San Lucas 8:32 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³² Ñewa, allpaꞌ aꞌyentheꞌtsaꞌyen shonteꞌ chañchoxhno ñeñth rratseꞌtyets aspenthoneth. Ñeñthoꞌmarña oneñethexhnopaꞌ ateth otareꞌtapet Jesús: —Ñerraꞌm xhoch moeneꞌ errothen pephoseypaꞌ arrña pemñayeꞌchosey chañchesho allochñapaꞌ oꞌch yechorraꞌyererr ñamha chañchoxhno. Jesúsñapaꞌ allentha otanet: —Amaꞌtkaꞌye orraskaꞌye.

San Lucas 8:32 Iomraidhean Croise

San Mateo 7:6

Jesúspaꞌ ateth oterraneterr poꞌpoñ: —Ñeñth ama kexhpoenaye pachmhareñ ñamha pathpareñ amach alla seserrpareꞌtaterraneteꞌthe Parets poꞌkowenña. Tharroꞌmar ñetpaꞌ attha penet ñerraꞌmrratheꞌ ochek. Ñewa, ochek ñerraꞌm esempo amaꞌtchaꞌ atarr kowen yaphpaꞌ yaꞌnach rremaꞌpes xhach axhotaꞌteypaꞌ oꞌch shetsay. Ñamha amaꞌt ateth ñerraꞌm chañcho ñerraꞌm esempo es yenaꞌ ñesho amaꞌtchaꞌ atarr kowen yenten ya, yeser, chañchoñapaꞌ atthach athmamaꞌtamphsey tharroꞌmar chañchopaꞌ ama esoyeꞌ entenano amaꞌt ñeñth atarr kowen.

San Lucas 8:31

Ñewa, oneñethexhnoñapaꞌ ateth otareꞌtapet Jesús: —Amach arra pemñatstosye oꞌpono koñchaꞌpoetso.

San Lucas 8:33

Allempoña oneñethexhnopaꞌ kaxhpaꞌwaneret yakmapaꞌ, alla chorrereterr ñamha chañchoxhno. Chañchoñapaꞌ allempo chorrosya oneñethexhnopaꞌ xhepaꞌtchaꞌ matrraꞌtwa allowen ñegoneth shorxhaꞌtwos allothpaꞌ eꞌñe ñoꞌshrraꞌtwosa oño.

San Juan 19:11

Jesúsñapaꞌ ateth otererr: —Amach errothenoth pephaꞌnoñeña ñerraꞌm ama Yompor phapayñe llesens ateth. Ñeñthoꞌmarña ñeñth nepomoeꞌ peshopaꞌ ñetpaꞌ ello metanennapet phoꞌchñar.

1 San Juan 4:4

Saña poꞌñoxh nechemerneshachaꞌ eꞌñe poꞌñoxh Yomporenaꞌtares tharroꞌmar sapaꞌ ama aña seꞌmhñoteno attho paꞌnamenoth shekareꞌtyensetañ. Yompor Poekamkëñ ñeñth sechorrenayapaꞌ ñeñthña sapaꞌ atarr awamenkathtatenes. Ñeñthña chorrenaya añ patsoꞌmarneshaꞌpaꞌ ñapaꞌ ama eꞌñeyeꞌ awamenkathtatenaneto.

El Apocalipsis 20:7

Allempoch metwa añ mil charpaꞌ allempochña aꞌrroyeret oneñeth all ayottamphsarethtena mil charowa.