San Lucas 8:42 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴² tharroꞌmar neseñ ñeñth nepathrrorpaꞌ xha atsnaꞌten oꞌ aꞌpoꞌntsaꞌmocha. Ñewa, ñeñth poꞌseñpaꞌ allpontheꞌ echenan poꞌcharña xharraꞌ poechena epa char.

San Lucas 8:42 Iomraidhean Croise

San Marcos 5:24

Jesúsñapaꞌ allentha kothaꞌner, allentha kothaꞌwanemh ñamha shonteꞌ acheñeneshaꞌ xha emchorratseꞌtnomet, xha toꞌmamaꞌtneñet.

San Lucas 7:12

Oꞌ xhapmochet all allothekma beꞌthenet atthoch xhapoet anetso. Allothñapaꞌ xhaꞌnmaxhaꞌtos ñeñth aneneꞌ arromñath, oꞌch pampoeñetaꞌ. Arromñathñapaꞌ asheñorr ñeñth eꞌñe poꞌpathrror pen pachor. Pachorñapaꞌ rrethorrnaneshaꞌ. Shonteꞌ acheñ ñeñth alloꞌmarneshaꞌ ñeñth llekapretnenaya rrethorrnaneshaꞌ all kothaꞌneñet.

San Lucas 8:41

Allempoña allpaꞌ wapoña poesheñarr amhchaꞌtareth añ paꞌsoꞌcheñ Jairo. Ñapaꞌ ñeñth poesheñarr ñeñth amhchaꞌtarethtetsa judioneshaꞌ poꞌprawo. Ñañapaꞌ alla rromosa Jesús paꞌtkothpaꞌ ateth otosan Jesús: —Napaꞌ nemneñ oꞌch phoktherren nepakllo,

San Lucas 8:43

Allempo kothaꞌner Jesús kothaꞌwaner ñamha shonteꞌ acheñeneshaꞌ xha emchorratseꞌtnomet, xha toꞌmamaꞌtneñet. Allñapaꞌ kothaꞌnmanet ñamha poesheñarr koyaneshaꞌ ñeñth atsnaꞌtets. Xharraꞌ poechena epa char ñeñth attho xhokma yellaꞌyena. Amaꞌt epayeꞌ partata oꞌ aꞌgastaꞌwawan poꞌkhllayor attho parteñet amaña eseshayeꞌ aꞌkrraterraye.

San Lucas 8:45

Jesúsñapaꞌ ateth otanet: —¿Eseshaꞌtña oꞌ aꞌphllaꞌnmoenña neshtamoth? Ama eseshayeꞌ eñoratso. Pedroña ñamha ñeñth epoet yemtena, ñetñapaꞌ ateth ochet Jesús: —Maestrochaꞌ phapaꞌ penteñtheꞌ shonteꞌ acheñeneshaꞌ ñeñth allothemeña petoꞌmamaꞌtneneꞌ. ¿Esoꞌmareꞌtña photenña eseshaꞌtheꞌ phaꞌphlleneꞌ peshtamoth?

Romanos 5:12

Awath poesheñarr yakma ñeñth paꞌsoꞌcheñ Adánpaꞌ awoꞌt orrtatan athpareꞌteñets añe patsro Yomporekop. Ñeñthoꞌmarña allempotheñ alloweney ñeñthey acheñeypaꞌ eꞌñe atthekma yephowa. Ñamha allempopaꞌ awoꞌt anarethta atthoch yoꞌchñarothpaꞌ oꞌch yerroma. Ñeñthoꞌmarña alloweney ñeñthey acheñeypaꞌ oꞌpatwaya rromoeñets tharroꞌmar alloweneypaꞌ ñeñtha yeñot ñeñth ateth pha ñanom yamoꞌmteꞌ Adán.