San Lucas 8:15 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁵ Ñamha añ poerets ñeñth xhapyesets eꞌñe kowen patso ñeñth eꞌñe kowen cheparsatspaꞌ ñeñthña tomaꞌntenaya poꞌpotantañ acheñeneshaꞌ ñeñth eꞌmhñoteneꞌ Yompor poꞌñoñ. Ñetñapaꞌ attho ameꞌñeññañet Yompor poꞌñoñ amach poesereto xhoch eñochet poeyoxhreto atthoch eꞌñe kowen maꞌyoxhroñet Yompor poꞌñoñ. Xhokmach orrtatyenet ñeñth atarr sherbets Yomporekop amachña xha kaxhpoeñeto. Atthoña ñetpaꞌ eꞌñe ateth penet ñerraꞌm narmets ñeñth atarr aton ellomhreꞌtyets.

San Lucas 8:15 Iomraidhean Croise

San Mateo 24:13

Tharraña amaꞌtchaꞌ errothwanen apharethterret, eseshaꞌch eꞌñe awantaꞌwanmoeꞌ ñeñthchaꞌ ama nekexhpoerraye, ñeñthñapaꞌ ñeñthchaꞌña aꞌkeshphatarethterrtsa.

San Lucas 11:28

Jesúsñapaꞌ ateth och: —Elloña allowenetpaꞌ atarr kosheñtsoꞌtsaꞌyenet ñeñth poeꞌmhñoteñothet Yompor poꞌñoñ eꞌñe ateth phowenet.

San Lucas 6:45

Amaꞌt erraꞌtsena acheñer ñeñth eꞌñe poꞌñoxh kowen, ñapaꞌ añchaꞌña orrtaten ñeñth eꞌñe kowenareꞌ kothapeꞌchen poeyoxhro tharroꞌmar poeyoxhro allña shonteꞌ kothapeꞌchenan ñeñth kowentetsa. Tharraña poꞌpoñ acheñer ñeñth poꞌñoxh ama kowenayaye, ñapaꞌxhoꞌña añach orrtaten ñeñth ateth kothapeꞌchen poeyoxhro ñeñth ama kowenayaye tharroꞌmar poeyoxhro allña shonteꞌ paꞌnamen kothapeꞌchenan sosyaꞌtsañ. Tharroꞌmar ñerraꞌm shonteꞌ yokthapeꞌchen yeyoxhro ñeñth kowentetsa, ñeñthpaꞌ eꞌñech ñeñtha kowen yeserrpareꞌten. Tharraña ñerraꞌm shonteꞌ yokthapeꞌchen ñamha yeyoxhro ñeñth ama kowenayayepaꞌ ñeñthpaꞌxhoꞌña eꞌñech ñeñtha yemnen oꞌch yeserrpareꞌteñ.

San Lucas 8:14

Ñamha poerets ñeñth xhapyesets ajmoꞌmar, ñeñthpaꞌ añ netmaꞌntatena poꞌpotantañ acheñeneshaꞌ ñeñth eꞌmhñotenayeñ Yompor poꞌñoñ. Amaꞌtchaꞌ xhapanetañ mameꞌ poeyoxhreto, tharraña ñetpaꞌ alloꞌnach senet aña atarr kothapeꞌchenet ñeñth llekaꞌyenet arr patsro ñeñth eꞌñe ñokpoeta. Añach moenenet oꞌch esokmañen es echyenet atthoch allo eꞌñe koshaꞌyenet. Atthoña ñetpaꞌ amach errothenoth orrtatoñeto ñeñth atarr sherbets Yomporekop. Ñetpaꞌ eꞌñe attheta ñerraꞌm narmets ñeñth xha kaꞌmatwerr ajmaꞌ amach errothenoth ellomhreꞌtyeseto.

San Lucas 8:16

Jesúspaꞌ alla tomaꞌntaterraneterr poꞌpoñoneth; ñeñthpaꞌ ateth otanet: —Ñerraꞌm esempo yaꞌllchaten lampareñ ñeñthpaꞌ ama añekpayeꞌ yaꞌwortateñe oꞌch alla yeꞌrramamper koymho. Ñamha ama añekpayaye oꞌch alla yener oꞌponoth yemayephnaxho. Añekopña yaꞌwortatenña lampareñ oꞌch yeneꞌ enoneth atthoch xhoyoꞌtampeswan allowen acheñ ñeñth beꞌthosxhets oꞌpono pokollo.

