San Lucas 7:45 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴⁵ Ñamha allempo nexhap pepakllopaꞌ phañapaꞌ amaꞌt pewomhchaꞌteñothapaꞌ ama petsoꞌtstsaꞌpaꞌtapno. Tharraña añ koyaneshaꞌ eꞌñe allempo nexhap pepakllo ama attha kaxhposno allorokma tsoꞌtstekaꞌtosen atthoña orrtatosan poemorrenteña nokop.

San Lucas 7:45 Iomraidhean Croise

San Mateo 26:48

Ñewa, Judas ñeñth pomoerreꞌ Jesúspaꞌ ñañapaꞌ ateth otnoman acheñeneshaꞌ ñeñth anom atthoch chemeꞌtoset Jesús. Ñeñthpaꞌ ateth otnomanet: —Erraꞌtsenchaꞌ newomhchaꞌtos eꞌñe netsoꞌtstsapaꞌteñothpaꞌ ñeñthkaꞌyeña Jesús. Sañapaꞌ ñeñthchaꞌña serrmos.

Romanos 16:16

Eꞌñe semorrentannaꞌteñothpaꞌ atethchaꞌ sewomhchaꞌtannaꞌtena ñeñth ateth poktetsa Partsokop. Ñamha allowenet masheñneshaꞌ ñeñth apxhaꞌyetset allemeñ anetsoꞌmar eꞌñe pameꞌñeñothet Cristo, ñetpaꞌxhoꞌña moeneñet oꞌch womhchaꞌtaset ñamha arr necartoth.

1 Corintios 16:20

Ñamha allowen masheñneshaxhno ñamha noxhaneshaxhno ñeñth arroꞌtsaꞌyenpaꞌ moeneñet oꞌch womhchaꞌtaset ñamet. Eꞌñe semorrentannaꞌteñothpaꞌ atethchaꞌ sewomhchaꞌtannaꞌtena ñeñth ateth poktetsa Partsokop.

Efesios 6:4

Theꞌpaꞌ oꞌch notas samha ñeñthes pamoꞌmteꞌ pen cheshaneshaꞌ, seꞌmoñeꞌteñothpaꞌ amach saꞌtsrreꞌmareꞌtatatsche sakñetharneshaꞌ. Eꞌñechña añethollotheñ eꞌñe sekwampeñoth kowenpaꞌ oꞌch seyxhatyenanet eꞌñe kowen atthoch ñetpaꞌxhoꞌña oꞌch ameꞌñeret ñamet Yepartseshar Cristo. Ñamha amach semnatatstaneto oꞌch attha atarr athpareꞌtaset.

1 Tesalonicenses 5:26

Ñamha theꞌpaꞌ nemneñ oꞌch newomhchaꞌtas allowenes ñeñthes ameꞌñetsa.