San Lucas 7:4 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

^4-5 Allempoña xhapoet Jesúseshopaꞌ ñetñapaꞌ ateth otoset: —Ñeñth capitánpaꞌ ñapaꞌ atarr kowen acheñ, ñapaꞌ atarr morrentenya ya ñeñthey israelenaꞌtarey, amaꞌt yeprawapaꞌ oꞌ thomatatwosnay. Ñeñthoꞌmarña amaꞌt yapaꞌ eꞌñe pokteꞌ yenteñ oꞌch peyenpoeñaꞌ ñamha, ñapaꞌ amaꞌt ama judioneshayaye. Atthoña atarr enamoeñet Jesús atthoch yenpoenanaꞌ capitán.

San Lucas 7:4 Iomraidhean Croise

San Mateo 10:11

‘Amaꞌt erraꞌtsena anetser amaꞌt ñamha all ama tama eñalle acheñ ñerraꞌm erra sexhapaꞌchpaꞌ xhochña ñanom saꞌphthoꞌtyesosanet erroꞌtsentheꞌ kowen acheñpaꞌ allchaꞌña sexhap. Allñapaꞌ allchaꞌña saꞌposa tharrempowach esempoch seserrerr ñamha alloth.

San Mateo 10:13

Ñetña ñerraꞌm eꞌñe kowen acheñret, Yomporñapaꞌ aꞌnatenanetchaꞌ. Ñerraꞌm ama kowenayaye acheñretpaꞌ Yomporñapaꞌ oꞌch alla apoerres sa paꞌnateña.

San Lucas 20:35

Tharraña esempowañen allempoch tanterret poꞌpocheño allowen ñeñthchaꞌ eꞌñe pokteꞌ entwerr Yompor allochñapaꞌ atthoch oꞌch alla korrerret poꞌpocheño, ñetña allempopaꞌ amaꞌt poesheñarrotheta amach senaꞌterreto, amaꞌt koyaneshaꞌpaꞌxhoꞌ amach eseshayeꞌ apoerraye ñeñthchaꞌ yorerrawet.

San Lucas 7:3

Ñeñthña capitánpaꞌ allempo eꞌmareꞌtan Jesús oꞌ alla xherr Capernaumo, ñañapaꞌ oꞌ moeñan patantarr acheñ ñeñth pomporneshaꞌ pen judioneshaꞌ, oꞌch oteñetaꞌ Jesús attho agotateñ capitán oꞌch aꞌkrraterrñañaꞌ paꞌtarwasañer.

Los Hechos 10:2

Añña Cornelioñapaꞌ nanak kowen kothapeꞌcheꞌth Partsokop, ñamha nanak mechaꞌnaꞌteñ. Amaꞌt ñeñth yexhetsa eꞌñe parro ñetpaꞌxhoꞌña kothapeꞌcheteꞌth kowen Partsokop. Ñapaꞌ nanak amoeraña, shonteꞌ es apaꞌyesaneꞌth ñeñth es palltatseꞌth. Ñamha xhokmach maꞌyochenana Parets.

El Apocalipsis 3:4

Tharraña amaꞌt attheñpaꞌ all anetso Sardiso eꞌñe poesheñaꞌttsaña ñeñth ama yexhenaye sosyaꞌtsañ ñeñth ama pokteyeꞌ enteno Yompor. Ñetpaꞌ ateth atmaꞌntatarethtenet amaꞌt paꞌshtamoetpaꞌ ama aꞌsosyateñeto. Ñeñthoꞌmar ñetpaꞌ eꞌñe pokteꞌ nentenanet ñamha atthochña nemnaterranet oꞌch yechopeꞌcherr eꞌñe parro tharroꞌmar ñet ñeñth neshtamtatenanetpaꞌ ama aꞌsosyateñeto, eꞌñe kowenarer orrtenet eꞌñe wallamaꞌthareret.