San Juan 14:15

‘Ñerraꞌm sa poꞌñoxh semorrentennatheꞌpaꞌ oꞌch sameꞌñerrnana neñoñ ñeñth ateth notenes.

San Juan 15:10

Ñerraꞌm sameꞌñennana neñoñ ñeñth ateth notenes eꞌñech señotenen napaꞌ atarr nemorrentensa. Ateth nepena na eꞌñe nameꞌñeññaña Nompor poꞌñoñ ñeñth ateth otenen, ñeñthoꞌmarña napaꞌ eꞌñe neñoteñ ñapaꞌ atarr morrentenna namha.

Romanos 2:7

Ñerraꞌm xhokma yokthapeꞌchen eꞌñe kowen Yomporekop, ñamha ñerraꞌm xhokma yoktheññañ poꞌkowenña, ñamha ñerraꞌm añ yeꞌnen atthoch ñapaꞌ eꞌñech kowen entwerrey, ñamha atthoch apwerreychaꞌ ñeñth alloch yokrrerra errponowañen, allempoña poꞌñoxhpaꞌ apwerreychaꞌ atthoch yapaꞌ korretsayach yoksheñeshokmañen thayothen eꞌñe errponañowen.

Romanos 6:22

Tharraña theꞌpaꞌ oꞌwañchaꞌ alla tarwasaterryerr yoꞌchñar. Añchaꞌña yethorrateneꞌ Yompor poꞌtarwas atthoch yesherbeñ. Allochñapaꞌ ñach yetsaꞌtenaya alloch yaꞌkowentatarethterra eꞌñe kowen ñokop añe patsro. Allochñapaꞌ atthochña apwerrey allochña yapaꞌ korretsayach yoksheñeshokmañen thayotheñ errponañowen.

Romanos 7:18

Napaꞌ neñotena eꞌñe attha eñalletñan, neyoxhroñapaꞌ ama eñalle atthoch kowen enten Yompor, amaꞌt koñeꞌtha. Amaꞌt nemneñeñ oꞌch ateth nephañ ñeñth eꞌñe kowen enten Yompor, tharraña ama erroth nepeñe ateth phatsa ñeñth ateth kowentetsa.

Romanos 7:4

Ñeñthoꞌmarña oꞌch, masheñnesha ñamha noxhanesha, notas, yapaꞌxhoꞌña oꞌwañchaꞌ amhchaꞌnoxhtanaꞌtenya añ ñoñets ñeñth ateth anareth awath Moiséseshoth, tharroꞌmar ñeñthey oꞌ yameꞌñerrapaꞌ oꞌ yerromapretera Cristo. Ñeñthoꞌmarña theꞌpaꞌ eꞌñe pokteꞌ oꞌch yoꞌpatera poꞌpsheñeñ. Ñamha ñeñth oꞌ yoꞌpaterra theꞌ, ñeñthpaꞌ Cristo ñeñthara ñeñth tanterrtsa rromoth. Allochñapaꞌ atthoch yorrtatyen ñeñth eꞌñe kowen ateth moenen Yompor.

Romanos 8:25

Tharraña ñerraꞌm xhokma yeyemteña Yompor ñeñth ateth oteney yeñoteñ atethchaꞌña perrnay esempowañen. Ñewa, amaꞌt ama orrtenaꞌ, theꞌpaꞌ yeyemteñoth ñapaꞌ eꞌñepaꞌchña yoksheñeshokmañen yekweñ. Amachña xha yemoenmeꞌchatsche.

1 Corintios 7:19

Amaꞌt yaꞌtsorrarethtatstapaꞌ ñeñthpaꞌ ama es sherbeno. Ñamha amaꞌt ama yaꞌtsorrarethtatstopaꞌ ñeñthpaꞌxhoꞌña ama es sherbeno. Añña nanak sherbets oꞌch yepha ñeñth ateth oteney Yompor.

