San Lucas 8:2 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

² Allñapaꞌ kothaꞌwanemh ñamha patantarr koyaneshaxhno ñeñth aꞌkrratyeswa Jesús awañmoꞌcha, poesheñaꞌtetspaꞌ ñeñth kaxhpatatyerr oneñeth ñeñth chorraweteꞌth, poꞌpsheññexhnopaꞌ ñeñth aꞌkrratyes ñeñth paꞌnamen atsnañtsor moeroxhtatyesaweteꞌth. Poesheñarr koyaneshaꞌ ñeñthpaꞌ añ paꞌsoꞌcheñ María Magdalena. Ñeñth Maríarpaꞌ Jesúsñapaꞌ poekaxhpatataroñ kanxherr oneñeth.

San Lucas 8:2 Iomraidhean Croise

San Mateo 4:24

Attheñapaꞌ eꞌmareꞌtwet errapharen amaꞌt Sirioꞌmar. Wapatyesoñet allowen ñeñth moeroxhtatyen atsnañets. Wapatyesoñet ñeñth osyen paꞌnamen atsnañets ñamha ñeñth atserrphañaxhno. Wapatyesoñet ñamha ñeñth chorraꞌyena oneñeth ñamha ñeñth othañaxhno ñamha echarrtañaxhno. Allowenetpaꞌ ñañapaꞌ eꞌñe aꞌkrratyeswerranet.

San Marcos 16:1

Oꞌña wañ yeth allempo amesenet, María Magdalena ñamha Salomé ñamha poꞌpsheñeñ María ñeñth Jacobo pachor, ñetñapaꞌ rañthaꞌyesnenet eñmosath ñeñthchaꞌ anmaꞌmoenet tsapath Jesús poepampro alloch aꞌyanaꞌteretaꞌ amaꞌt rromotha.

San Marcos 16:9

Ñewa, awathekma tanterra Jesús añe yethro allempo mothtaꞌmoenerr yethñats temenk. Allempo tanterrapaꞌ añ ñanom orrterra María Magdalena. Ñeñthña Maríapaꞌ kanxherrsheña oneñeth ñeñth chorrayeꞌth Jesúsñapaꞌ eꞌñe kexhpatamphsatwer.

San Lucas 23:27

Allñapaꞌ kothaꞌwanemh shonteꞌ acheñeneshaꞌ, shonteꞌ koyaneshaxhno ñeñth atarr yaꞌnaꞌtneneꞌ Jesús chentaꞌ, atarr gogaretyesnenet poellkëñothet.

San Lucas 23:49

Allowen ñeñth atarr yemtayeꞌth Jesús awañotheñ ñamha allowen koyaneshaxhno ñeñth kothaꞌwanmoeꞌ Galileoth awañotheñ, ñetñapaꞌ alla thomxhaꞌtyenet aꞌyeneth alloth attha kowanrrorteñet ñamet.

San Lucas 23:55

Ñeñthña koyaneshaxhno ñeñth atarr yemtenaya Jesús ñeñth kothaꞌwanmoeꞌ awañotheñ Galileoth, ñetñapaꞌ kothaꞌwanmet all pampoeñetaꞌ atthoch eñchet allchaꞌ neret Jesús.

San Lucas 8:30

Jesúsñapaꞌ alla oterranerr ñeñth chorrena oneñeth: —Phapaꞌ ¿esoꞌtña pesochena? Ñañapaꞌ ateth oterranerr Jesús: —Napaꞌ añ nesoꞌcheñ Legión. Ñewa, añ soꞌchñets ñeñth otenet shonteꞌ nanak, tharroꞌmar ñeñth nanak patoner oneñeth ñeñth chorrenaya.

San Juan 19:25

Allña eꞌñe allameꞌtets Jesús poꞌkorsochopaꞌ all thomxhen koyaneshaꞌ. Alloꞌtsen pachor, ñamha pachor paꞌmoꞌnerr, ñamha poꞌpsheñeñ María ñeñth Cleofas poethapor, ñamha María Magdalena.

Los Hechos 1:14

Allña apxhenetpaꞌ eꞌñe ñeñtha neteꞌth poeyoxhro kowen ñoñets. Allothpaꞌ eꞌñe pomaꞌyoxhreñothet kowenpaꞌ xhokma maꞌyocheteꞌth. Alloꞌtsen ñamha koyaneshaxhno, amaꞌt Jesús pachor María, ñamha paꞌmoꞌnasheñneshaꞌ alloꞌtsenet ñamet.