San Lucas 8:24 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁴ Attheña poeyochreshaꞌñapaꞌ ponemhyet Jesús all moenpaꞌ opoeret, ateth ochet: —Maestro, poꞌñoxhwachkaꞌye yokllaꞌwerratheꞌ. Jesúsña tanterrapaꞌ eꞌñe poꞌñoñotha aꞌmtsoññetwerran womenkëshaꞌ amaꞌt ñamha emoꞌyareꞌpaꞌ oꞌ eꞌñe aꞌmtsoññetwer. Atthoña ñetpaꞌ oꞌ alla eꞌñe kowen moechethtamperret.

San Lucas 8:24 Iomraidhean Croise

San Mateo 14:30

Chopeꞌchnomtsapaꞌ oꞌ kowaꞌnman womenkëshaꞌ ñeñth xha emoꞌyartatenan saꞌppaꞌ xha yoreꞌch. Xha yoreꞌchpaꞌ alla moeneꞌ eshaꞌta oño. Allñapaꞌ rranareꞌta ateth otan Jesús: —¡Phaꞌkeshphatosen Partseshachaꞌ!

San Mateo 8:25

Attheña poeyochreshaꞌñapaꞌ ponemhyet Jesús all moenpaꞌ opoeret ateth ochet: —¡Phaꞌkeshphatayeꞌchey Ayochreshathe poꞌñoxhwachkaꞌye yokllaꞌwerratheꞌ!

San Marcos 4:39

Jesúsña tanterrapaꞌ eꞌñe poꞌñoñotha aꞌmtsoññetwerran womenkëshaꞌ. Ñamha poꞌñoñotha aꞌmtsoñeñterran saꞌp ñeñth emoꞌyartetsa, ñeñthpaꞌ ateth ot: —¡Moechecherrepaꞌ, moetsoñeñterrepaꞌ! Eꞌñe otweꞌpaꞌ xha moechecherrtsaña womenkëshaꞌ. Atthoña ñetpaꞌ oꞌ alla moechethtamperret eꞌñe kowen.

San Lucas 4:35

Tharraña Jesúspaꞌ ama moenache oꞌch eñoranaꞌcha. Ñañapaꞌ ateth och: —Pemma, theꞌpaꞌ xhophaña kaxhpaꞌnerreꞌña añ acheñer. Oneñethñapaꞌ xha atanman yakmapaꞌ alla oꞌshsheꞌma eꞌñe all shontena allowen acheñeneshaꞌ. Allempoñapaꞌ oꞌ kaxhpaꞌner eꞌñe attha, ama erroth phaꞌnme.

San Lucas 4:39

Allempoña Jesúspaꞌ oꞌ ponmosana atsnañethpaꞌ xha aꞌwañamphsoseꞌña poꞌwrateña. Allempoña oꞌ metwa poꞌwrateñapaꞌ allentha tanta oꞌ agapapanet eꞌñe kowen oꞌ yemaꞌtapanet.

San Lucas 5:5

Simónñapaꞌ ateth och: —Yapaꞌ oꞌ Maestrochaꞌ eꞌñe yarepen thorratsa terrayats eꞌñe orrena amaꞌt parra kak ama yerrmoeñe. Theꞌña phakaꞌ noteneꞌ oꞌch alla neterrayerrerr amaꞌtpaꞌ atethchaꞌ nepha oꞌch alla neterrayerrerr.

San Lucas 8:25

Allempoña Jesúspaꞌ otanet: —Esoꞌmareꞌtña sapaꞌ ama eꞌñeyeꞌ seyemtenno. Ñetñapaꞌ xha atarr nanak yorenet. Attha kowanrrorteñet ñetñapaꞌ ateth otannaꞌtyeset: —Taꞌmkaꞌye añ acheñerpaꞌ esonaꞌtartheꞌkaꞌye. Atarrepaꞌt es aꞌmchechaten, amaꞌt poꞌñoñothapaꞌ aꞌmchechaterran womenkëshaꞌ amaꞌt ñamha emoꞌyareꞌ oñ.