Efesios 2:8

Tharroꞌmar poꞌñoxh eꞌñe poemoereñothey Yomporñapaꞌ aꞌkeshphaterrey eꞌñe yeyemteñotha ña. Ama añotheyeꞌña aꞌkeshphaterrye attho eꞌñe kowenareꞌ es yephaꞌyen ya. Yomporpaꞌ eꞌñe attha aꞌkeshphaterrey.

Filipenses 1:11

Ora ateth nenamoennas Yompor sokoppaꞌ ateth noten, eꞌñe sameꞌñeñoth Jesucristo poktakmapaꞌ añepaꞌchña kowen ateth sephaꞌyen ñeñth nanak sherbets Yomporekop. Ñerraꞌm ateth yepenapaꞌ atthochña eꞌñe kowen yaꞌkshapretarethtena Yompor poꞌkowenña.

Colosenses 1:10

Allochñapaꞌ oꞌch eꞌñe seyxherr ñeñth ateth poktetsa allowenakop ñeñthey poeyochreshaꞌ pen Yepartseshar. Allochñapaꞌ atthochña eꞌñe sokshateñ. Eꞌñe attho es kowen sorrtatyenpaꞌ nanakchaꞌ kowenoth sesherbeñ. Alloꞌnepaꞌchña sesen eñotnomoeꞌ ñeñth ateth penaña Parets.

Colosenses 1:6

Ñeñthña kowen ñoñets ñeñth xhapats sesho ñeñthña theꞌpaꞌ allemeñ xhapyen, allpaꞌxhoꞌña nanak ameꞌñatenana shonteꞌ acheñeneshaꞌ. Allpaꞌ alloꞌna senet orrtatyeset ñeñth eꞌñe kowen enten Yompor. Ñetpaꞌ eꞌñe ateth penet ateth sepena samha. Sa poꞌñoxh allempo errtes eꞌmoerreꞌ Yompor poꞌñoñ attho ñapaꞌ atarr morrentenya, sañapaꞌ eꞌñe allempotheñ xhaponasa seyoxhro ñeñthña ñoñetspaꞌ eꞌñe poꞌñoxh Yomporo poꞌñoñ. Allempotheñña sapaꞌxhoꞌña alloꞌna sesen orrtatyesnomoeꞌ ñeñth eꞌñe kowen enten Yompor.

Hebreos 10:36

Theꞌ sapaꞌ aña sepalltena atthoch eꞌñe akopha saꞌwantaꞌwanom ñeñth atarr echarr sentyen, atthochña alloꞌnach sesen phaꞌyesnomoeꞌ ñeñth ateth moenen Yompor, atthochña Yomporpaꞌ apoerreschaꞌ ñeñth eꞌñe ateth otenes.

Hebreos 2:1

Theꞌpaꞌ attho oꞌ yeñoterrñañ Yompor Poechemer attho atarr nanak partsoten ñeñthoꞌmarepaꞌchña theꞌpaꞌ elloch yemaꞌyoxhrerra oꞌch yeꞌmhñoter eꞌñe poktakma ñeñth attho oꞌ yeꞌmoerrñañ poꞌñoñ. Yeꞌmhñoterrepaꞌchña eꞌñe kowen theꞌt akophotheñpaꞌ ñatoꞌrraña oꞌtheꞌ alla yepserrñañ ñeñth ateth oꞌ yexhaterrey Yompor Poechemer.

Santiago 1:4

Eꞌñe pokteꞌ alloꞌnepaꞌch sesen awantaꞌwanmoeꞌ allowen topateñets, allochñapaꞌ atthoch poktakma womenk sephaꞌ seyoxher Yomporekop, ñamha atthoch amach es sepallteno amaꞌt mamesha attho sameꞌñeña Yompor.

1 San Juan 2:3

Ñerraꞌm eꞌñe poꞌñoxh yameꞌñerrñaña Yompor poꞌñoñ ñeñth ateth oteney allempoñapaꞌ eꞌñech poꞌñoxh yeñoter ñeñth ateth pena ña.