San Lucas 8:37 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁷ Allempoña allowen acheñeneshaꞌ ñeñth yexhaꞌyetsa all ñeñth gadaroꞌmarneshaꞌ ñetñapaꞌ poeyorñothet ateth otoset Jesús: —Theꞌpaꞌ oꞌch awerreph arroth. Allempoña Jesúspaꞌ aꞌterr noñtho oꞌch awerr.

San Lucas 8:37 Iomraidhean Croise

San Mateo 8:34

Allenthepaꞌtchaꞌ awanmaña allowen anetsoꞌmarneshaꞌ awoꞌch enteñetaꞌ Jesús. Ñetña entoset Jesúspaꞌ ateth otoset: —Theꞌpaꞌ oꞌch awerreph arroth, yenyoth.

San Marcos 5:17

Allempoña acheñeneshaꞌ ñeñth yexhetsa allpaꞌ ateth ochet Jesús: —Theꞌpaꞌ awerreph arroth yenyoth.

San Lucas 10:16

Jesúsña allempo ama senaꞌ poeyochreshaꞌ oꞌch serrpareꞌtyenetaꞌ anetsoꞌmar ñañapaꞌ alla oterraneterr: —Ñerraꞌm eseshaꞌch seꞌmhñotapoeꞌ sa, naꞌnaña eꞌmhñotenet. Tharraña ñerraꞌm eseshaꞌch ama sagapaye sa, naꞌnaña ama agëneto. Ñamha ñerraꞌm eseshaꞌ ama moeno oꞌch agapnet na, Nomporeꞌnaña ama moeneñeto oꞌch agapet tharroꞌmar ñapaꞌ ña nellsenseneꞌ. Arrpaꞌ allowa ñeñth ateth otan poeyochreshaxhno ñeñth kanxhrroch xharrasheña. Allempoñapaꞌ moeñanet allchaꞌ serrpareꞌtatyesnomoet.

San Lucas 5:8

Allempoña ateth eñch Simón Pedro ñañapaꞌ pomaꞌyorñekma ponmana Jesús, konkorposa paꞌrrphoth, all otos: —Amach Partseshachaꞌ alloꞌna peyemtatsetnenno tharroꞌmar napaꞌ ñeñthen atarr ochñathen.

San Lucas 8:36

Añña ñeñth enteneꞌ Jesús attho kaxhpatatenan oneñeth acheñ, ñetñapaꞌ allentha serrpareꞌtatapet ñeñth waxhaꞌttsa anetsoth.

San Lucas 8:38

Yakmaña ñeñth chorreꞌth oneñeth ñañapaꞌ allentha otan Jesús: —Napaꞌ nemneñkaꞌye theꞌpaꞌ oꞌch noktherreph. Tharraña Jesúsñapaꞌ ama moenache, ateth och:

San Lucas 9:5

Ñerraꞌm erra anetsro ñeñth alloꞌmarneshaꞌña ama kowenayeꞌ agapasetopaꞌ oꞌch semhterrerr ñamha alloth. Ñerraꞌm allempo semhterrerrña ñamha alloth ñeñthña setkoꞌtsaꞌyen pañeꞌteꞌ patspaꞌ xhoch sepaꞌshetkaꞌtyesnomña setak. Atthochña alloꞌmarneshaꞌpaꞌ oꞌch señotatnomanet ñetpaꞌ amakaꞌye pokteyeꞌ entenanetoña Yompor.

San Lucas 9:56

Na Ñeñthen eꞌñe Acheñetosetspaꞌ amakaꞌyeña añekop nowapo oꞌch naꞌchenkatos acheñeneshaꞌ. Napaꞌ añekopkaꞌyeña nowapa oꞌch naꞌkeshphatos allowen acheñeneshaꞌ. Allempoñapaꞌ oꞌ metaxhaꞌtet allothpaꞌ awanmoet poꞌpoñ anetso.

Los Hechos 16:39

Allempoña waxhaꞌtetpaꞌ enamarethterret peretneñets. Allempoña xhaꞌnmatenanetpaꞌ ateth otanet: —Theꞌpaꞌ orrerres, sawanerra bhaxhayo.