro atsnañets.

San Lucas 17:19

Allempoña Jesúspaꞌ ateth otan ñeñth aꞌkrraterr: —Theꞌñapaꞌ oꞌch petanterra, eꞌñech kowen peserr tharroꞌmar phapaꞌ eꞌñe peyemteñothen na oꞌ phokrrerra.

San Lucas 18:42

Jesúsñapaꞌ alla otererr: —Pekwerrepaꞌch, tharroꞌmar attho atarr peyemtapna na ñeñthkaꞌyeña oꞌ eꞌñe aꞌkrraterreph.

San Lucas 7:50

Jesúsñapaꞌ alla oterranerr koyaneshaꞌ: —Phapaꞌ attho atarr peyemtenna ñeñthña oꞌ aꞌkeshphaterreph. Theꞌñapaꞌ oꞌch awerreph eꞌñe peñmañeshaꞌ.

San Lucas 8:47

Koyaneshaꞌña allempo ñapaꞌ eñotena amach errothenoth aꞌnasoto. Ñapaꞌ xha paꞌshmoena poeyorñoth konkorposa Jesús paꞌrrphoth. Allñapaꞌ eꞌñe aꞌmethaꞌwosan ñapaꞌ añekopña aꞌphllenan Jesús paꞌshtam atthoch korrerra eꞌñe kowen. Allñapaꞌ ateth otan allowen acheñeneshaꞌ: —Na allempo naꞌphlloñ Ayochreshath paꞌshtampaꞌ ñeñthña naꞌkrraterreꞌ allorokma.

Los Hechos 14:9

Allña anenpaꞌ alla eꞌmhñotenan ateth serrpareꞌten Pablo. Pabloñapaꞌ koweꞌ allapaꞌ oꞌ eñoch añ acheñpaꞌ oꞌ yemtana Yompor ñapaꞌ oꞌch aꞌkrrater.

2 Corintios 6:18

Allochña sapaꞌ atthochña eꞌñe Sompor seperren na, napaꞌxhoꞌña oꞌch nechemereshaꞌ nephowerres amaꞌt ñamha allowen nesñeneshowen. Ñeñthpaꞌ ateth ot Yompor ñeñth nanak partsotets.

Hebreos 4:2

Tharroꞌmar ñeñth athpareꞌtayeꞌth all amayopaꞌ aserrpareꞌtatarethtetañña kowen ñoñets Yomporeshoth tharraña ama wenetoña pathparñet tharroꞌmar amaꞌt eꞌmetañpaꞌ ama eseshayeꞌ ameꞌñaꞌpawoyeꞌ entaye. Yapaꞌxhoꞌña oꞌ serrpareꞌtaterryet yamha kowen ñoñets Yomporeshoth.