San Lucas 8:1 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹ Allempoñapaꞌ chopeñeꞌcherrerr Jesús errapharen serrpareꞌtyesnomoeꞌ kowen ñoñets atthoch xhap allempo ayochreshathtena Yompor. Errakmañen chopeñeꞌchyen, ora allemeñ anetsoꞌmar all shontaꞌyena acheñeneshaꞌ ñamha all ama tama shonteyaye acheñ. Allñapaꞌ kothaꞌwanererr poeyochreshaꞌ xharrasheña ñeñth poechetsa epsheña.

San Lucas 8:1 Iomraidhean Croise

San Mateo 11:1

Yexhatwawan Jesús poeyochreshaꞌ ñeñth xharrasheña ñeñth poechetsa epsheña atethchaꞌ phaꞌyeset, allempoñapaꞌ awoꞌ ñamha Jesús alloth yexhatyesets; serrpareꞌtatyesan acheñeneshaꞌ all paꞌnetsreto.

San Mateo 13:19

Ñewa, añ poerets ñeñth xhapyesets thoñoꞌmar, ñeñthpaꞌ añ notenes acheñeneshaꞌ ñeñth eꞌmhñotenayeñ Yompor poꞌñoñ ñeñth attho ayochreshathtena ña. Amaꞌt eꞌmhñotenetañ tharraña ama xhenaneto poeyoxhreto ñeñth poꞌñoxh ateth oteney Yompor. Ñeñthoꞌmar allorokmach wapa oneñethpaꞌ oꞌch alla poerratamperranet Yompor poꞌñoñ eꞌñe poeyoxhretoth.

San Mateo 4:23

Allempoñapaꞌ chopeñeꞌchyes Jesús errapharen Galileoꞌmar. Yexhatyesosan judioneshaꞌ eꞌñe ñet poꞌpraweto. Allñapaꞌ serrpareꞌtatosanet kowen ñoñets attho ayochreshathtena Yompor. Aꞌkrratyesosan acheñeneshaꞌ; amaꞌt paꞌnamen osyenawet, amaꞌt paꞌnamen aꞌprramaꞌyenawet, ñañapaꞌ eꞌñe aꞌkrratyeswosanet.

San Mateo 9:35

Allothñapaꞌ aswawanom Jesús allowen anetso amaꞌt ñamha all ama tama eñalle acheñ. All yexhatyesosanet poerawoꞌmar. Serrpareꞌtatosanet ñeñth kowen ñoñets attho ayochreshathtena Yompor. Aꞌkrratyesosan ñeñth osyen paꞌnamen atsnañets ñamha ñeñth paꞌnamen atsotyenet.

San Marcos 1:39

Allempoñapaꞌ chopeñeꞌchyes Jesús errapharen Galileoꞌmar, serrpareꞌtatyesanet eꞌñe ñet poꞌpraweto. Ñamha ñeñth chorraꞌyena oneñeth, ñañapaꞌ eꞌñe kexhpatyeswerranet.

San Lucas 1:80

Añña cheshatholl Juanpaꞌ alloꞌna sen atarretnomtsa. Poekamkëñothpaꞌ atarr awamenkathetnena. Ñañapaꞌ alla yexhena allaphar amayo tharrempowa allempo orrta israelenaꞌtarneshesho.

San Lucas 20:1

Poꞌpocheño pamtharr Jesúsñapaꞌ alla yexhaterranerr acheñeneshaꞌ Parets paꞌpakllo. Allpaꞌ añ serrpareꞌtatenanet kowen ñoñets alloch yekeshperra. Attheñapaꞌ waxhaꞌtoña shonteꞌ amhchaꞌtarethneshaꞌ —ñeñth paꞌmhchaꞌtaretherneshaꞌ pen allowen judioneshaꞌ poꞌkornaneshar ñamha allponsheña ñeñth atarr etsotayenayeñ ñoñets ñeñth ateth anareth ñamha poꞌpotantañ ñeñth pomporneshaꞌ phaꞌyen allowen judioneshaꞌ.

San Lucas 4:18

Napaꞌ añ nechorrenaya Nompor Poekamkëñ tharroꞌmar ña nellsenseꞌ nach serrpareꞌtaterreꞌ ora allowen acheñeneshaꞌ ñeñth atarr es palltetsa. Napaꞌ añchaꞌ neñotaterranet kowen ñoñets ñeñthpaꞌ alloch keshperret. Ñamha añekopña llesenserren atthoch nach aꞌkrratyerreꞌ allowen ñeñth moeroxhetyetsa poellkëñoth poeyoxhreto. Nach eñotaterreꞌ ñamha ñeñth ayottamphsarethetyetsa allochñapaꞌ oꞌch atoramphsarethterret. Nach eñotaterreꞌ ñamha ñeñth ama entetso allochñapaꞌ oꞌch enterret. Ñamha ñeñth amoeroxhtatarethetyetsa nachña aꞌrroyataterrawet.

San Lucas 9:6

Eꞌñe ñeñtha otarethetwetpaꞌ ñetñapaꞌ allentha awanmoet oꞌch chopeñeꞌchyeset errakmañen anetsoꞌmar. Allñapaꞌ añ serrpareꞌtyesnomoet kowen ñoñets alloch yekeshperra. Ñamha all chopeñeꞌchyeset errakmañenpaꞌ allña aꞌkrratyesnomet ñeñth atsnaꞌtyets.

Los Hechos 10:38

Alla oterraneterr Pedro: —Señoteñtheꞌ Yomporpaꞌ oꞌ nan Poechemer Jesús ñeñth nazaretoꞌmarneshaꞌ. Oꞌ chorracha Parets Poekamkëñ ñamha nanak awamenkath peꞌ. Allothpaꞌ all chopeñeꞌchyeseꞌthpaꞌ nanak amoerañteꞌth. Aꞌkrratyesaneꞌth allowen ñeñth moeroxhtatyeseꞌth oneñeth, tharroꞌmar Pomporpaꞌ nanak yenpoeꞌth.

Los Hechos 13:32

‘Yapaꞌxhoꞌña theꞌpaꞌ oꞌch yeserrpareꞌtatas samha añ ñeñthara kowen ñoñets. Amaꞌt awath Yomporpaꞌ otaneꞌth yatañneshañ atethchaꞌ pha esempo

Romanos 10:15

Ñamha amach errothenoth aꞌpotheññañetoña Yompor poꞌñoñ, ñerraꞌm ama ña llesensenaweto. “Nanak kosheñtsoꞌtseney ñerraꞌm esempo wapa ñeñthchaꞌ aꞌpothoseꞌ kowen ñoñets ñeñth wetsa Yomporeshoth alloch yoksherra eꞌñe kowen yeyoxhro.” Añpaꞌ allowa ñeñth eꞌñe ateth akellkaꞌwareth Yompor poꞌñoño awathotheñ.