San Lucas 7:8 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁸ Tharroꞌmar napaꞌ ñeñthen ñeñth ateth petsa ñeñth ateth otenen ñeñth neyechenaya. Ñamha napaꞌxhoꞌña eñall ñeñth neyechena namha ñeñth nesolltarer nepen. Ñerraꞌm poesheñarr solltar noteñ: Phapaꞌ oꞌch aweph aꞌyo, ñañapaꞌ oꞌchxhoꞌ awoꞌ. Ñamha poꞌpsheñeñ solltar ñerraꞌm oꞌch noch: Phapaꞌ aphon arr, ñañapaꞌ oꞌchxhoꞌ wapa. Ñamha poꞌpsheñeñ naꞌtarwasañer ñerraꞌm oꞌch noch: Phapaꞌ arrchaꞌ petarwasaꞌmoen, ñañapaꞌ allchaꞌxhoꞌ tarwasaꞌmoen. Ñeñthoꞌmarña napaꞌ neñoteneph ñerraꞌm errothen photenpaꞌ eꞌñechkaꞌye ateth pena.”

San Lucas 7:8 Iomraidhean Croise

San Lucas 7:7

Napaꞌ ama kowenayayno ñeñthoꞌmarña aña nemñen poꞌpsheñeñ ñeñthchaꞌ nepoktatapaph, ñeñthchaꞌ photap korrerrepaꞌ naꞌtarwasañer, ñañapaꞌ akrrerrocheꞌch.

San Lucas 7:9

Allempo eꞌman Jesús ñeñth ateth oten capitán, ñañapaꞌ alla kowaꞌyesan allowen acheñeneshaꞌ ñeñth kothaꞌneneꞌ. Ñañapaꞌ ateth otanet: —Errothenothwañakaꞌyeña atarr yemtenna, ñapaꞌ amakaꞌye judioneshayaye. Napaꞌ oꞌch notas, amaꞌt awathapaꞌ ama nentareña acheñ ñeñth eꞌñe ateth neyemtenaya, amaꞌt allowen israelenaꞌtarneshaꞌpaꞌ amaꞌt poesheñarra ama nentareña ñeñth ateth atarr neyemtenaya. Amaꞌtpaꞌ korrerrepaꞌ paꞌtarwasañer.

Los Hechos 23:17

Allothña Pablopaꞌ oꞌ xhoreꞌtan poesheñarr capitán, ateth och: —Añ wepoeshaꞌpaꞌ oꞌch phanemh alloꞌtsen phaꞌmhchaꞌtarether tharroꞌmar ñapaꞌ atarr moeneñ oꞌch es aꞌmethenaꞌ.

Los Hechos 23:23

Allempoña amhchaꞌtarethpaꞌ agotatan epsheña poꞌcapitáner. Allempoña oꞌ xhapoetpaꞌ ateth otapanet: —Cherraꞌch a las nueve tsappaꞌ oꞌch sekamrat doscientos solltarneshaꞌ ñamha setenta ñeñth montenaya kawall, allothpaꞌ ñamha doscientos ñeñth orreneꞌ moetsamets alloch kellaret. Allothpaꞌ oꞌch sanem patherr kawall amapaꞌ epa alloch montaꞌnma Pablo. Allothñapaꞌ oꞌch sawanma Cesareo atthoch sexhapach kowen Pablo alloꞌtsen gobernador Félix.

Los Hechos 23:26

“Gobernador Félix ñeñtheph nanak koweneph amhchaꞌtareth, na Claudio Lisiaspaꞌ oꞌch newomhchaꞌtaph añ necartoth.

Los Hechos 23:31

Allempo ateth otanet paꞌmhchaꞌtaretherpaꞌ añña solltarneshaꞌpaꞌ eꞌñe aꞌnawa anmet Pablo tsapokma. Allothñapaꞌ oꞌ xhapoet all anetso paꞌsoꞌcheñ Antípatris.

Los Hechos 24:23

Allempoña ateth oterran poꞌcapitáner: —Theꞌpaꞌ allach sekwampererr Pablo. Amach tama saꞌmontsatsche. Ñamha xhokmach semnach ñeñth yemtenaya oꞌch es aph ñeñth palltena.

Los Hechos 25:26

Tharraña napaꞌ ama neñoteñe ñeñthchaꞌ ateth nekellkoñ yaꞌmhchaꞌtarether ñokop tharroꞌmar ama eñalle errothenothchaꞌ yotteñeꞌcheñ. Ñeñthoꞌmarña theꞌpaꞌ oꞌ nexhoreꞌtach arr all seshontena theꞌ. Allothña Festopaꞌ ateth otan amhchaꞌtareth Agripa: —Theꞌpaꞌ phach ñanom aꞌphthoꞌtareꞌteꞌ atthoch napaꞌ oꞌch neñoch errothenchaꞌ nekellkaꞌ carta amhchaꞌtarethekop.

Colosenses 3:22

Ñamha sapaꞌ oꞌch notas samha ñeñthes atarwasatarethes eꞌñe attha: Xhokmachña eꞌñe kowen sameꞌñyaña ñeñth samoꞌmteꞌ sepen añe patsro. Amachña poekwampeñothesaña semaꞌyoreñ setarwasatsto, ñeñthpaꞌ añekpaña ateth sepena atthoch eꞌñe kowen entenes samoꞌmteꞌ. Eꞌñechña semaꞌyorñekma seyoxhrokmañen eꞌñech kowen setarwasen. Eꞌñechña semhchaꞌnaꞌteñoth Yompor setarwasen eꞌñe kowen.